ພິທີມອບ-ຮັບໜ້າທີ່ ລະຫວ່າງ ທ່ານ ຄໍາເຫຼັກ ແກ້ວວິໄລພອນ ກໍາມະການພັກແຂວງ ຫົວໜ້າພະແນກພະລັງງານ ແລະ ບໍ່ແຮ່ແຂວງໄຊຍະບູລີ ຜູ້ເກົ່າ ແລະ ທ່ານ ຄໍາເພັດ ພົມມະລາດ ກໍາມະການພັກແຂວງ ຫົວໜ້າພະແນກພະລັງງານ ແລະ ບໍ່ແຮ່ແຂວງ ຜູ້ໃໝ່ ໄດ້ຈັດຂຶ້ນ ໃນວັນທີ 4 ມັງກອນ 2024 ທີ່ແຂວງໄຊຍະບູລີໂດຍມີທ່ານ ດວງຕາ ໄຊວຸດ ຮອງເລຂາພັກແຂວງໄຊຍະບູລີ, ມີພາກສ່ວນກ່ຽວຂ້ອງເຂົ້າຮ່ວມ.
ໃນພິທີ ທ່ານ ຄໍາເຫຼັກ ແກ້ວວິໄລພອນ ຫົວໜ້າພະແນກພະລັງງານ ແລະ ບໍ່ແຮ່ແຂວງ ຜູ້ເກົ່າ ໄດ້ລາຍງານວ່າ:ໃນໄລຍະຜ່ານມາ ໄດ້ເອົາໃຈໃສ່ນໍາພາຈັດຕັ້ງເຊື່ອມຊຶມແນວທາງນະໂຍບາຍ, ມະຕິ, ຄໍາສັ່ງ, ກົດໝາຍ, ຂໍ້ກໍານົດຕ່າງໆ ແລະ ທິດທາງໜ້າທີ່ຂອງຄະນະບໍລິຫານງານພັກແຂວງວາງອອກ ແຕ່ລະໄລຍະໃຫ້ສະມາຊິກພັກ, ພະນັກງານ-ລັດຖະກອນ, ມະຫາຊົນທົ່ວຄະນະພັກຮາກຖານຂອງຕົນ ເຊື່ອມຊຶມ, ກໍາແໜ້ນ ແລະ ຊີ້ນໍາຊຸກຍູ້ບັນດາໜ່ວຍພັກຂຶ້ນກັບຄະນະພັກຮາກຖານຈັດຕັ້ງປະຕິບັດໃຫ້ຖືກຕ້ອງ, ນໍາພາຊຸກຍູ້ການບໍາລຸງສ້າງຍົກລະດັບທາງດ້ານທິດສະດີການເມືອງ-ການປົກຄອງ ແລະລະດັບວິຊາສະເພາະໃຫ້ສູງຂຶ້ນເລື້ອຍໆ; ຮັບປະກັນເຮັດໜ້າທີ່ການເມືອງທີ່ໄດ້ຮັບມອບໝາຍໃຫ້ມີປະສິດທິພາບສູງ.
ໄດ້ຈັດຕັ້ງປະຕິບັດ ແລະ ຄຸ້ມຄອງໂຄງການລົງທຶນຂອງລັດແຕ່ປີ 2019-2023 ມີທັງໝົດ 17 ໂຄງການ ລວມມູນຄ່າຕາມສັນຍາ 247,32 ຕື້ກີບ, ໃນນີ້ ໂຄງການຂັ້ນກະຊວງ ມີ 6 ໂຄງການ, ມູນຄ່າ ຕາມສັນຍາ 148,77 ຕື້ກີບ ແລະ ໂຄງການຂັ້ນແຂວງຄຸ້ມຄອງມີ 11 ໂຄງການ ມູນຄ່າຕາມສັນຍາ 98,55 ຕື້ກີບ ຊຶ່ງທັງໝົດແມ່ນເປັນໂຄງການລົງທຶນເຂົ້າໃສ່ການກໍ່ສ້າງ ຂະຫຍາຍຕາຂ່າຍໄຟຟ້າ (ທັງໝົດແມ່ນເປັນໂຄງການສືບຕໍ່ຊຳລະໜີ້), ໃນປີ 2023 ໄດ້ຮັບອະນຸມັດແຜນການລົງທຶນຂອງລັດ ຈຳນວນ 15 ໂຄງການ ມູນຄ່າ 2.220,26 ລ້ານກີບ ໃນນີ້ບ້ວງຂອງກະຊວງ ຈຳນວນ 4 ໂຄງການ ມູນຄ່າ 250,26 ລ້ານກີບ ແລະ ບ້ວງຂອງແຂວງ ຈຳນວນ 11 ໂຄງການ ມູນຄ່າ 1.970 ລ້ານກີບ; ໄດ້ປະກອບເອກະສານຊຳລະ ສຳເລັດແລ້ວ 15 ໂຄງການ ທຽບໃສ່ແຜນການ ປະຕິບັດໄດ້ 