ທ່ານ ວັນນະສັກ ຊາດຕະກູນ ເຈົ້າເມືອງມຸນລະປາໂມກ ແຂວງຈໍາປາສັກ ກ່າວລາຍງານໃນ ກອງປະຊຸມໃຫຍ່ຄັ້ງທີ IX ຜູ້ແທນອົງຄະນະພັກເມືອງມູນລະປະໂມກ ໄຂຂຶ້ນໃນວັນທີ 30-31 ມັງກອນ2025 ນີ້ວ່າ: ໃນໄລຍະ 5 ປີທີ່ຜ່ານມາ (2019-2024), ພາຍໃຕ້ການນຳພາຂອງອົງຄະນະພັກເມືອງມູນລະປະໂມກ ສະໄໝທີ VIII ເຮັດໃຫ້ເສດຖະກິດຂອງເມືອງມູນລະປະໂມກຍັງສືບຕໍ່ຂະຫຍາຍຕົວ ສະເລ່ຍ 6,3% ຕໍ່ປີ (ແຜນ 7,7% ຕໍ່ປີ), ລວມຍອດຜະລິດຕະພັນພາຍໃນ5ປີບັນລຸໄດ້4,751ຕື້ກີບ,ທຽບໃສ່ແຜນ 60%(ແຜນ2,969ຕື້ກີບ),ທຽບໃສ່ໄລຍະດຽວເພີ່ມຂຶ້ນ1,4ເທົ່າສະເລຍຫົວຄົນ 1 ໄດ້21,461.63ກີບ ເທົ່າກັບ1,073ໂດລາ(ແຜນ15,753.87 ກີບ ຫຼືເທົາກັບ1,943ໂດລາ),ການພັດທະນາໂຂງເຂດເສດຖະກິດມີການຂະຫຍາຍຕົວດ້ານກະສີກຳ-ປ່າໄມ້ການຜະລິດເຂົ້າປະຕິບັດໄດ້228,820ໂຕນທຽບໃສ່ແຜນປະຕິບັດໄດ້99% (ແຜນ230,614 ໂຕນ); ສະເລ່ຍເຂົ້າເປືອກໃສ່ປະຊາກອນໄດ້ຮັບ 1,096 ກິໂລກຼາມຕໍ່ຄົນຕໍ່ປີ; ມີເຂົ້າເຫຼືອກິນ 132,550 ໂຕນ, ປູກພືດລະດູແລ້ງ ແລະ ລະດູຝົນ ປະຕິບັດໄດ້ 142,600.44 ໂຕນ, ທຽບໃສ່ແຜນລື່ນ 1.93%; ປູກພືດສະບຽງ ອາຫານ ປະຕິບັດໄດ້ 42,484.70 ໂຕນ, ທຽບໃສ່ແຜນລື່ນ 1,57% (ແຜນ 41,826.54 ໂຕນ); ປູກພືດເປັນສິນຄ້າ ປະຕິບັດໄດ້ 100,115.74 ໂຕນ, ທຽບໃສ່ແຜນລື່ນ 2.08% (ແຜນ 98,071.95 ໂຕນ); ບໍລິໂພກ ຊີ້ນ-ປາ ອາຫານ ສະເລ່ຍໃສ່ພົນລະເມືອງໄດ້ 64.8 ກິໂລຕໍ່ຄົນຕໍ່ປີ; ການລ້ຽງສັດໄດ້ຮັບການຊຸກຍູ້ສົ່ງເສີມຂະຫຍາຍຕົວເພີ່ມຂຶ້ນ, ກຸ່ມລ້ຽງງົວມີ 1 ກຸ່ມ, ສ້າງລາຍຮັບສະເລ່ຍໄດ້ 53 ລ້ານກີບຕໍ່ຄອບຄົວຕໍ່ປີ, ການລ້ຽງງົວແບບຄອບຄົວ ມີ 9 ຄອບຄົວ, ສ້າງລາຍຮັບສະເລ່ຍ 77 ລ້ານກີບຕໍ່ຄອບຄົວຕໍ່ປີ, ປັດຈຸບັນ ມີຄວາຍ4,431 ໂຕ, ງົວ16,113 ໂຕ, ໝູ 13,113 ໂຕ, ແບ້ 4,070ໂຕ, ສັດປີກ 261,302ໂຕ; ການປະມົງ: ຜົນຜະລິດປາໄດ້ທັງໝົດ 24,070 ໂຕນ ທຽບໃສ່ແຜນປະຕິບັດໄດ້ 84.42% (ແຜນ 28,511 ໂຕນ); ມີຊົນລະປະທານນໍາໃຊ້ໄດ້ 6 ແຫ່ງ ສະໜອງນໍ້າໄດ້ 1,028.80 ເຮັກຕາ ທຽບໃສ່ ແຜນປະຕິບັດໄດ້ 56.30% (ແຜນ 1,305 ເຮັກຕາ)
