ປະກາດຮັບຮອງເອົາບ້ານພັດທະນາ

ເມືອງຫ້ວຍຊາຍ ປະກາດຮັບຮອງເອົາບ້ານພັດທະນາ

12:07 22/01/2025

ໃນວັນທີ 21 ມັງກອນຜ່ານມານີ້, ເມືອງຫ້ວຍຊາຍ ແຂວງບໍ່ແກ້ວ ໄດ້ສົມທົບກັບ ຫ້ອງການກະສິກຳ ແລະ ປ່າໄມ້ ເມືອງຫ້ວຍຊາຍ, ຄະນະພັກຮາກຖານ, ອົງການປົກຄອງບ້ານ ຈັດພິທີ ປະກາດ-ຮັບຮອງ ບ້ານນ້ຳຕອງ,

ບ້ານນ້ຳຕີນ, ບ້ານພູຫວານເໜືອ ກຸ່ມບ້ານໂພນທອງ ແລະ ບ້ານພູຫວານໃຕ້ ກຸ່ມບ້ານອ່າງນ້ຳຕິນ ເປັນຄອບຄົວ ແລະ ບ້ານພັດທະນາ ຂຶ້ນທີ່ເດີນໂຮງຮຽນປະຖົມພູຫວານໃຕ້, ເຂົ້າຮ່ວມເປັນປະທານມີ ທ່ານ ຄຳເກິ່ງ ຜິວວັນນາກຳມະການພັກແຂວງເລຂາພັກເມືອງເຈົ້າເມືອງໆຫ້ວຍຊາຍ, ມີທ່ານ ອຽມສັກ ສິດທິຍາວົງ ຮອງຫົວໜ້າ ພະແນກກະສິກຳ ແລະ ປ່າໄມ້ແຂວງບໍ່ແກ້ວ, ມີບັນດາການນຳຂັ້ນແຂວງ, ຂັ້ນເມືອງ, ອົງການປົກຄອງບ້ານ, ຂະແໜງການກ່ຽວຂ້ອງເຂົ້າຮ່ວມ.

ໃນພິທີ, ທ່ານ ສົມບູນ ປານີຈິດ ເລຂາຄະນະພັກຮາກຖານ ກຸ່ມບ້ານອ່າງນໍ້າຕິນຕາງໜ້າທັງ 4 ບ້ານ ຂຶ້ນລາຍງານການຊຸກຍູ້ການສ້າງຄອບຄົວ ແລະ ບ້ານພັດທະນາໄລຍະຜ່ານມາ ແລະ ທິດທາງແຜນການຕໍ່ໜ້າ ໃຫ້ຮູ້ວ່າ: ບ້ານນ້ຳຕອງ, ບ້ານນ້ຳຕີນ, ບ້ານພູຫວານເໜືອ ກຸ່ມບ້ານໂພນທອງ ແລະ ບ້ານພູຫວານໃຕ້ ກຸ່ມບ້ານອ່າງນ້ຳຕິນ ແມ່ນຂຶ້ນກັບເມືອງຫ້ວຍຊາຍ ແຂວງບໍ່ແກ້ວ ລວມມີ 419 ຄົວເຮືອນ, ມີ 501 ຄອບຄົວ, ມີທັງໝົດ 2,367 ຄົນ, ຍິງ 1,115 ຄົນ, ປະກອບມີ 2 ຊົນເຜົ່າຄື: ເຜົ່າກຶມມຸ ແລະ ອີ່ວມຽນ, ອາຊີບຕົ້ນຕໍແມ່ນ ການຜະລິດກະສິກຳ (ປູກຝັງ-ລ້ຽງສັດ), ເຮັດນາ, ພະນັກງານລັດ-ເອກະຊົນ ແລະ ຄ້າຂາຍຈຳນວນໜຶ່ງ.ຈາກນັ້ນ, ຄະນະຮັບຜິດຊອບໄດ້ຜ່ານຂໍ້ຕົກລົງ ຂອງທ່ານເຈົ້າເມືອງຫ້ວຍຊາຍ ວ່າດ້ວຍການມອບໃບຢັ້ງຢືນຄອບຄົວພັດທະນາ ຈຳນວນ 377 ຄົວເຮືອນ ໃຫ້ກຽດມອບໂດຍທ່ານ ອຽມສັກ ສິດທິຍາວົງ ແລະ ຂໍ້ຕົກລົງຂອງທ່ານເຈົ້າແຂວງບໍ່ແກ້ວ ວ່າດ້ວຍການມອບໃບຢັ້ງຢືນບ້ານນ້ຳຕອງ, ບ້ານນ້ຳຕີນ, ບ້ານພູຫວານເໜືອ ກຸ່ມບ້ານໂພນທອງ ແລະ ບ້ານພູຫວານໃຕ້ ກຸ່ມບ້ານອ່າງນ້ຳຕິນ ເປັນບ້ານພັດທະນາ ໃຫ້ກຽດຂຶ້ນມອບໂດຍທ່ານ ຄຳເກິ່ງ ຜິວວັນນາ,ພ້ອມທັງ ຮ່ວມເປີດປ້າຍບ້ານພັດທະນາ ແລະ ລັ່ນຄ້ອງ 9 ບາດ.

