 |
ສະຫາຍ ພັນໂທ ກອງມີ ໄຊຍະຫວັດ ຮອງຫົວໜ້າການທະຫານ ຫົວໜ້າພະແນກອົບຮົມ ໂຮງຮຽນທະຫານຊາຍແດນ 712 ໄດ້ເຜີຍແຜ່ເອກະສານເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ ຊຶ່ງດໍາເນີນພາຍໃຕ້ຄໍາຂວັນ: “ຍົກສູງບົດບາດການນໍາພາທີ່ເຂັ້ມແຂງຂອງພັກ, ຕັ້ງໜ້າສ້າງເສດຖະກິດເອກະລາດເປັນເຈົ້າຕົນເອງ, ສືບຕໍ່ບູລະນະ ລະບອບປະຊາທິປະໄຕປະຊາຊົນໃຫ້ໜັກແໜ້ນກ້າວຂຶ້ນສູ່ສັງຄົົມນິຍົມ”. ຈາກນັ້ນ, ສະຫາຍ ພັນໂທ ສີໂຫ ດວງຈຳປາ ຫົວໜ້າພະແນກເຕັກນິກໄດ້ເຜີຍແຜ່ເອກະສານກົດລະບຽບພັກປະຊາຊົນປະຕິວັດລາວ ສະໄໝທີ XII ແລະ ສະຫາຍ ພັນຕີ ສິດທິໄຊ ອຸໄທລັດສະດີ ຫົວໜ້າພະແນກການເມືອງ ໄດ້ເຜີຍແຜ່ຂໍ້ກຳນົດ ວ່າດ້ວຍວຽກງານແຂ່ງຂັນ-ຍ້ອງຍໍໃນກອງທັບປະຊາຊົນລາວ ແລະ ຂໍ້ຕົກລົງວ່າດ້ວຍການຈັດ ຕັ້ງປະຕິບັດວຽກງານແຂ່ງຂັນ-ຍ້ອງຍໍໃນກອງທັບປະຊາຊົນລາວ.
ໂອກາດນີ້, ສະຫາຍ ພັນເອກ ຂຽນທອງ ໄຊສົມບູນ ໄດ້ເຜີຍແຜ່ເອກະສານໂຄງການ ການເມືອງ ສະບັບທີ 3 ຊຶ່ງແມ່ນທິດສະດີປະຕິວັດຂອງພັກ, ເປັນທວນໄຟເຍືອງທາງໃຫ້ພັກ ແລະ ທົ່ວປວງຊົນໃນພາລະ ກິດປົກປັກຮັກສາ ແລະ ພັດທະນາປະເທດຊາດ. ພັກປະຊາຊົນປະຕິວັດລາວ ເປັນຜູ້ຈັດຕັ້ງ ແລະ ນຳພາທຸກໄຊຊະນະຂອງການປະຕິວັດລາວ. ຕະຫຼອດໄລຍະແຫ່ງການນຳພາ ພາລະກິດປະຕິວັດ, ພັກໄດ້ວາງແຜນດຳ ເນີນງານ, ໂຄງການ ການເມືອງຂອງຕົນ ເພື່ອນຳພາການປະຕິວັດລາວ ກ້າວຂຶ້ນຈາກໄຊຊະນະນີ້ ໄປສູ່ໄຊຊະ ນະໃໝ່ທີ່ໃຫຍ່ຫຼວງກວ່າເກົ່າ, ແຕ່ລະໂຄງການ ການເມືອງໄດ້ເປັນຂີດໝາຍອັນໃສແຈ້ງສ່ອງແສງໃຫ້ເຫັນຢ່າງມີຊີວິດຊີວາ ເຖິງການເຕີບໃຫຍ່ຂະຫຍາຍຕົວຂອງພັກ. ການຈັດຕັ້ງປະຕິບັດໂຄງການ ການເມືອງສະບັບນີ້ໃຫ້ສຳເລັດ ຈະສ້າງໄດ້ບາດກ້າວເດີນ ແລະ ບາດລ້ຽວທີ່ໜັກແໜ້ນໃຫ້ພາລະກິດແຫ່ງການສືບຕໍ່ບູລະນະລະບອບປະຊາທິປະໄຕ ປະຊາຊົນຢ່າງໜັກແໜ້ນກ້າວຂຶ້ນສູ່ສັງຄົມນິຍົມ.
ຂ່າວ: ພິລະສອນ ວັນວິໄຊ
ຄໍາເຫັນ