100%. ໄດ້ສຳເລັດການຈັດຕັ້ງປະຕິບັດໂຄງການລົງທຶນ ບ້ວງທຶນພັດທະນາທ້ອງຖິ່ນ ໂຄງການໄຟຟ້າຫົງສາ ຈຳນວນ 2 ໂຄງການ ມູນຄ່າ 5,96 ຕື້ກີບ,ໄດ້ເອົາໃຈໃສ່ຄຸ້ມຄອງ, ຊຸກຍູ້ຕິດຕາມ, ກວດກາ ແລະ ອຳນວຍຄວາມສະດວກ ຕໍ່ກັບການພັດທະນາໂຄງການແຫຼ່ງຜະລິດໄຟຟ້າທີ່ຂັ້ນສູນກາງ ແລະ ຂັ້ນແຂວງອະນຸຍາດຢ່າງເປັນປົກກະຕິ. ມີໂຄງການທີ່ ກຳລັງສຶກສາສຳຫຼວດ-ເກັບກຳຂໍ້ມູນ ເພື່ອສ້າງບົດສຶກສາຄວາມເປັນໄປໄດ້ ດ້ານເສດຖະກິດ-ເຕັກນິກ ແລະ ການເງິນ; ກຳລັງກໍ່ສ້າງ ແລະ ດຳເນີນງານ ທີ່ມີກຳລັງຕິດຕັ້ງ 1 MW ຂຶ້ນໄປ ມີທັງໝົດ 18 ໂຄງການ ຄາດຄະເນກຳລັງຕິດຕັ້ງ 6.823,2 MW ໃນນີ້, ຂັ້ນສູນກາງຄຸ້ມຄອງ 7 ໂຄງການ ຄາດຄະເນກໍາລັງຕິດຕັ້ງ 6.750 MW ແລະ ຂັ້ນແຂວງຄຸ້ມຄອງ 11 ໂຄງການ ຄາດຄະເນກຳລັງຕິດຕັ້ງ 73,2 MWແລະວຽກງານອື່ນໆອີກ.
ໄດ້ນຳພາຄຸ້ມຄອງ ບັນດາໂຄງການຊອກຄົ້ນສຳຫຼວດ-ແຮ່ທາດ ທີ່ຂັ້ນສູນກາງອະນຸຍາດ ປະຕິບັດຢູ່ພາຍໃນແຂວງ ມີທັງໝົດມີ 4 ບໍລິສັດ; ມີເນື້ອທີ່ສຳປະທານ 758,15 ກິໂລຕາແມັດ ກວມເອົາ 4,6% ຂອງເນື້ອທີ່ແຂວງ, ໄດ້ເອົາໃຈໃສ່ຕິດຕາມ, ກວດກາ ແລະ ຊຸກຍູ້ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດຢູ່ພາຍ ໃນແຂວງ ມີ 26 ບໍລິສັດ ໃນນີ້, ຂັ້ນສູນກາງຄຸ້ມຄອງ 7 ບໍລິສັດ ແລະ ຂັ້ນແຂວງຄຸ້ມຄອງ 19 ບໍລິສັດ.
ຕອນທ້າຍ ທ່ານ ດວງຕາ ໄຊວຸດ ໄດ້ຮຽກຮ້ອງໃຫ້ຜູ້ທີ່ໄດ້ຖືກແຕ່ງຕັ້ງຮັບໜ້າທີ່ໃໝ່ ຈົ່ງໄດ້ສຶບຕໍ່ບຸກບືນເຮັດສໍາເລັດໜ້າທີ່ການຈັດຕັ້ງມອບໝາຍໃຫ້ເພິ່ມທະວີຄວາມສາມັກຄີພາຍໃນພັກ ເຮັດວຽກຕ້ອງລວມສູນປະຊາທິປະໄຕ ເປັນໝູ່ຄະນະ ບຸກຄົນຮັບຜິດຊອບໃຫ້ຄິດວ່າຢູ່ບ່ອນໃດຮັບຜິດຊອບວຽກໃດກໍແມ່ນການຈັດຕັ້ງມອບໝາຍໃຫ້. ອີກດ້ານໜຶ່ງການຍົກຍ້າຍໜ້າທີ່ຕໍາແໜ່ງຂອງພະນັກງານລັດຖະກອນແມ່ນເປັນເລື່ອງປົກກະຕິໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ວຽກງານໄລຍະໃໝ່, ພ້ອມທັງຮຽກຮ້ອງໃຫ້ຜູ້ທີ່ໄດ້ຮັບຫນ້າທີ່ໃຫມ່ຈົ່ງສຶບຕໍ່ພັດທະນາວຽກງານໃນຂອບເຂດທີ່ຕົນເອງຮັບຜິດຊອບຊີ້ນໍາ-ນໍາພາໃຫ້ວຽກງານດັ່ງກ່າວດີຂຶ້ນກວ່າເກົ່າ.