(ຂ່າວ: ນາງ ມີເຮີ)

ຄໍາເຫັນ

ຂ່າວວັດທະນະທຳ-ສັງຄົມ

ເຈົ້າໜ້າທີ່ເຄືອຂ່າຍ LAO-WEN ລົງກວດກາ ຮ້ານອາຫານທີ່ມີການລັກລອບ ຄ້າ-ຂາຍ ສັດປ່າ ປະເພດຫວງຫ້າມ ຢູ່ ນະຄອນຫຼວງວຽງຈັນ

14/07/2026 14:06

ໂດຍປະຕິບັດຕາມແຈ້ງການ ຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 624/ຫສນຍ, ລົງວັນທີ 24 ພຶດສະພາ 2026. ໃນຄັ້ງວັນທີ 18 ພຶດສະພາ 2026 ຜ່ານມາ ເຈົ້າໜ້າທີ່ ເຄືອຂ່າຍບັງຄັບໃຊ້ກົດໝາຍວ່າດ້ວຍສັດນໍ້າ-ສັດປ່າ ແລະ ກົດໝາຍວ່າດ້ວຍປ່າໄມ້ (LAO-WEN) ໄດ້ລົງເຄື່ອນໄຫວກວດກາຮ້ານອາຫານແຫ່ງໜຶ່ງ ຢູ່ເຂດບ້ານຈອມມະນີ, ເມືອງໄຊເສດຖາ, ນະຄອນຫຼວງວຽງຈັນ. ຜ່ານການລົງກວດກາຕົວຈິງ, ເຈົ້າໜ້າທີ່ ໄດ້ພົບເຫັນຊາກ, ຊິ້ນສ່ວນ ແລະ ສັດປ່າທີ່ມີຊີວິດ ປະເພດຫວງຫ້າມ ຖືກນໍາມາປຸງແຕ່ງ, ຊື້-ຂາຍ ເປັນອາຫານ ໃຫ້ກຸ່ມນັກທ່ອງທ່ຽວຄົນຕ່າງປະເທດ ຢ່າງຜິດກົດໝາຍ, ຂອງກາງທີ່ກວດພົບ ແລະ ໄດ້ກັກຍຶດເບື້ອງຕົ້ນ ປະກອບມີ:

ສສກ ຈັດກິດຈະກໍາສະຫຼອງ 60 ປີ ວັນສ້າງຕັ້ງກິລາລາວ

14/07/2026 14:02

ກະຊວງສຶກສາທິການ ແລະ ກິລາ (ສສກ) ຈັດກິດຈະກໍາສະຫຼອງວັນສ້າງຕັ້ງກິລາ-ກາຍຍະກໍາແຫ່ງຊາດ ຄົບຮອບ 60 ປີ (13 ກໍລະກົດ 1966 -13 ກໍລະກົດ 2026) ແລະ ວັນເກີດປະທານ ສຸພານຸວົງ ຄົບຮອບ 117 ປີ (13 ກໍລະກົດ 1909-13 ກໍລະກົດ 2026) ຄຶກຄື້ນ ໃນວັນທີ 13 ກໍລະກົດ 2026 ທີ່ສະຖາບັນກິລາ-ກາຍຍະກໍາ ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ ໂດຍມີ ທ່ານ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງ ສສກ ທັງເປັນປະທານຄະນະກຳມະການໂອແລມປິກແຫ່ງຊາດລາວ (ຄອລ), ທ່ານ ສິລິລາດທົງສິນ ທອງເພັງ ປະທານຄະນະກໍາມະການປົກຄອງນະຄອນຫລວງວຽງຈັນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ສື່ມວນຊົນຕ້ອງປັບປຸງຕົນເອງ ເພື່ອໃຫ້ທັນຍຸກທັນສະໄໝ

14/07/2026 14:00

ໃນໂອກາດເຂົ້າຮ່ວມກອງປະຊຸມສຳມະນາເຊື່ອມຊຶມເອກະສານ ເພື່ອກະກຽມໃຫ້ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ໃນວັນທີ 13 ກໍລະກົດຜ່ານມາ, ທ່ານ ວັນຕຸລາ ຣັກນຸດ ຫົວໜ້າກົມຄວບຕຳແໜ່ງ ເລຂານຸການ ປະຈຳການເລຂາທິການສູນກາງພັກຫົວໜ້າຄະນະໂຄສະນາອົບຮົມສູນກາງພັກ ໄດ້ໃຫ້ສຳພາດຕໍ່ສື່ມວນຊົນວ່າ: ກອງປະຊຸມວຽກງານສື່ມວນຊົນທົ່ວປະເທດຄັ້ງທີ I ຖືວ່າມີສໍາຄັນຫຼາຍ ເພາະວ່າກອງປະຊຸມຄັ້ງນີ້ ເປັນກອງປະຊຸມຕັດສິນຊີ້ຂາດ ໃນການເຮັດບົດບາດການນໍາພາວຽກງານສື່ມວນຊົນຕະຫຼອດໄລຍະ 70 ປີຜ່ານມາ ກໍເຫັນວ່າວຽກງານສື່ມີທ່າກ່າວຫຼາຍຂຶ້ນ.

ບໍລິສັດຮ່ວມທຶນສຳພັນໄຊມາ ມອບລົດ ແລະ ອຸປະກອນຮັບໃຊ້ໃຫ້ແຂວງຊຽງຂວາງ

14/07/2026 13:58

ໃນວັນທີ 13 ກໍລະກົດ 2026 ຢູ່ທີ່ຫ້ອງວ່າການແຂວງ ທ່ານ ວິໄຊ ພັນດານຸວົງ ທີ່ປຶກສາບໍລິສັດ ຮ່ວມທຶນສຳພັນໄຊ ມາຍນິງ ຈຳກັດ ພ້ອມດ້ວຍຄະນະ ໄດ້ຕາງໜ້າໃຫ້ບໍລິສັດ ມອບລົດໂຕໂຢຕາ ໄຮລັກ ທຣາໂວ ຈຳນວນ 1 ຄັນ, ຄອມພີວເຕີໂນດບຸກຈຳນວນ 3 ເຄື່ອງ, ຄອມໃພີວເຕີຕັ້ງໂຕະ 1 ເຄື່ອງ, ປຣິ້ນເຕີ 4 ໜ່ວຍ, ໂຟນີ 12 ໜ່ວຍ, ເຄື່ອງອຸປະກອນຮາດແວ, ມຸງຫຼັງຄາໃຫ້ໂຮງຮຽນອະນຸບານເມືອງຄຳ ລວມມູນຄ່າທັງໝົດ 1.3 ຕື້ກວ່າກີບ; ກ່າວຮັບໂດຍທ່ານ ບົວເງິນ ຫຸມໄຊຍະພົມ ປະທານຄະນະກຳມະການປົກຄອງແຂວງ.