ສໍາລັບ ການຈັດເກັບລາຍຮັບເຂົ້າງົບປະມານໄດ້ 65.99 ຕື້ກີບ ທຽບໃສ່ແຜນລື່ນ 17.44% (ແຜນ 56.19 ຕື້ກີບ). ໃນນັ້ນ, ແຂວງດຸ່ນດ່ຽງ 36.42 ຕື້ກີບ; ເມືອງຫາເອງ 29.57 ຕື້ກີບ (ແຜນ 19.77 ຕື້ກີບ) ທຽບໃສ່ແຜນລື່ນ 49.57%;ໃນນັ້ນ, ຮັບຈາກສ່ວຍສາ 19.98 ຕື້ກີບ, ຮັບຈາກຊັບສິນ 9.59 ຕື້ກີບ; ເກີນແຜນ 9.8 ຕື້ກີບ, ດຸ່ນດ່ຽງໃຫ້ແຂວງ.ປະຕິບັດລາຍຈ່າຍ ໄດ້ 57.43 ຕື້ກີບ, ທຽບໃສ່ແຜນລື່ນ 3%; ວຽກງານ ອຸດສາຫະກຳ ແລະ ການຄ້າ: ລວມຍອດຜະລິດຕະພັນອຸດສາຫະກຳ-ຫັດຖະກຳປະຕິບັດໄດ້ 193.81ຕື້ກີບ, ທຽບໃສ່ແຜນລື່ນ 15%; ທົ່ວເມືອງມີໂຮງງານອຸດສາຫະກຳ-ຫັດຖະກຳ 105 ຫົວໜ່ວຍ, ທຽບໃສແຜນປະຕິບັດໄດ້ 46%. ໃນນັ້ນ, ອຸດສາຫະກຳ 40 ຫົວໜ່ວຍ, ອຸດສະຫະກຳປຸງແຕ່ງແບບຄອບຄົວ 19 ຫົວໜ່ວຍ, ອຸດສະຫະກຳ ບໍລິການ 46 ຫົວໜ່ວຍ; ຂຶ້ນທະບຽນຫົວໜ່ວຍວິສະຫະກິດຂະໜາດນ້ອຍ ໄດ້ 724 ໜ່ວຍ ທຽບໃສ່ແຜນປະຕິບັດ ໄດ້ 91%; ຈໍລະຈອນສິນຄ້າສົ່ງອອກ 93.81 ຕື້ກີບ, ທຽບໃສ່ແຜນລື່ນ 2 ເທົ່າ; ຈໍລະຈອນສິນຄ້ານໍາເຂົ້າ 107 ຕື້ກີບ, ທຽບໃສ່ ແຜນລື່ນ 3 ເທົ່າ; ກຸ່ມຜະລິດອຸດສະຫະກຳປຸງແຕ່ງ ມີ 2 ກຸ່ມຄື: ຜະລິດເສັ້ນເຝີ-ແຜ່ນແໜມ ບ້ານສະພັງ ແລະ ກຸ່ມ ຜະລິດເຫຼົ້າຂາວປອດສານເຄມີ ບ້ານປາໂມກ-ບ້ານເວີນເເຄນ ໄດ້ຮັບຮອງເປັນສິນຄ້າ (ODOP); ກຸ່ມຜະລິດຫັດຖະກຳຈັກສານມີ 4 ກຸ່ມ ສ້າງຕັ້ງໃໝ່ໄດ້ 2 ກຸ່ມຄື: ກຸ່ມຫັດຖະກຳໄມ້ປ່ອງ ບ້ານທ່າແຮ່; ໄດ້ຮັບຮອງເອົາກຸ່ມຫັດຖະກຳສາດ ຜືບ້ານເດື່ອເຕ້ຍ ເປັນສິນຄ້າ (ODOP).
(ແຫຼ່ງຂ່າວ: ສະຖານີວິທະຍຸແຂວງຈຳປາສັກ)
ຄໍາເຫັນ