ມູນ​ຄ່າ​ເພີ່ມ​ຂອງ​ອຸດ​ສາ​ຫະ​ກຳ​ເບົາ​ຂະ​ໜາດ​ໃຫຍ່​ຂອງ​ຈີນ ເພີ່ມ​ຂຶ້ນ 5,3%

ຂ່າວຕ່າງປະເທດລາຍງານວ່າ: ອົງການສະຖິຕິຂອງຕວັກກີໄດ້ເປີດເຜີຍຂໍ້ມູນໃນວັນທີ 3 ກຸມພາ ຜ່ານມາຊຶ່ງສະແດງໃຫ້ເຫັນວ່າ, ດັດຊະນີລາຄາຜູ້ບໍລິໂພກ (CPI) ສຳລັບເດືອນມັງກອນຊ້າລົງເລັກນ້ອຍເປັນ 30.65% ເມື່ອທຽບກັບປີກ່ອນ, ຫຼຸດລົງຈາກ 30.89% ໃນເດືອນທັນວາ. ຢ່າງໃດກໍຕາມ, ໂຕເລກນີ້ສູງກວ່າຄວາມຄາດຫວັງຂອງນັກວິເຄາະໄວ້ທີ່ 30.00% ຊຶ່ງໄດ້ຮັບແຮງກົດດັນຈາກການເພີ່ມຂຶ້ນຂອງຄ່າແຮງງານຂັ້ນຕໍ່່າປະຈໍາປີ, ການຂຶ້ນລາຄາສິນຄ້າ ແລະ ການບໍລິການຫຼາຍຢ່າງໃນຕົ້ນປີ.

ຂ່າວຕ່າງປະເທດລາຍງານວ່າ: ຄະນະກຳມະການການທ່ອງທ່ຽວສິງກະໂປໄດ້ເປີດເຜີຍໃນວັນທີ 3 ກຸມພາ ຜ່ານມາວ່າ, ລາຍຮັບຈາກການທ່ອງທ່ຽວຂອງສິງກະໂປໃນສາມໄຕມາດທຳອິດຂອງປີ 2025 ໄດ້ເພີ່ມຂຶ້ນ 6.5% ເມື່ອທຽບໃສ່ປີກ່ອນໜ້າ ຊຶ່ງບັນລຸລະດັບສູງສຸດແບບບໍ່ເຄີຍມີມາກ່ອນ ທີ່ 23.9 ຕື້ໂດລາສິງກະໂປ (ປະມານ 18.8 ຕື້ໂດລາ) ແລະ ມີທ່າອ່ຽງທີ່ຈະສ້າງລາຍຮັບໄດ້ຕະຫຼອດປີ 2025 ສູງກວ່າເປົ້າໝາຍທີ່ຄາດຄະເນໄວ້ ທີ່ 29-30.5 ຕື້ໂດລາສິງກະໂປ.

ຂ່າວຕ່າງປະເທດລາຍງານ ໃນວັນທີ 2 ກຸມພາ ຜ່ານມາວ່າ: ສີລັງກາ ໄດ້ປະກາດອະນຸຍາດໃຫ້ແມ່ຍິງສາມາດເຮັດວຽກກະກາງຄືນໃນຕຳແໜ່ງພະນັກງານເຮັດຄວາມສະອາດ ແລະ ພະນັກງານບໍລິການອາຫານ, ໂດຍມີຈຸດປະສົງເພື່ອເພີ່ມການມີສ່ວນຮ່ວມຂອງແຮງງານ, ຍ້ອນວ່າອັດຕາການເຂົ້າສູ່ຕະຫຼາດແຮງງານຂອງແມ່ຍິງໃນສີລັງກາຍັງຢູ່ໃນລະດັບ ຕໍ່າ ຢູ່ທີ່ປະມານ 30%.

ຂ່າວຕ່າງປະເທດລາຍງານ ໃນວັນທີ 2 ກຸມພາ ຜ່ານມາວ່າ: ສີລັງກາ ໄດ້ປະກາດອະນຸຍາດໃຫ້ແມ່ຍິງສາມາດເຮັດວຽກກະກາງຄືນໃນຕຳແໜ່ງພະນັກງານເຮັດຄວາມສະອາດ ແລະ ພະນັກງານບໍລິການອາຫານ, ໂດຍມີຈຸດປະສົງເພື່ອເພີ່ມການມີສ່ວນຮ່ວມຂອງແຮງງານ, ຍ້ອນວ່າອັດຕາການເຂົ້າສູ່ຕະຫຼາດແຮງງານຂອງແມ່ຍິງໃນສີລັງກາຍັງຢູ່ໃນລະດັບ ຕໍ່າ ຢູ່ທີ່ປະມານ 30%.