ຄໍາມ່ວນ ປ່ອຍປາ ລົງສູ່ວັງສະຫງວນແມ່ນໍ້າຂອງ ບໍລິເວນ ໜ້າພຣະທາດສີໂຄດຕະບອງ

14/07/2026 13:57

ເນື່ອງໃນໂອກາດວັນປ່ອຍ ແລະ ອະນຸລັກສັດນໍ້າແຫ່ງຊາດ ( 13 ກໍລະກົດ 1997 – 13 ກໍລະກົດ 2026 ) ຄົບຮອບ 29 ປີ, ໃນວັນທີ 13 ກໍລະກົດຜ່ານມາ ແຂວງຄໍາມ່ວນ ໄດ້ຈັດພິທີປ່ອຍປາ ລົງສູ່ວັງສະຫງວນຂອງແມ່ນ້ຳຂອງ ຢູ່ທີ່ ທ່ານໍ້າໜ້າພຣະທາດສີໂຄດຕະບອງ ບ້ານມ່ວງສຸມ ເມືອງທ່າແຂກ ໂດຍການໃຫ້ກຽດເຂົ້າຮ່ວມຂອງທ່ານ ໄຊຊະນະ ໂຄດພູທອນ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ, ມີພຣະເຖຣາ-ນຸເຖຣະ, ມີການນໍາຂັ້ນແຂວງ, ຕາງໜ້າການນໍາຂັ້ນເມືອງໃນ 10 ຕົວເມືອງ, ມີພາກສ່ວນກ່ຽວຂ້ອງເຂົ້າຮ່ວມ.

ກະຊວງຍຸຕິທຳ ປາຖະກະຖາວັນສໍາຄັນຂອງພັກ-ຂອງຊາດ

14/07/2026 13:15

ກະຊວງຍຸຕິທຳ ຈັດພິທີປາຖະກະຖາວັນເກີດປະທານສຸພານຸວົງ ຄົບຮອບ 117 ປີ ແລະ ວັນເຊັນສົນທິ ສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 49 ປີ ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 64 ປີ ຂຶ້ນໃນວັນທີ 14 ກໍລະກົດນີ້, ທີ່ກະຊວງຍຸຕິທຳ ໂດຍການປາຖະກະຖາຂອງທ່ານ ຄໍາພັນ ບຸນພາຄົມ ຮອງເລຂາຄະນະບໍລິຫານງານພັກກະຊວງ ຮອງລັດຖະມົນຕີກະຊວງຍຸຕິທໍາ, ມີຫົວໜ້າກົມ-ຮອງກົມ, ຫົວໜ້າພະແນກ-ຮອງພະແນກ ຕະຫຼອດຮອດພະນັກງານວິຊາການເຂົ້າຮ່ວມຮັບຟັງ.

ຫຼາຍວຽກງານຈຸດສຸມ ສ້າງການຫັນປ່ຽນວຽກງານສື່ມວນຊົນໄປສູ່ຄຸນນະພາບໃໝ່ຢ່າງແຂງແຮງ

14/07/2026 13:13

ການເພີ່ມທະວີການນໍາພາຂອງພັກ ແລະ ການຄຸ້ມຂອງລັດ ຕໍ່ວຽກງານສື່ມວນຊົນໃນໄລຍະໃໝ່ ເປັນວຽກໜຶ່ງທີ່ສໍາຄັນຫຼາຍ ເພື່ອເຮັດໃຫ້ບັນດາທິດທາງຄາດໝາຍທີ່ວາງອອກ ໄດ້ຮັບການຈັດຕັ້ງປະຕິບັດໄປພ້ອມໆ ກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກໃຫ້ປະກົດຜົນເປັນຈິງ, ຕ້ອງໄດ້ເອົາໃສ່ບາງວຽກງານຈຸດສຸມຕົ້ນຕໍ ໂດຍສະເພາະເພື່ອສ້າງການຫັນປ່ຽນວຽກງານສື່ມວນຊົນ ໄປສູ່ຄຸນນະພາບໃໝ່ຢ່າງແຂງແຮງ.

