 |
ທ່ານ ພູທົງ ຄຳມະນີວົງ ໄດ້ຜ່ານຄຳສັ່ງ ຂອງຄະນະເລຂາທິການສູນກາງພັກ ເລກທີ 411/ຄລສພ, ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ເພື່ອເປັນການປັບປຸງພາຍໃນພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນກໍ່ສ້າງພັກຕາມ 5 ຫຼັກການ ແລະ 3 ທິດນໍາຂອງພັກ, ເພື່ອກວດກາ, ຕີລາຄາການຜັນຂະຫຍາຍນຳພາ - ຊີ້ນໍາຈັດຕັງປະຕິບັດມະຕິກອງປະຊຸມໃຫຍ່ຂອງພັກ, ແຜນພັດທະນາເສດຖະກິດ - ສັງຄົມ 5 ປີຂອງລັດ, ເພື່ອຄັດເລືອກບຸກຄະລາກອນທີ່ມີມາດຖານເງື່ອນໄຂຕາມທີ່ກຳນົດໄວ້ ປະກອບເຂົ້າໃນການຈັດຕັ້ງແຕ່ລະຂັ້ນໃນລະບົບການເມືອງ, ຊຸກຍູ້ແຮງການເຄື່ອນໄຫວວຽກງານຮອບດ້ານໃນທົ່ວອົງຄະນະພັກ, ປຸກລະດົມສະມາຊິກພັກ, ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ເຂົ້າຮ່ວມພາລະກິດປົກປັກຮັກສາພັດທະນາປະເທດຊາດ, ພັດທະນາທ້ອງຖິ່ນ ແລະ ຂະແໜງການຕົນ.
ຜູ້ເຂົ້າຮ່ວມກອງປະຊຸມຍັງໄດ້ຮັບຟັງການຜ່ານແຈ້ງການຂອງຄະນະຈັດຕັ້ງສູນກາງພັກເລກທີ 186/ຄຈສພ, ລົງວັນທີ 3 ກໍລະກົດ 2024 ກ່ຽວກັບການຄົ້ນຄວ້າເລືອກເຟັ້ນກຳມະການຄະນະບໍລິຫານງານພັກຊຸດປັດຈຸບັນ ທີ່ມີອາຍຸກະສຽນເກີນເງື່ອນໄຂຕາມທີ່ນິຕິກຳກຳນົດໄວ້ ເພື່ອເປັນເປົ້າໝາຍພັກຜ່ອນບຳນານ, ທາບທາມບຸກຄະລາກອນທີ່ຈະສະໝັກຮັບເລືອກຕັ້ງເຂົ້າຄະນະບໍລິຫານງານພັກແຕ່ລະຂັ້ນຊຸດໃໝ່ ພ້ອມທັງຜ່ານມາດຖານເງື່ອນໄຂຜູ້ສະໝັກເຂົ້າໂຄງປະກອບຄະນະບໍລິຫານງານພັກແຂວງ (ຊຸດໃໝ່) ສະໄໝທີ X. ຈາກນັ້ນ, ກອງປະຊຸມໄດ້ດຳເນິນການປ່ອນບັດທາບທາມບຸກຄະລາກອນທີ່ຮັບສະໝັກເລືອກຕັ້ງເຂົ້າໃນໂຄງປະກອບຄະນະບໍລິຫານງານພັກແຂວງສາລະວັນ ສະໄໝທີ X (ຮອບທີ 1).
(ຂ່າວ - ພາບ: ແວວມະນີ ຄຳສິງສະຫວັດ)
ຄໍາເຫັນ