 |
ໃນພິທີ, ທ່ານ ພອນປະເສີດ ສີລາດວງເລີດ ປະທານສະມາຄົມນັກທຸລະກິດໜຸ່ມ ນວ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຊີ້ນຳ-ນຳພາວຽກງານຂອງສະມາຄົມນັກທຸລະກິດໜຸ່ມ ນວ ໄລຍະ 5 ປີຜ່ານມາ ແລະ ແຜນການທິດທາງໃນຕໍ່ໜ້າ, ຈາກນັ້ນໃນພິທີກໍໄດ້ມີການຜ່ານຂໍ້ຕົກລົງຍ້ອງຍໍຫຼຽນກາລະນຶກ 65 ປີ ຜ່ານຂໍ້ຕົກລົງ ວ່າດ້ວຍການຍ້ອງຍໍຂັ້ນສູນກາງ ຜ່ານຂໍ້ຕົກລົງຍ້ອງຍໍຊາວໜຸ່ມ ນວ ຜ່ານຂໍ້ຕົກລົງຍ້ອງຍໍເຈົ້າຄອງນະຄອນຫຼວງວຽງຈັນ ພ້ອມນັ້ນກໍໄດ້ມອບຫຼຽນກາລະນຶກ ແລະ ໃບຍ້ອງຍໍໃຫ້ກັບກົມກອງ ບໍລິສັດ ແລະ ບຸກຄົນ.
ຈາກນັ້ນ, ກໍໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງ ຄະນະສະມາຄົມນັກທຸລະກິດໜຸ່ມ ນະຄອນຫຼວງວຽງຈັນ ເລກທີ 688/ຈນວ ໂດຍໄດ້ມອບ-ຮັບໜ້າທີ່ລະຫວ່າງທ່ານ ພອນປະເສີດ ສີລາດວງເລີດ ປະທານສະມາຄົມນັກທຸລະກິດໜຸ່ມ ນວ ຜູ້ເກົ່າ ແລະ ທ່ານ ຊິນນະກອນ ພົມມະສິດ ປະທານສະມາຄົມນັກທຸລະກິດໜຸ່ມ ນວ ຜູ້ໃໝ່ ໂອກາດນີ້ໄດ້ຮັບຟັງການໂອ້ລົມຈາກທ່ານຮອງເຈົ້າຄອງ ນວ ອີກດ້ວຍ.
(ແຫຼ່ງຂ່າວ: ວຽງຈັນໃໝ່)
ຄໍາເຫັນ