ສື່ມວນຊົນ ແມ່ນຜູ້ທີ່ປາກອອກແສງ ຜູ້ຮູ້ແທງເຖິງໃຈ

14/07/2026 13:12

ທ່ານ ຄຳເຮືອງ ຄຳປະສິດ ຮອງຫົວໜ້າບັນນາທິການໃຫຍ່ ໜັງສືພິມປະຊາຊົນ ໄດ້ປະກອບຄຳເຫັນຕໍ່ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ໃນຫົວຂໍ້: “ສື່ມວນຊົນ ແມ່ນຜູ້ທີ່ປາກອອກແສງ, ຜູ້ຮູ້ແທງເຖິງໃຈ, ຜູ້ສະດຸ້ງໄວເມື່ອອ່ານ, ຜູ້ທີ່ກ້າຜ່ານອຸປະສັກ, ຜູ້ທີ່ຮັກຄວາມຈິງ, ຜູ້ທີ່ຍິງຖືກເປົ້າ” ໃນວັນທີ 14 ກໍລະກົດນີ້, ທີ່ຫໍປະຊຸມແຫ່ງຊາດ ວ່າ: ສື່ມວນຊົນ ແມ່ນກະບອກສຽງອັນແຫຼມຄົມໃນທຸກໄລຍະຂອງການປະຕິວັດ. ພັກ-ລັດ ໄດ້ໃຫ້ຄວາມສໍາຄັນຕໍ່ວຽກງານສື່ມວນຊົນ ຊຶ່ງໃນພິທີໂຮມຊຸມນຸມ ສະເຫຼີມສະຫຼອງວັນສື່ມວນຊົນ ແລະ ການພິມຈໍາ ໜ່າຍ ຄົບຮອບ 70 ປີ ເມື່ອປີ 2020 ຜ່ານມາ,

ເປີດກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ຢ່າງເປັນທາງການ

14/07/2026 11:21

ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ພາຍໃຕ້ຫົວຂໍ້: ເພີ່ມທະວີບົດບາດການນໍາພາຂອງພັກ ພັດທະນາວຽກງານສື່ມວນຊົນໃຫ້ຫັນປ່ຽນສູ່ຄຸນນະພາບໃໝ່ຢ່າງແຂງແຮງ ໄດ້ເປີດຂຶ້ນຢ່າງເປັນທາງການໃນວັນທີ 14 ກໍລະກົດນີ້, ທີ່ຫໍປະຊຸມແຫ່ງຊາດ ໂດຍການເປັນກຽດເຂົ້າຮ່ວມຂອງທ່ານ ພົນເອກ ວິໄລ ຫຼ້າຄໍາຟອງ ກຳມະ ການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ, ໂດຍການເປັນປະທານຂອງທ່ານ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຮອງປະທານສະພາທິດສະດີສູນກາງພັກ, ມີທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ຫົວໜ້າສະຖາບັນການເມືອງ ການປົກຄອງແຫ່ງຊາດ, ມີບັນດາຄະນະເລຂາທິການສູນກາງພັກ, ກຳມະການສູນກາງພັກສົມບູນ-ສຳຮອງ, ບັນດາອະດີດການນຳ, ພະນັກງານອາວຸໂສບໍານານ, ມີລັດຖະມົນຕີ-ຮອງລັດຖະມົນຕີ, ບັນດາຜູ້ແທນສື່ມວນຊົນຈາກສູນກາງ ແລະ ທ້ອງຖິ່ນ, ແຂກຖືກເຊີນເຂົ້າຮ່ວມ.

ເພີ່ມທະວີບົດບາດການນໍາພາຂອງພັກ ພັດທະນາສື່ມວນຊົນໄປສູ່ຄຸນນະພາບໃໝ່ຢ່າງແຂງແຮງ

14/07/2026 11:18

ກ້າວເຂົ້າສູ່ຍຸກສະໄໝໃໝ່, ເພື່ອຮັບປະກັນສ້າງການຫັນປ່ຽນວຽກງານສື່ມວນຊົນໄປສູ່ຄຸນນະພາບໃໝ່ຢ່າງແຂງແຮງນັ້ນ ຕ້ອງດໍາເນີນບົນຈິດໃຈ: "ເພີ່ມທະວີບົດບາດການນໍາພາຂອງພັກ ພັດທະນາສື່ມວນຊົນໄປສູ່ຄຸນນະພາບໃໝ່ຢ່າງແຂງແຮງ.

ເພີ່ມເຕີມ