ມອບ-ສົ່ງງົວຕົ້ນທຶນຄືນໃຫ້ແກ່ບໍລິສັດກຸ່ມຄໍາໄພຊະນະຈໍາກັດ

ມອບ-ສົ່ງງົວຕົ້ນທຶນຄືນໃຫ້ແກ່ບໍລິສັດກຸ່ມຄໍາໄພຊະນະຈໍາກັດ
ປະຊາຊົນທຸກຍາກ 104 ຄອບຄົວຢູ່ບ້ານອອມ ແລະ ບ້ານກໍໄຮ ເມືອງອະນຸວົງ ແຂວງໄຊສົມບູນ ໄດ້ມອບ-ສົ່ງງົວຕົ້ນທຶນຄືນໃຫ້ແກ່ບໍລິສັດກຸ່ມຄໍາໄພຊະນະຈໍາກັດຜູ້ດຽວພາຍຫຼັງທີ່ໄດ້ຮັບງົວແມ່ພັນພື້ນເມືອງລາວຈຳນວນ 209 ແມ່ໄປລ້ຽງຄົບຕາມກໍານົດເວລາ 4 ປີ ໂດຍທ່ານ ຄຳໄພ ສົມຊະນະ ປະທານບໍລິສັດ ຜູ້ເຮັດແທ້ທຳຈິງ ນັບແຕ່ນ້ອຍຫາໃຫຍ່ ຈາກລູກພໍ່ໄຮ່ ແມ່ຊາວສວນ ເມື່ອປະສົບຜົນສຳເລັດດ້ານຊີວິດ ແລະ ທຸລະກິດແລ້ວກໍໄດ້ມີຄວາມເສຍສະຫຼະຊັບສິນສ່ວນຕົວຊ່ວຍເຫຼືອຊຸກຍູ້ສົ່ງເສີມຄອບຄົວປະຊາຊົນຜູ້ທຸກຍາກ ແຕ່ຕ້ອງດຸໝັ່ນ ມີພື້ນທີ່ປູກຫຍ້າ ໂດຍເພິ່ນແບກຫາບດອກເບ້ຍແທນປະຊາຊົນ ຍ້ອນໂຄງການແມ່ນເອົາພຽງຕົ້ນທຶນງົວຄືນເທົ່ານັ້ນ ສ່ວນຜົນຕອບແທນກໍຄືງົວທີ່ເກີດຈາກການລ້ຽງ ຫຼື ກຳໄລໄດ້ຫຼາຍໂຕທໍ່ໃດກໍແມ່ນມອບໃຫ້ຄອບຄົວປະຊາຊົນຜູ້ລ້ຽງນັ້ນທັງໝົດ.
ພິທີມອບ-ສົ່ງງົວຕົ້ນທຶນຄືນໃຫ້ແກ່ບໍລິສັດກຸ່ມຄໍາໄພຊະນະຈໍາກັດຜູ້ດຽວ ກໍຄືໂຄງການ KPG ພັດທະນາກະສິກໍາ ແລະ ປ່າໄມ້ ແຂວງໄຊສົມບູນ ໄດ້ຈັດຂຶ້ນເມື່ອບໍ່ດົນມານີ້, ໂດຍການເຂົ້າຮ່ວມເປັນປະທານຂອງທ່ານ ຕົ່ງມົວ ຊົວໂກ້ ຮອງເຈົ້າແຂວງໄຊສົມບູນ, ທ່ານ ບຸນທອນ ປັນແກ້ວ ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງ, ທ່ານ ຄໍາໄພ ສົມຊະນະ ປະທານບໍລິສັດກຸ່ມຄໍາໄພຊະນະ ຈໍາກັດຜູ້ດຽວ, ພ້ອມດຽວກັນນີ້ກໍມີພະແນກການທີ່ກ່ຽວຂ້ອງຂັ້ນແຂວງ ແລະ ເມືອງອະນຸວົງ, ອໍານາດການປົກຄອງ ຕະຫຼອດຮອດປະຊາຊົນຜູ້ລ້ຽງງົວທັງ 2 ບ້ານເຂົ້າຮ່ວມຢ່າງພ້ອມພຽງ; ທ່ານ ຄຳໄພ ສົມຊະນະ ກ່າວວ່າ: ເພື່ອເປັນການຈັດຕັ້ງຜັນຂະຫຍາຍແນວທາງຂອງພັກ ແລະ ລັດຖະບານ ໂດຍສະເພາະແມ່ນຂໍ້ແຂ່ງຂັນຮັກຊາດ ແລະ ພັດທະນາ ເພື່ອແກ້ໄຂຄວາມທຸກຍາກຂອງປະຊາຊົນດ້ວຍການປູກການລ້ຽງຂາຍເປັນສິນຄ້າຕອບສະໜອງໃຫ້ພາຍໃນ ແລະ ສົ່ງອອກຕ່າງປະເທດ ຕົນເອງຈຶ່ງໄດ້ຕັດສິນໃຈນຳງົວແມ່ພັນພື້ນເມືອງລາວໄປມອບໃຫ້ປະຊາຊົນຜູ້ທຸຍາກຢູ່ເຂດຈຸດສຸມບ້ານອອມ-ບ້ານກໍໄຮລ້ຽງໃນຄັ້ງວັນທີ 11/11/2019-11/11/2023 ຫຼື ປັດຈຸບັນຖືໄດ້ວ່າໄດ້ຮັບໝາກຜົນສຳເລັດຢ່າງໜ້າເພິ່ງພໍຫຼາຍ ປະຊາຊົນແມ່ນໄດ້ຮັບຜົນປະໂຫຍດໂດຍກົງ ແລະ ຈິງແທ້ ຈາກຄອບຄົວທີ່ບໍ່ເຄີຍມີງົວ ກໍມີງົວລ້ຽງເພີ່ມຂຶ້ນ ຊີວິດການເປັນຢູ່ກໍນັບມື້ຖອຍຫ່າງອອກຈາກຄວາມທຸກຍາກເທື່ອລະກ້າວ.