ຂ່າວຕ່າງປະເທດລາຍງານ ໃນວັນທີ 2 ກຸມພາ ຜ່ານມາວ່າ: ອິນເດຍໄດ້ປະກາດມາດຕະການຈູງໃຈຄັ້ງສຳຄັນ, ໂດຍການຍົກເວັ້ນພາສີ (Tax Holiday) ສູງເຖິງ 20 ປີໃຫ້ແກ່ບໍລິສັດຂ້າມຊາດທີ່ເຂົ້າມາໃຫ້ການບໍລິການສູນຂໍ້ມູນລະດັບໂລກໃນອິນເດຍ, ໂດຍຫວັງຈະເລັ່ງດຶງດູດນັກລົງທຶນເຂົ້າສູ່ຂະແໜງພື້ນຖານໂຄງລ່າງດີຈີຕອນທີ່ເຕີບໂຕຢ່າງໄວວາ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 3 ກຸມພາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານຟ້າມມິງຈິງ ນາຍົກລັດຖະມົນຕີຫວຽດນາມ ໃຫ້ການຕ້ອນຮັບທ່ານ ປ.ອ ຟີລິບ ຣອສເລີ ປະທານເວທີປາໄສເສດຖະກິດຊູແອັດ - ຫວຽດນາມ ພ້ອມກັບບັນດາວິສາຫະກິດ ຊູແອັດ ແລະ ເອີຣົບ ທີ່ມາຊອກຫາໂອກາດລົງທຶນຢູ່ຫວຽດນາມ.

ຂ່າວສານຊີອາໄອລາຍງານ ຫວ່າງບໍ່ດົນມານີ້ວ່າ: ໂຄງການຜະລິດໄຟຟ້າດ້ວຍພະລັງງານລົມອາຢີຊານຂອງເອທິໂອປີ ທີ່ຮັບເໝົາກໍ່ສ້າງໂດຍວິສາຫະກິດຈີນໄດ້ຈັດພິທີເປີດການຜະລິດໄຟຟ້າຢູ່ລັດໂຊມາລີຂອງເອທິໂອປີ, ໂດຍມີທ່ານ ອາບີ ອາເມັດ ອາລີ ນາຍົກລັດຖະມົນຕີເອທິໂອປີ, ທ່ານ ອິສເມວ ໂອມາ ກູເອລເລ ປະທານາທິບໍດີບູຕິ, ທ່ານ ຮາສຊານ ເຊກໂມຮາມຸດ ປະທານາທິບໍດີໂຊມາລີ ແລະ ທ່ານອື່ນໆ ເຂົ້າຮ່ວມພິທີດັ່ງກ່າວ.

ຂ່າວຕ່າງປະເທດລາຍງານວ່າ: ສິງກະໂປ ກຳລັງຢູ່ໃນຂັ້ນຕອນການສ້າງຕັ້ງອົງການອະວະກາດຂອງຕົນ ເພື່ອພະຍາຍາມຍາດເອົາສ່ວນແບ່ງຂອງອຸດສາຫະກຳອະວະກາດທົ່ວໂລກ ຊຶ່ງຄາດວ່າຈະບັນລຸ 1.8 ພັນຕື້ໂດລາ ໃນເວລາບໍ່ຮອດ 10 ປີ. ໂດຍກະຊວງການຄ້າ ແລະ ອຸດສາຫະກຳ ສິງກະໂປ ໄດ້ປະກາດໃນວັນທີ 2 ກຸມພາ ຜ່ານມາວ່າ: ອົງການອະວະກາດແຫ່ງຊາດສິງກະໂປ (National Space Agency of Singapore ຫຼື NSAS) ຈະຖືກສ້າງຕັ້ງຂຶ້ນຢ່າງເປັນທາງການໃນວັນທີ 1 ເມສາ ນີ້ ໂດຍມີຈຸດປະສົງເພື່ອດຶງດູດບໍລິສັດອະວະກາດຈາກທົ່ວໂລກ ໃຫ້ມາສ້າງຕັ້ງຖານການດໍາເນີນງານໃນສິງກະໂປ.

ຂ່າວສານຊີອາໄອລາຍງານວ່າ: ກະຊວງອຸດສາຫະກຳ ແລະ ຫັນເປັນຂໍ້ມູນຂ່າວສານຈີນໄດ້ເຜີຍແຜ່ຂໍ້ມູນໃນວັນທີ 1 ກຸມພາ ຜ່ານມາ ສະແດງໃຫ້ເຫັນວ່າ: ໃນປີ 2025, ອັດຕາສ່ວນໃນຕະຫຼາດສາກົນຂອງຈີນໃນຕົວຊີ້ວັດຫຼັກ 3 ຢ່າງຂອງການຕໍ່ກຳປັ່ນໄດ້ຮັກສາຕຳແໜ່ງຜູ້ນຳໜ້າຂອງໂລກ 16 ປີລຽນຕິດ.

ວິທະຍຸກະຈາຍສຽງຫວຽດນາມ ລາຍງານວ່າ: ກອງປະຊຸມສຸດຍອດ ລັດຖະບານ ໂລກ (WGS) ຄາດວ່າຈະດຳເນີນຢູ່ນະຄອນດູໄບ ສະຫະລັດ ອາຣັບ ເອມີເລັດ (UAE) ໃນລະຫວ່າງວັນທີ 3 ກຸມພາ - 5 ກຸມພາ ນີ້, ໂດຍມີການເຂົ້າຮ່ວມຂອງປະມຸກລັດ 40 ທ່ານ ແລະ ຜູ້ນຳລັດຖະບານກໍຄືລັດຖະມົນຕີນັບຮ້ອຍທ່ານທີ່ມາຈາກ 150 ປະເທດໃນທົ່ວໂລກ.