ມອບ-ຮັບໜ້າທີ່ເລຂາໜ່ວຍພັກຮາກຖານ ຫົວໜ້າຫໍປະຊຸມແຫ່ງຊາດ 

ເພື່ອສືບຕໍ່ເຮັດໃຫ້ການນໍາພາ-ຊີ້ນຳ ວຽກງານຕາມພາລະບົດບາດ, ສິດ ແລະໜ້າທີ່ ຂອງຫໍປະຊຸມແຫ່ງຊາດ ທີ່ຂຶ້ນກັບຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ໃຫ້ມີຄວາມຕໍ່ເນື່ອງ, ໜັກແໜ້ນເຂັ້ມແຂງ ເປັນກ້າວໆ,ເມື່ອບໍ່ດົນມານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໄດ້ຈັດພິທີມອບ-ຮັບໜ້າທີ່ ເລຂາໜ່ວຍພັກຮາກຖານ, ຫົວໜ້າຫໍປະຊຸມແຫ່ງຊາດ ຜູ້ເກົ່າ ແລະ ຜູ້ໃໝ່, ໂດຍໃຫ້ກຽດເຂົ້າຮ່ວມເປັນປະທານຂອງສະຫາຍ ຄຳລາວັນ ຈັນທະລາວັນຮອງເລຂາພັກ ຮອງລັດຖະມົນຕີ ຮອງຫົວໜ້າ ຫສນຍ; ມີສະຫາຍຄະນະພັກ, ຫົວໜ້າກົມຈັດຕັ້ງ ແລະ ພະນັກງານ ພ້ອມດ້ວຍຜູ້ຕາງໜ້າຈາກບັນດາກົມ ພາຍໃນ ຫສນຍ ແລະ ພະນັກງານ-ລັດຖະກອນ ຫໍປະຊຸມແຫ່ງຊາດ ເຂົ້າຮ່ວມ.
ໃນພິທີ,ສະຫາຍນາງ ບຸນໜັກ ດາລາງາແກ້ວຄະນະພັກ ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານບັນດານິຕິກຳ, ເນຶື້ອໃນ ແລະ ເອກະສານທີ່ກ່ຽວຂ້ອງ ເປັນຕົ້ນມະຕິຕົກລົງຂອງຄະນະບໍລິຫານງານພັກ ຫສນຍ ວ່າດ້ວຍການຍົກຍ້າຍ ແລະ ຂໍ້ຕົກລົງແຕ່ງຕັ້ງ, ໃນນີ້ ໄດ້ຕົກລົງຍົກຍ້າຍສະຫາຍ ໄກສອນ ບຸນສົມຫວັງ ເລຂາໜ່ວຍພັກຮາກຖານຫົວໜ້າຫໍປະຊຸມແຫ່ງຊາດຜູ້ເກົ່າໄປຮັບໜ້າທີ່ໃໝ່ຢູ່ກົມບໍລິຫານ-ພິທີການແລະ ການເງິນຫສນຍ ແລະ ແຕ່ງຕັ້ງສະຫາຍ ຈັນຊະນະສີຈັນທອງທິບ ຮອງເລຂາຄະນະພັກຮາກຖານຮອງຫົວໜ້າກົມຄົ້ນຄວ້າ-ສັງລວມ ຫສນຍເປັນເລຂາໜ່ວຍພັກຮາກຖານເປັນຫົວໜ້າຫໍປະຊຸມແຫ່ງຊາດຜູ້ໃໝ່.ພ້ອມນັ້ນ, ກໍມີພິທີເຊັນບົດບັນທຶກມອບ-ຮັບໜ້າທີ່ຢ່າງເປັນທາງການ.
