ມອບ-ຮັບໂຄງການກໍ່ສ້າງສ້ອມແປງ ຍົກລະດັບເສັ້ນທາງຜັງບ້ານນໍ້າເຕົ່າ

ໂຄງການກໍ່ສ້າງ-ສ້ອມແປງ ຍົກລະດັບເສັ້ນທາງຄັ້ງນີ້, ມີເສັ້ນທາງລວມທັງໝົດ 12 ເສັ້ນ, ຄວາມຍາວທັງໝົດ 2,867 ແມັດ. ໃນນັ້ນປະກອບມີເສັ້ນທາງຕັດໃໝ່ 2 ເສັ້ນ, ເສັ້ນທີ 1 ກວ້າງ 5 ແມັດ, ຍາວ 310 ແມັດ ແລະ ເສັ້ນທີ 2 ກວ້າງ 4 ແມັດ, ຍາວ 393 ແມັດ, ເສັ້ນທາງຮ່ອມ 10 ເສັ້ນ. ໃນນີ້ມີ 2 ເສັ້ນ, ກວ້າງ 4 ແມັດ, ຍາວ 1.017 ແມັດ ແລະ ອີກ 8 ເສັ້ນ ກວ້າງ 3,50 ແມັດ, ຍາວ 1.147 ແມັດ ວຽກຕິດຕັ້ງທໍ່ລະບາຍນໍ້າລອດທາງມີທັງໝົດ 27 ແຫ່ງ ປະກອບມີຂະໜາດ 80 ຊັງຕີແມັດ (ຍາວ 12 ແມັດ) ຈຳ ນວນ 2 ແຫ່ງ, ຂະໜາດ 60 ຊັງຕີແມັດ (ຍາວ 66 ແມັດ) ຈຳນວນ 14 ແຫ່ງ ແລະ ຂະໜາດ 40 ຊັງຕີແມັດ (ຍາວ 70 ແມັດ) ຈຳນວນ 11 ແຫ່ງ.

ໂຄງການດັ່ງກ່າວ, ມີມູນຄ່າການກໍ່ສ້າງຕາມສັນຍາທັງໝົດ 742,700,000 ກີບ. ໃນນັ້ນທຶນປະ ກອບສ່ວນຂອງປະຊາຊົນພາຍໃນບ້ານຈຳນວນ 714,000,000 ກີບ ແລະ ບໍລິສັດຜູ້ຮັບເໝົາປະກອບສ່ວນທຶນສົມທົບຈຳນວນ 28,700,000 ກີບ. ໂຄງການໄດ້ເລີ່ມລົງມືຈັດຕັ້ງປະຕິບັດມາແຕ່ວັນທີ 1 ພະຈິກ 2025 ແລະ ໄດ້ສຳເລັດການກໍ່ສ້າງ 100% ໃນວັນທີ 11 ພຶດສະພາ 2026 ຊຶ່ງຈະຊ່ວຍອຳນວຍຄວາມສະດວກໃຫ້ການສັນຈອນໄປ-ມາ ແລະ ຍົກລະດັບຊີວິດການເປັນຢູ່ຂອງປະຊາຊົນພາຍໃນບ້ານໃຫ້ດີຂຶ້ນກວ່າເກົ່າ. ຂ່າວ: ແກ່ນທ້າວ; ພາບ: ຫ້ອງການ ຍທຂ ເມືອງແກ່ນທ້າວ