 |
ສະຫາຍ ນາງ ບົວຜັນ ຫຼວງແສນຫວັງ ກຳມະການປະຈຳພັກເມືອງ ຫົວໜ້າຄະນະຈັດຕັ້ງເມືອງ ໄດ້ນຳສະເໜີບົດລາຍງານສະຫຼຸບຜົນການດຳເນີນວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈຳປີ 2025. ພ້ອມກັນນັ້ນ ບັນດາຜູ້ແທນໄດ້ຮ່ວມປະກອບຄຳເຫັນ, ແລກປ່ຽນບົດຮຽນ ແລະ ສະເໜີມາດຕະການເພື່ອສືບຕໍ່ຍົກສູງຄຸນນະພາບການກໍ່ສ້າງໜ່ວຍພັກໃຫ້ມີຄວາມປອດໃສ, ເຂັ້ມແຂງ ໜັກແໜ້ນຍິ່ງຂຶ້ນ.
ກອງປະຊຸມໄດ້ຜ່ານມະຕິຕົກລົງ ຂອງຄະນະປະຈຳພັກແຂວງ ສະບັບເລກທີ 158/ຄຈພຂ.ຈສ ລົງວັນທີ 18 ມີນາ 2026 ວ່າດ້ວຍການຮັບຮອງໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈຳປີ 2025 ແລະ ຜ່ານມະຕິຕົກລົງ ສະບັບເລກທີ 159/ຄຈພຂ.ຈສ ລົງວັນທີ 18 ມີນາ 2026 ວ່າດ້ວຍການຮັບຮອງແຜນກໍ່ສ້າງໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈຳປີ 2026. ຈາກນັ້ນ ກອງປະຊຸມໄດ້ມີການ ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ ໜັກແໜ້ນ ໃຫ້ແກ່ 131 ໜ່ວຍພັກ ໃນນັ້ນ ປະກອບມີ ໜ່ວຍພັກຮາກຖານ 6 ໜ່ວຍ ແລະ ໜ່ວຍພັກຂຶ້ນກັບຄະນະພັກຮາກຖານ 125 ໜ່ວຍ.
 |
ສະຫາຍ ອຳນວຍ ເຮືອງວົງສາ ໄດ້ຕີລາຄາສູງຕໍ່ຜົນສຳເລັດທີ່ຄະນະພັກ ແລະ ບັນດາໜ່ວຍພັກ ຍາດມາໄດ້ໃນໄລຍະຜ່ານມາ. ພ້ອມທັງ ເນັ້ນໜັກໃຫ້ຄະນະພັກ ແລະ ບັນດາໜ່ວຍພັກ ສືບຕໍ່ຍຶດໝັ້ນຫຼັກການລວມສູນປະຊາທິປະໄຕ, ເອົາໃຈໃສ່ໃນການກໍ່ສ້າງພັກ ແລະ ສ້າງສະມາຊິກພັກໃຫ້ມີຄຸນນະພາບສູງ, ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຢ່າງຕໍ່ເນື່ອງ. ພ້ອມທັງ ສຸມໃສ່ການຍົກສູງຄວາມສາມາດໃນການນຳພາ, ເພື່ອໃຫ້ກາຍເປັນຮາກຖານພັກທີ່ເຂັ້ມແຂງ ປະກອບສ່ວນເຂົ້າໃນການພັດທະນາເສດຖະກິດ–ສັງຄົມ, ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມປອດໄພພາຍໃນເມືອງ ໃຫ້ບັນລຸຕາມເປົ້າໝາຍ ແລະ ແຜນການທີ່ໄດ້ວາງໄວ້.
ພາບ-ຂ່າວ: ນາງວຽງອຳໄພ
ຄໍາເຫັນ