ເມືອງໂຂງ ປະກາດສ້າງຕັ້ງຕາແສງກະດັນ

11:16 02/03/2026

ເມືອງໂຂງ ແຂວງຈຳປາສັກ ໄດ້ຈັດພິທີປະກາດສ້າງຕັ້ງຕາແສງກະດັນ ຢ່າງເປັນທາງການໃນວັນທີ 27 ກຸມພາຜ່ານມາ, ໃຫ້ກຽດເຂົ້າຮ່ວມມີທ່ານ ສຸກສະຫວັນ ວິໄລວົງ ຮອງເລຂາພັກແຂວງ ປະທານຄະນະກໍາມະການປົກຄອງແຂວງຈຳປາສັກ, ທ່ານ ພັນເອກ ບຸນອ່ຽງ ພັນວົງສາ ຄະນະປະຈຳພັກແຂວງ ຫົວໜ້າກອງບັນຊາການປ້ອງກັນຄວາມສະຫງົບແຂວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ຈັນທະນົງສິນ ຈັນທະພິມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ ໄດ້ລາຍງານໃຫ້ຮູ້ໂດຍສັງເຂບວ່າ: ການສ້າງຕັ້ງຕາແສງກະດັນ ແມ່ນສ່ວນໜຶ່ງຂອງການປັບປຸງລະບົບການຄຸ້ມຄອງບໍລິຫານລັດ ພາຍຫຼັງການຄົ້ນຄວ້າ ແລະ ປະສານສົມທົບກັບຂັ້ນແຂວງ.

ເມືອງໂຂງ ມີ 5 ຕາແສງຄື: ຕາແສງດອນໂຂງ, ຕາແສງຫາດຊາຍຄູນ, ຕາແສງກະດັນ, ຕາແສງຄອນ ແລະ ຕາແສງຂະເໝົາ. ຕາແສງກະດັນ ມີເນື້ອທີ່ທັງໝົດ 51,100 ເຮັກຕາ, ກວມເອົາ 23 ບ້ານ (ບ້ານເກາະດອນ 3 ບ້ານ ແລະ ບ້ານເຂດຝັ່ງ 20 ບ້ານ). ພົນລະເມືອງທັງໝົດ 26,399 ຄົນ ຍິງ 13.241 ຄົນ, ປະຊາຊົນຖືສາສະໜາພຸດ 100% ແລະ ປະກອບອາຊີບກະສິກຳ, ລ້ຽງສັດ, ຄ້າຂາຍ ແລະ ບໍລິການ. ຕາແສງກະດັນໄດ້ກຳນົດໂຄງປະກອບບຸກຄະລາກອນ 13 ຕຳແໜ່ງງານ ໂດຍມີອົງຄະນະພັກຮາກຖານຕາແສງ, ແບ່ງກົງຈັກຊ່ວຍວຽກອອກເປັນ 5 ໜ່ວຍງານຄື: ໜ່ວຍງານບໍລິຫານ-ການປົກຄອງ, ໜ່ວຍງານພັກ-ອົງການຈັດຕັ້ງມະຫາຊົນ, ໜ່ວຍງານເສດຖະກິດ-ການເງິນ, ໜ່ວຍງານວັດທະນະທຳ-ສັງຄົມ ແລະ ໜ່ວຍງານປ້ອງກັນຊາດ-ປ້ອງກັນຄວາມສະຫງົບ.

(ຂ່າວ-ພາບ: ພຸດທະສິນ ວົງວິໄລທອງ)