ຂ່າວ+ພາບ: ມະໄລວັນ
ໃນພິທີ ທ່ານ ຄໍາເຫຼັກ ແກ້ວວິໄລພອນ ຫົວໜ້າພະແນກພະລັງງານ ແລະ ບໍ່ແຮ່ແຂວງ ຜູ້ເກົ່າ ໄດ້ລາຍງານວ່າ:ໃນໄລຍະຜ່ານມາ ໄດ້ເອົາໃຈໃສ່ນໍາພາຈັດຕັ້ງເຊື່ອມຊຶມແນວທາງນະໂຍບາຍ, ມະຕິ, ຄໍາສັ່ງ, ກົດໝາຍ, ຂໍ້ກໍານົດຕ່າງໆ ແລະ ທິດທາງໜ້າທີ່ຂອງຄະນະບໍລິຫານງານພັກແຂວງວາງອອກ ແຕ່ລະໄລຍະໃຫ້ສະມາຊິກພັກ, ພະນັກງານ-ລັດຖະກອນ, ມະຫາຊົນທົ່ວຄະນະພັກຮາກຖານຂອງຕົນ ເຊື່ອມຊຶມ, ກໍາແໜ້ນ ແລະ ຊີ້ນໍາຊຸກຍູ້ບັນດາໜ່ວຍພັກຂຶ້ນກັບຄະນະພັກຮາກຖານຈັດຕັ້ງປະຕິບັດໃຫ້ຖືກຕ້ອງ, ນໍາພາຊຸກຍູ້ການບໍາລຸງສ້າງຍົກລະດັບທາງດ້ານທິດສະດີການເມືອງ-ການປົກຄອງ ແລະລະດັບວິຊາສະເພາະໃຫ້ສູງຂຶ້ນເລື້ອຍໆ; ຮັບປະກັນເຮັດໜ້າທີ່ການເມືອງທີ່ໄດ້ຮັບມອບໝາຍໃຫ້ມີປະສິດທິພາບສູງ.
ໄດ້ຈັດຕັ້ງປະຕິບັດ ແລະ ຄຸ້ມຄອງໂຄງການລົງທຶນຂອງລັດແຕ່ປີ 2019-2023 ມີທັງໝົດ 17 ໂຄງການ ລວມມູນຄ່າຕາມສັນຍາ 247,32 ຕື້ກີບ, ໃນນີ້ ໂຄງການຂັ້ນກະຊວງ ມີ 6 ໂຄງການ, ມູນຄ່າ ຕາມສັນຍາ 148,77 ຕື້ກີບ ແລະ ໂຄງການຂັ້ນແຂວງຄຸ້ມຄອງມີ 11 ໂຄງການ ມູນຄ່າຕາມສັນຍາ 98,55 ຕື້ກີບ ຊຶ່ງທັງໝົດແມ່ນເປັນໂຄງການລົງທຶນເຂົ້າໃສ່ການກໍ່ສ້າງ ຂະຫຍາຍຕາຂ່າຍໄຟຟ້າ (ທັງໝົດແມ່ນເປັນໂຄງການສືບຕໍ່ຊຳລະໜີ້), ໃນປີ 2023 ໄດ້ຮັບອະນຸມັດແຜນການລົງທຶນຂອງລັດ ຈຳນວນ 15 ໂຄງການ ມູນຄ່າ 2.220,26 ລ້ານກີບ ໃນນີ້ບ້ວງຂອງກະຊວງ ຈຳນວນ 4 ໂຄງການ ມູນຄ່າ 250,26 ລ້ານກີບ ແລະ ບ້ວງຂອງແຂວງ ຈຳນວນ 11 ໂຄງການ ມູນຄ່າ 1.970 ລ້ານກີບ; ໄດ້ປະກອບເອກະສານຊຳລະ ສຳເລັດແລ້ວ 15 ໂຄງການ ທຽບໃສ່ແຜນການ ປະຕິບັດໄດ້ 100%. ໄດ້ສຳເລັດການຈັດຕັ້ງປະຕິບັດໂຄງການລົງທຶນ ບ້ວງທຶນພັດທະນາທ້ອງຖິ່ນ ໂຄງການໄຟຟ້າຫົງສາ ຈຳນວນ 2 ໂຄງການ ມູນຄ່າ 5,96 ຕື້ກີບ,ໄດ້ເອົາໃຈໃສ່ຄຸ້ມຄອງ, ຊຸກຍູ້ຕິດຕາມ, ກວດກາ ແລະ ອຳນວຍຄວາມສະດວກ ຕໍ່ກັບການພັດທະນາໂຄງການແຫຼ່ງຜະລິດໄຟຟ້າທີ່ຂັ້ນສູນກາງ ແລະ ຂັ້ນແຂວງອະນຸຍາດຢ່າງເປັນປົກກະຕິ. ມີໂຄງການທີ່ ກຳລັງສຶກສາສຳຫຼວດ-ເກັບກຳຂໍ້ມູນ ເພື່ອສ້າງບົດສຶກສາຄວາມເປັນໄປໄດ້ ດ້ານເສດຖະກິດ-ເຕັກນິກ ແລະ ການເງິນ; ກຳລັງກໍ່ສ້າງ ແລະ ດຳເນີນງານ ທີ່ມີກຳລັງຕິດຕັ້ງ 1 MW ຂຶ້ນໄປ ມີທັງໝົດ 18 ໂຄງການ ຄາດຄະເນກຳລັງຕິດຕັ້ງ 6.823,2 MW ໃນນີ້, ຂັ້ນສູນກາງຄຸ້ມຄອງ 7 ໂຄງການ ຄາດຄະເນກໍາລັງຕິດຕັ້ງ 6.750 MW ແລະ ຂັ້ນແຂວງຄຸ້ມຄອງ 11 ໂຄງການ ຄາດຄະເນກຳລັງຕິດຕັ້ງ 73,2 MWແລະວຽກງານອື່ນໆອີກ.
ໄດ້ນຳພາຄຸ້ມຄອງ ບັນດາໂຄງການຊອກຄົ້ນສຳຫຼວດ-ແຮ່ທາດ ທີ່ຂັ້ນສູນກາງອະນຸຍາດ ປະຕິບັດຢູ່ພາຍໃນແຂວງ ມີທັງໝົດມີ 4 ບໍລິສັດ; ມີເນື້ອທີ່ສຳປະທານ 758,15 ກິໂລຕາແມັດ ກວມເອົາ 4,6% ຂອງເນື້ອທີ່ແຂວງ, ໄດ້ເອົາໃຈໃສ່ຕິດຕາມ, ກວດກາ ແລະ ຊຸກຍູ້ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດຢູ່ພາຍ ໃນແຂວງ ມີ 26 ບໍລິສັດ ໃນນີ້, ຂັ້ນສູນກາງຄຸ້ມຄອງ 7 ບໍລິສັດ ແລະ ຂັ້ນແຂວງຄຸ້ມຄອງ 19 ບໍລິສັດ.
ຕອນທ້າຍ ທ່ານ ດວງຕາ ໄຊວຸດ ໄດ້ຮຽກຮ້ອງໃຫ້ຜູ້ທີ່ໄດ້ຖືກແຕ່ງຕັ້ງຮັບໜ້າທີ່ໃໝ່ ຈົ່ງໄດ້ສຶບຕໍ່ບຸກບືນເຮັດສໍາເລັດໜ້າທີ່ການຈັດຕັ້ງມອບໝາຍໃຫ້ເພິ່ມທະວີຄວາມສາມັກຄີພາຍໃນພັກ ເຮັດວຽກຕ້ອງລວມສູນປະຊາທິປະໄຕ ເປັນໝູ່ຄະນະ ບຸກຄົນຮັບຜິດຊອບໃຫ້ຄິດວ່າຢູ່ບ່ອນໃດຮັບຜິດຊອບວຽກໃດກໍແມ່ນການຈັດຕັ້ງມອບໝາຍໃຫ້. ອີກດ້ານໜຶ່ງການຍົກຍ້າຍໜ້າທີ່ຕໍາແໜ່ງຂອງພະນັກງານລັດຖະກອນແມ່ນເປັນເລື່ອງປົກກະຕິໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ວຽກງານໄລຍະໃໝ່, ພ້ອມທັງຮຽກຮ້ອງໃຫ້ຜູ້ທີ່ໄດ້ຮັບຫນ້າທີ່ໃຫມ່ຈົ່ງສຶບຕໍ່ພັດທະນາວຽກງານໃນຂອບເຂດທີ່ຕົນເອງຮັບຜິດຊອບຊີ້ນໍາ-ນໍາພາໃຫ້ວຽກງານດັ່ງກ່າວດີຂຶ້ນກວ່າເກົ່າ.
ຂ່າວ+ພາບ: ມະໄລວັນ
ຄໍາເຫັນ