ໃນໂອກາດດັ່ງກ່າວ,ສະຫາຍ ຄຳລາວັນ ຈັນທະລາວັນ ໄດ້ໃຫ້ກຽດມີຄຳເຫັນໂອ້ລົມ ຊຶ່ງສະຫາຍ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ການນຳພາ-ຊີ້ນຳຂອງຄະນະໜ່ວຍພັກຫໍປະຊຸມແຫ່ງຊາດ ໃນໄລຍະຜ່ານມາ ພາຍໃຕ້ການນຳພາຂອງຜູ້ເກົ່າຊຶ່ງໄດ້ປະຕິບັດໜ້າທີ່ຮ່ວມກັບໝູ່ຄະນະ ພ້ອມກັນບຸກບືນສູ້ຊົນ, ສຸມສະຕິປັນຍາ, ເຫື່ອແຮງຜ່ານຜ່າຄວາມຫຍຸ້ງຍາກຕ່າງໆ ເຮັດສຳເລັດໜ້າທີ່ການເມືອງ ທີ່ໄດ້ຮັບມອບໝາຍ. ພ້ອມກັນນັ້ນ ກໍມີຄຳເຫັນບາງຕອນວ່າ: ການຍົກຍ້າຍ,ສັບຊ້ອນບ່ອນປະຈຳການ ແມ່ນກົດເກນ, ຂໍ້ກໍານົດ ແລະ ກົດລະບຽບຂອງພັກເຮົາທີ່ໄດ້ຈັດຕັ້ງປະຕິບັດເປັນປະຈໍາ ແລະ ປົກກະຕິ. ອັນສຳຄັນ ສະຫາຍ ໄດ້ມີຄຳເຫັນເນັ້ນໜັກ ຕໍ່ສະຫາຍຫົວໜ້າຫໍປະຊຸມແຫ່ງຊາດຜູ້ໃໝ່ ຈົ່ງເຊີດຊູຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃຫ້ສູງ ເພື່ອເຮັດຫຼ້ອນໜ້າທີ່ທີ່ພັກ ແລະ ລັດ ມອບໝາຍໃຫ້;ເອົາໃຈໃສ່ຈັດຕັ້ງປະຕິບັດວຽກງານການບໍລິການຮັບໃຊ້ແລະ ຮັກສາຄວາມສະອາດ;ເປັນເຈົ້າການ ແລະ ປະສານສົມທົບກັບທຸກພາກສ່ວນກ່ຽວຂ້ອງ ຮັກສາຄວາມສະຫງົບພາຍໃນ ແລະ ພາຍນອກ; ສືບ¬ຕໍ່ຮັກ¬ສາມູນ¬ເຊື້ອອັນດີ¬ງາມ ຂອງຫໍປະຊຸມແຫ່ງຊາດ ໂດຍສະ¬ເພາະຄວາມສາ¬ມັກ¬ຄີພາຍໃນຄະນະໜ່ວຍພັກ, ຄະນະນໍາ ຫໍປະຊຸມແຫ່ງຊາດ ເພື່ອເຕົ້າໂຮມຄວາມສາ¬ມັກ¬ຄີ ໃນຖັນແຖວສະ¬ມາ¬ຊິກພັກ-ພະ¬ນັກ¬ງານ;ເອົາໃຈໃສ່ວຽກງານ ສຶກ¬ສາອົບ¬ຮົມນຳ¬ພາແນວຄິດຂອງສະມາຊິກພັກ-ພະ¬ນັກ¬ງານ ພາຍໃນຫໍປະຊຸມແຫ່ງຊາດ ໃຫ້ມີຄວາມຮັບຮູ້, ເຂົ້າ¬ໃຈ ແລະ ເປັນເອກະພາບ ຕໍ່ການປັບປຸງການຈັດຕັ້ງໃນຄັ້ງນີ້, ພ້ອມກັນຈັດຕັ້ງປະຕິບັດວຽກງານໃນຄວາມຮັບຜິດຊອບຂອງຕົນ ໃຫ້ມີປະສິດທິພາບ, ປະສິດທິຜົນ ແລະ ມີຜົນສຳເລັດຕາມຄາດໝາຍທີ່ວາງໄວ້.
(ຂ່າວ-ພາບ: ຫສນຍ)