 |
ທ່ານ ນາງ ທອງສະມຸດ ອຸໄລສອນ ຮັກສາການຫົວໜ້າຫ້ອງການ ອຸດສາຫະກຳ ແລະ ການຄ້າເມືອງ ໄດ້ຂື້ນຜ່ານສັນຍາເຊົ່າທີ່ດິນລັດໃນການຈັດງານຕະຫຼາດນັດເຄື່ອນທີ່ ຢູ່ພາຍໃນເມືອງໄຊຍະບູລີລະຫວ່າງ ຜູ້ໃຫ້ຈັດງານຕະຫຼາດນັດເຄື່ອນທີ່:ອົງການປົກຄອງເມືອງໄຊຍະບູລີ, ຕາງໜ້າໂດຍຫ້ອງການອຸດສາຫະກໍາ ແລະ ການຄ້າເມືອງເອີ້ນວ່າ (ຝ່າຍ ກ) ແລະ ຜູ້ຈັດງານຕະຫຼາດນັດເຄື່ອນທີ່ບໍລິສັດ ເມກສະຫວັນ ການຄ້າແລະ ບໍລິການຈັດງານຕະຫຼາດນັດຈໍາກັດເອີ້ນວ່າ (ຝ່າຍ ຂ), ທັງສອງຝ່າຍໄດ້ຕົກລົງເຫັນດີເປັນເອກະພາບກັນສ້າງສັນຍາເຊົ່າທີ່ດິນລັດໃນການຈັດງານຕະຫຼາດນັດເຄື່ອນທີ່ ຢູ່ພາຍໃນເມືອງໄຊຍະບູລີມີ 2 ຈຸດຄື: ເດີ່ນກິລາຮົ່ມ ບ້ານສີເມືອງ ແລະ ເດີ່ນໂຮງຮຽນປະຖົມນາຕໍນ້ອຍ ເມືອງໄຊຍະບູລີ ແຂວງໄຊຍະບູລີ, ປະເພດສິນຄ້າ ແລະ ບໍລິການທີ່ເອົາມາຂາຍປະກອບມີ: ເຄື່ອງນຸ່ງຫົ່ມ, ແຜ່ນແພ, ເຄື່ອງໃຊ້ຄົວເຮືອນ, ເຄື່ອງເບັດຕາເລັດ, ອາຫານການກິນ, ສະໄລເດີ, ຊິງຊ້າ, ມ້າໝູນ, ຊັດໝາກເບັງ ແລະ ປູ, ປາ, ນໍ້າເຕົ້າ ( ສະເພາະ ປູ, ປາ, ນໍ້າເຕົ້າ ແມ່ນກໍານົດໃຫ້ຫຼິ້ນ 2 ໂຕະຕໍ່ຖ້ຽວ), ໃນການຫຼິ້ນແມ່ນບໍ່ໃຫ້ມີບັນຫາ ຫຼື ຂໍ້ຂັດແຍ່ງເກີດຂຶ້ນ, ຖ້າຫາກມີບັນຫາລະຫວ່າງເຈົ້າຂອງກັບຜູ້ຫຼິ້ນແມ່ນໃຫ້ໂຈະ; ຝ່າຍ ກ ຍິນດີເອົາສະຖານທີ່ດັ່ງກ່າວໃຫ້ ຝ່າຍ ຂເຊົ່າ 8 ຄັ້ງ/ 1 ປີ ແລະ ທົດລອງ 1 ຄັ້ງ ລວມເປັນ 9 ຄັ້ງຕໍ່ປີ, ກໍານົດເວລາລົງ 10 ວັນ/ ຄັ້ງ, ກໍານົດເວລາເປີດ-ປິດແມ່ນ 7 ໂມງ 30 ນາທີ ຫາ 23 ໂມງ 30 ນາທີ,ເຊິ່ງເລີ່ມແຕ່ວັນທີ 5 ສິງຫາ 2026 ຫາ 5 ສິງຫາ 2027; ຝ່າຍ ກ ແລະ ຝ່າຍ ຂ ໄດ້ຕົກລົງເປັນເອກະພາບກໍານົດອັດຕາຄ່າເຊົ່າ ເປັນເງິນ250,000,000ກີບ/ປີ.
ຈາກນັ້ນກໍໄດ້ຜ່ານຮ່າງສັນຍາສັນຍາສໍາປະທານໃນການຈັດງານເທດສະການບຸນອອກພັນສາປະວໍຣະນາ ແລະ ບຸນຊ່ວງເຮືອ ປະຈໍາປີ 2026 ຢູ່ເມືອງໄຊຍະບູລີ ແຂວງໄຊຍະບູລີ ອົງການປົກຄອງເມືອງໄຊຍະບູລີຕາງໜ້າໂດຍຫ້ອງການອຸດສາຫະກໍາ ແລະ ການຄ້າເມືອງ ເອີ້ນວ່າຜູ້ໃຫ້ສໍາປະທານ (ຝ່າຍ ກ) ແລະ ບໍລິສັດ ເມກສະຫວັນ ການຄ້າແລະ ບໍລິການຈັດງານຕະຫຼາດນັດເອີ້ນວ່າ ຜູ້ສໍາປະທານ (ຝ່າຍ ຂ)ທັງ2 ຝ່າຍເຫັນດີສ້າງສັນຍາສະບັບນີ້ ມີ ທັງໝົດ 6 ມາດຕາ, ຝ່າຍ ກ ແລະ ຝ່າຍ ຂ ໄດ້ຕົກລົງເປັນເອກະພາບກັນກໍານົດອັດຕາຄ່າສໍາປະທານງານຕະຫຼາດນັດ ເປັນເງິນ 370,000,000 ກີບ, ຈາກນັ້ນໃນພິທີກໍ່ໄດ້ເຊັນສັນຍາລະຫວ່າງ ທ່ານ ນາງ ທອງສະມຸດ ອຸໄລສອນ ຮັກສາການຫົວໜ້າຫ້ອງການ ອຸດສາຫະກຳ ແລະ ການຄ້າເມືອງ ແລະ ທ່ານ ເມກສະຫວັນ ບໍລິສັດ ເມກສະຫວັນ ການຄ້າ ໂດຍມີທ່ານ ສົມຈິດ ເຮັງເຊັງຊົວ ຄະນະປະຈຳພັກເມືອງ ຮອງປະທານຄະນະກຳມະການປົກຄອງເມືອງ ແລະ ພາກສ່ວນ ທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ຂ່າວ-ພາບ: ສົມພົງ ສີສະຫັວດ
ຄໍາເຫັນ