ຄໍາເຫັນ

ຂ່າວວັດທະນະທຳ-ສັງຄົມ

ອັດຕະປື ມອບເຄື່ອງຊ່ວຍເຫຼືອໃຫ້ປະຊາຊົນ 2 ບ້ານ ທີ່ເມືອງຊານໄຊ

02/03/2026 11:18

ໃນວັນທີ 1 ມີນາ 2026ນີ້, ທີ່ເມືອງຊານໄຊ ແຂວງອັດຕະປື ໄດ້ຈັດພິທີມອບ-ຮັບເຄື່ອງຊ່ວຍເຫຼືອຈາກຄອບຄົວການນຳຂັ້ນສູງ ໃຫ້ແກ່ປະຊາຊົນທີ່ທຸກຍາກ ແລະ ຂາດເຂີນ ໃນເຂດຫ່າງໄກສອກຫຼີກ ເພື່ອແນໃສ່ການບັນເທົາທຸກ ແລະ ຍົກລະດັບຊີວິດການເປັນຢູ່ໃຫ້ດີຂຶ້ນ, ໃຫ້ກຽດເຂົ້າຮ່ວມໂດຍ ທ່ານ ນາງ ມະນີວັນ ພົມມະທັດ ຕາງໜ້າຄອບຄົວການນຳຂັ້ນສູງ (ຜູ້ມອບ), ທ່ານ ບຸນເຖິງ ດວງສະຫວັນ ກໍາມະການສູນກາງພັກ ເລຂາພັກແຂວງອັດຕະປື ແລະ ທ່ານ ບໍລິສຸດ ພົມມະໂຄດ ຫົວໜ້າອົງການກາແດງແຂວງອັດຕະປື, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

8 ມີນາ ແມ່ນເຫດການ-ການເມືອງສໍາຄັນຕໍ່ແມ່ຍິງຊາວຜູ້ອອກແຮງງານໃນທົ່ວໂລກ

26/02/2026 11:47

ເນື່ອງໃນໂອກາດວັນແມ່ຍິງສາກົນ ວັນທີ 8 ມີນາ ຄົບຮອບ 116 ປີ (8 ມີນາ 1910-8 ມີນາ 2026) ວັນແມ່ຍິງສາກົນ ກຳເນີດເກີດຂຶ້ນໃນທ່າມກາງທີ່ສະພາບເສດຖະກິດຂອງພວກສັກດີນາ ແລະ ນາຍທຶນຂະຫຍາຍຕົວ. ເມື່ອໂຮງຈັກ, ໂຮງງານອຸດສະຫະກຳຂອງນາຍທຶນຂະຫຍາຍຕົວ ມັນໄດ້ສ້າງຄວາມຮັ່ງມີໃຫ້ພວກນາຍທຶນ, ແຕ່ຊໍ້າພັດຍິ່ງເພີ່ມຄວາມທຸກຍາກລຳບາກໃຫ້ຊາວຜູ້ອອກແຮງງານ ເວົ້າລວມ, ເວົ້າສະເພາະແມ່ນກຳມະກອນເພດຍິງ.

ລັດວິສາຫະກິດຍັງບໍ່ທັນເຂັ້ມແຂງ ເກີດຈາກຫຼາຍປັດໄຈ

26/02/2026 11:42

ທ່ານ ກິແກ້ວ ຈັນທະບູລີ ຮອງຫົວໜ້າຫ້ອງວ່າການສູນກາງພັກ ຮອງຫົວໜ້າຄະນະປະຕິຮູບ ຜູ້ປະຈໍາການ ລາຍງານໃນກອງປະຊຸມສະຫຼຸບວຽກງານປະຕິຮູບລັດວິສາຫະກິດທົ່ວປະເທດ ປະຈໍາປີ 2025 ທີ່ຫໍປະຊຸມແຫ່ງຊາດ ເມື່ອບໍ່ດົນມານີ້ ຊຶ່ງມີບາງເນື້ອໃນວ່າ: ລັດວິສາຫະກິດ ໃນ 123 ຫົວໜ່ວຍ ມີພະນັກງານລວມທັງໝົດ 30,328 ຄົນ (ຍິງ 9,121 ຄົນ), ໃນນັ້ນ, ກຸ່ມລັດຖືຮຸ້ນ 100% ຖືເປັນແຫຼ່ງຈ້າງງານຂະໜາດໃຫຍ່ທີ່ສຸດ ມີພະນັກງານເຖິງ 13,773 ຄົນ (ກວມເອົາ 45.41% ຂອງແຮງງານທັງໝົດ), ແຕ່ເມື່ອທຽບໃສ່ປະສິດທິຜົນທາງທຸລະກິດທີ່ຍັງຂາດທຶນສູງ, ມັນສະທ້ອນໃຫ້ເຫັນເຖິງພາວະພະນັກງານ ເຫຼືອບໍ່ພໍ ຫຼື ປະສິດທິພາບຕໍ່ຫົວຄົນຍັງຕໍ່າ.

