 |
ການມອບອຸປະຖໍາໃນຄັ້ງນີ້, ເພື່ອເປັນການຊຸກຍູ້ປະກອບສ່ວນກໍາລັງແຮງສັງລວມ ເຂົ້າໃຫ້ບັນດາຕາແສງ ໃນການປະຕິບັດໜ້າທີ່ຂອງຕົນ ໃຫ້ມີປະສິດທິພາບຍິ່ງຂຶ້ນ.
 |
ໂອກາດນີ້, ທ່ານ ປະທານປົກຄອງແຂວງ ໄດ້ສະແດງຄວາມຂອບໃຈ ມາຍັງ ທ່ານ ຮອງປະທານບໍລິສັດ ພ້ອມດ້ວຍຄະນະ ທີ່ໄດ້ນໍາເອົາເຄື່ອງອຸປະກອນສິ່ງຂອງຈໍາເປັນ ມາປະກອບສ່ວນອຸປະຖໍາຊຸກຍູ້ ແລະ ຈະນຳເອົາອຸປະກອນເຫຼົ່ານີ້ ໄປມອບຕໍ່ໃຫ້ແຕ່ລະຕາແສງ ນໍາໃຊ້ເຂົ້າໃນວຽກງານວິຊາສະເພາະຢ່າງມີປະສິດທິພາບ ແລະ ປະສິດທິຜົນສູງ. ພ້ອມກັນນັ້ນ, ທ່ານ ປະທານປົກຄອງແຂວງ ໄດ້ສະແດງຄວາມຂອບໃຈ ແລະ ອວຍພອນໃຫ້ບັນດາບໍລິສັດທີ່ໃຫ້ການອຸປະຖໍາ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ມີຄວາມຈະເລີນຮຸ່ງເຮືອງກ້າວໜ້າ ແລະ ປະສົບຜົນສົບຜົນສໍາເລັດຍິ່ງໆຂຶ້ນ.
 |
ສຳລັບເຄື່ອງທີ່ນຳມາມອບໃນຄັ້ງນີ້ ປະກອບດ້ວຍ: ຄອມພີວເຕິ ຈຳນວນ 106 ເຄື່ອງ, ຈັກປີນເຕີຈຳນວນ 53 ເຄື່ອງ ພ້ອມອຸປະກອນຄົບຊຸດ, ລວມມູນຄ່າທັງໝົດ 1.200.000.000 ກີບ. ໃນນີ້, ກຸ່ມບໍລິສັດ PSL 1.000.000.000ກີບ, ບໍລິສັດ ກຸ່ມບຸນທະວີຊັບ ຈຳກັດ 100.000.000 ກີບ ແລະ ບໍລິສັດ ແສງທອງກໍ່ສ້າງ ເຄຫາສະຖານຂົວທາງ ແລະ ຊົນລະປະທານ 100.000.000ກີບ.
ຄໍາເຫັນ