ສຳລັບໂຄງການ,ນອກຈາກຊຸກຍູ້ສົ່ງເສີມການລ້ຽງງົວຢູ່ບ້ານອອມ ແລະ ບ້ານກໍໄຮ ແລ້ວຍັງໄດ້ສະໜອງດ້ານແນວພັນຫຍ້າ, ຢາຮັກປົວ ແລະ ມີວິຊາການເບິ່ງແຍ່ງຊ່ວຍປະຊາຊົນອີກ ລວມເປັນມູນຄ່າທັງໝົດ 1.254.000.000 ກີບ, ຜ່ານການຈັດຕັ້ງປະຕິບັດໂຄງການ ສາມາດເກັບກູ້ຄືນງົວຕົ້ນທຶນຕົວຈິງທີ່ເຫຼືອຈາກການເຈັບປ່ວຍຍ້ອນພະຍາດ ແລະ ການປ່ຽນແປງຂອງດິນຟ້າອາກາດ ໄດ້ຄືນທັງໝົດ 179 ໂຕ ສ່ວນປະຊາຊົນຜູ້ລ້ຽງໄດ້ຮັບຜົນຕອບແທນຈາກການລ້ຽງງົວ ທີ່ເປັນກຳໄລທັງໝົດ 242 ໂຕ, ຄິດເປັນເງິນຕາມມູນຄ່າຕົວຈິງ 1.195.300.000 ກີບ.
ແນວໃດກໍດີ ໂຄງການນີ້ນັບວ່າສ້າງປະກົດການໃໝ່ໃນແວດວົງຂອງການປ່ອຍງົວໃຫ້ປະຊາຊົນລ້ຽງ ຍ້ອນເອກະຊົນບໍລິຫານຈັດການແຫຼ່ງທຶນ ແລະ ງົວເອງຮ່ວມກັບປະຊາຊົນ ຊຶ່ງຜ່ານມາກໍມີຫຼາຍໂຄງການເຮັດມາແລ້ວ ແຕ່ຮອດກຳນົດເວລາເກັບກູ້ຄືນກໍມິດງຽບຫາຍໄປທັງຕົ້ນທຶນ ແລະ ກຳໄລ ຊຶ່ງຫຼັງຈາກທີ່ສຳເລັດພິທີມອບສົ່ງງົວຄັ້ງນີ້ ກໍມີພໍ່ແມ່ປະຊາຊົນຜູ້ລ້ຽງງົວໃນໂຄງການເກືອບທັງໝົດ ນັບແຕ່ຜູ້ນ້ອຍ, ຜູ້ໃຫຍ່ ໄປຈົນຮອດຜູ້ເຖົ້າຜູ້ແກ່ພາລູກຫຼານ ມາສະເໜີຂໍຊື້ງົວຂອງຕົນເອງຄືນນຳໂຄງການເພື່ອໄປລ້ຽງຢ່າງເປັນຂະບວນຟົດຟື້ນ ເນື່ອງຈາກມີຄວາມຮັກ ຄວາມຜູກພັນ ໂດຍປັດຈຸບັນ,ໂຄງການນີ້ຍັງມີການດຳເນີນງານຢູ່ເມືອງທ່າໂທມ ແຂວງໄຊສົມບູນ ຊຶ່ງມີການປ່ອຍໃຫ້ປະຊາຊົນຮູບແບບ 2-3 ໂດຍບໍລິສັດປ່ອຍ 1 ຄືນມາ 2 ໃນກຳນົດ 4 ປີ ເຊັ່ນດຽວກັນ ທັງນີ້ກໍເພື່ອເປັນການນຳງົວແມ່ພັນໄປມອບໃຫ້ຄອບຄົວທຸກຍາກ ແລະ ດຸໝັ່ນອື່ນໆຕໍ່ໄປ ພາຍໃນແຂວງໄຊສົມບູນ ແລະ ແຂວງອື່ນໆໃນຂອບເຂດທົ່ວປະເທດ ໂດຍໂຄງການໄດ້ວາງເປົ້າໝາຍໄວ້ໃຫ້ໄດ້ 11 ພັນແມ່ແຕ່ປີ 2025-2030.
(ຂ່າວ-ພາບ: ແຂວງໄຊສົມບູນ)

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