ຮອງລັດຖະມົນຕີກະຊວງປ້ອກັນປະເທດລົງເຄື່ອນໄຫວວຽກຢູ່ເມືອງບໍ່ແຕນ

26/02/2026 10:17

ຫວ່າງບໍ່ດົນມານີ້, ທ່ານ ພົທ ສາຍໃຈ ກົມມະສິດ ກຳມະການສູນກາງພັກ ຮອງລັດຖະມກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ ພ້ອມດ້ວຍຄະນະ, ໂດຍມີຄະນະນຳຂອງກອງບັນຊາການທະຫານແຂວງໄຊຍະບູລີ ລົງມາເຄື່ອນໄຫວເຮັດວຽກຢູ່ເມືອງບໍ່ແຕນໂດຍເປັນກຽດຕ້ອນຮັບຂອງທ່ານ ຄຳພັນ ພັນທະວົງຮອງເລຂາພັກເມືອງ ປະທານກວດກາພັກ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ ພ້ອມດ້ວຍຄະນະພັກ, ຄະນະບັນຊາກອງບັນຊາການທະຫານເມືອງ, ກອງພັນ 413, ກອງຮ້ອຍທະຫານຊາຍແດນ 159 ແລະ 160 ເຂົາຮ່ວມຕ້ອນຮັບ.

ກອງປະຊຸມສະພາບໍລິຫານ ກອງທຶນປົກປັກຮັກສາສິ່ງແວດລ້ອມ ແລະ ປ່າໄມ້ ສະໄໝສາມັນ ຄັ້ງທີ XIV

26/02/2026 10:12

ພາຍຫຼັງທີ່ລັດຖະບານ ໄດ້ໂຮມເອົາກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມເຂົ້າກັບກະຊວງກະສິກໍາ ແລະ ປ່າໄມ້ ແລະ ປ່ຽນຊື່ເປັນ “ກະຊວງກະສິກໍາ ແລະ ສິ່ງແວດລ້ອມ” ໃນທ້າຍ ປີ 2025.

ເມືອງໄຊຍະບູລີ ຖອດຖອນບົດຮຽນບັ້ນເລືອກຕັ້ງ ສສຊ ຊຸດທີX ແລະ ສສຂ ຊຸດທີ V

26/02/2026 09:57

ໃວັນທີ 24 ກຸມພານີ້, ເມືອງໄຊຍະບູລີ ແຂວງໄຊຍະບູລີ ໄດ້ຈັດກອງປະຊຸມ ຖອດຖອນບົດຮຽນບັ້ນເລືອກຕັ້ງສະມາຊິກສະພາປະຊາແຫ່ງຊາດ (ສສຊ) ຊຸດທີX ແລະ ສະມາຊິກສະພາປະຊາຊົນແຂວງ (ສສຂ) ຊຸດທີ Vທີ່ຫ້ອງປະຊຸມ ຫ້ອງວ່າການເມືອງ ໂດຍການເປັນປະທານຂອງທ່ານ ຄຳຫຼ້າ ຜິວວັນນາ ຄະນະປະຈຳພັກແຂວງ ເລຂາພັກເມືອງໄຊຍະບູລີ.

ສ່ວຍສາອາກອນແຂວງຄໍາມ່ວນ ເກັບລາຍຮັບເຂົ້າງົບປະມານໄດ້ 4,279 ຕື້ກີບ

25/02/2026 12:25

ໃນວັນທີ 25 ກຸມພາ 2026 ສ່ວຍສາອາກອນປະຈໍາແຂວງຄໍາມ່ວນ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານ ປະຈໍາປີ 2025 ໂດຍມີທ່ານ ບຸນຄໍາ ໄຊຍະແສງ ຮອງຫົວໜ້າພະແນກການເງິນແຂວງ, ທ່ານ ເກດສະກັນ ແສງປະດິດ ຫົວໜ້າສ່ວຍສາອາກອນແຂວງ, ມີຄະນະສ່ວຍສາອາກອນປະຈໍາແຂວງ, ຂະແໜງການອ້ອມຂ້າງ, ສ່ວຍສາອາກອນປະຈໍາເມືອງ ເຂົ້າຮ່ວມ.

ສາຍການບິນ Vietjet ລົງນາມໃນສັນຍາມູນຄ່າຫຼາຍຕື້ໂດລາ

25/02/2026 10:41

ສາຍການບິນ Vietjet ໄດ້ລົງນາມໃນຂໍ້ຕົກລົງທາງຍຸດທະສາດຫຼາຍສະບັບຮ່ວມກັບບັນດາບໍລິສັດ ແລະ ສະຖາບັນການເງິນຊັ້ນນໍາຂອງສະຫະລັດອາເມຣິກາ ດ້ວຍມູນຄ່າຫຼາຍກວ່າ 6.3 ຕື້ໂດລາ. ພິທີລົງນາມໄດ້ຈັດຂຶ້ນເມື່ອບໍ່ດົນມານີ້, ໂດຍມີ ທ່ານ ໂຕ ເລີມ (To Lam) ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ພ້ອມດ້ວຍເຈົ້າໜ້າທີ່ລະດັບສູງຂອງລັດຖະບານຫວຽດນາມ ແລະ ສະຫະລັດອາເມຣິກາ ທີ່ນະຄອນຫຼວງ ວໍຊິງຕັນ ດີຊີ ສະຫະລັດ ອາເມຣິກາ.

ຫສປທ ເຜີຍແຜ່ວັນສ້າງຕັ້ງກອງທັບ ແລະ ປະດັບຫຼຽນກາລະນຶກ 50 ປີ

25/02/2026 10:03

ຫ້ອງວ່າການສໍານັກງານປະທານປະເທດ (ຫສປທ) ໄດ້ຈັດພິທີເຜີຍແຜ່ວັນສ້າງຕັ້ງກອງທັບ ຄົບຮອບ 77 ປີ (20 ມັງກອນ 1979 - 20 ມັງກອນ 2026) ແລະ ປະດັບຫຼຽນກາລະນຶກ 50 ປີ ໃນວັນທີ 24 ກຸມພານີ້ ທີ່ຫ້ອງປະຊຸມຂອງ ຫສປທ, ໂດຍການໃຫ້ກຽດບັນລະຍາຍ ຂອງທ່ານ ອິນທະປັນຍາ ຂຽວວົງພະຈັນ ຮອງເລຂາຄະນະພັກ ຮອງຫົວໜ້າຫ້ອງວ່າການສໍານັກງານປະທານປະເທດ, ເຂົ້າຮ່ວມຮັບຟັງມີຄະນະພັກ, ຄະນະນໍາ, ບັນດາທ່ານ ໃນຄະນະກົມ, ຄະນະພະແນກ, ສະມາຊິກພັກ, ພະນັກງານ-ລັດຖະກອນພາຍໃນ ຫສປທ.

ເຊກອງ ສະຫຼຸບການຈັດຕັ້ງປະຕິບັດວຽກງານການເງິນປະຈຳປີ 2025.

25/02/2026 10:01

ກອງປະຊຸມສະຫຼຸບການຈັດຕັ້ງປະຕິບັດວຽກງານການເງິນແຂວງເຊກອງ ປະຈຳປີ 2025 ແລະ ວາງທິດທາງປີ 2026 ໄດ້ຂຶ້ນ ໃນວັນທີ 24 ກຸມພານີ້ ທີ່ສະໂມສອນຫ້ອງວ່າການແຂວງ ໂດຍເປັນປະທານຂອງ ທ່ານ ຂັນຕີ ສີລະວົງສາ ປະທານຄະນະກຳມະການປົກຄອງແຂວງເຊກອງ, ມີທ່ານ ຄຳຮູ້ ອ່ອນມະນີ ຫົວໜ້າພະແນກການເງິນແຂວງ ພ້ອມດ້ວຍຜູ້ຕາງໜ້າພະແນກການອ້ອມຂ້າງແຂວງ ແລະ ພະນັກງານວິຊາການທີ່ເຮັດວຽກງານການເງິນທົ່ວແຂວງເຂົ້າຮ່ວມ.

ເພີ່ມເຕີມ