ເມືອງໝື່ນປະຖາກະຖາ 4 ວັນປະຫວັດສາດ.

ທ່ານ ວໍຣະສອນ ສີອັກຄະສອນ ໄດ້ເລົ່າມູນເຊື້ອປະຫວັດຄວາມເປັນມາຂອງ 4 ວັນປະຫວັດສາດໂດຍ ຍົກໃຫ້ເຫັນການກຳເນີດເກີດຂຶ້ນຂອງອົງການແນວລາວສ້າງຊາດ, ໃນການເປັນອົງການຈັດຕັ້ງ ມີບົດບາດເຮັດໜ້າທີ່ແທນພັກ ໃນການເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນຫນ້າ, ການນຳພາອັນສະຫຼາດສ່ອງໃສຂອງພັກປະຕິບັດລາວ, ການຕໍ່ສູ້ພິລະອາດຫານຂອງປະຊາຊົນລາວ ຕ້ານກັບຈັກກະພັດຜູ້ຮຸກ, ມີລະບົບການເມືອງທີ່ເປັນເອກະພາບ, ມີພັກເປັນແກນນໍາ, ປະເທດຊາດໄດ້ຮັບການສ້າງສາພັດທະນາ, ສັງຄົມມີຄວາມສະຫງົບເປັນລະບຽບຮຽບຮ້ອຍ, ເຊິ່ງເປັນອາວຸດອັນຄົມແຫຼມຄົມຂອງພັກ-ລັດ ໃນການຕໍ່ສູ້ທາງດ້ານການເມືອງ- ແນວຄິດ ໄດ້ປະກອບສ່ວນຢ່າງຕັ້ງໜ້າເຂົ້າໃນການປະຕິບັດໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງທັງທາງດ້ານປະລິມານ ແລະ ຄຸນນະພາບ.

ຈຸດປະສົງ ຂອງການຈັດຕັ້ງພິທີປາຖະກະຖາໃນຄັ້ງນີ້ ແມ່ນເພື່ອໃຫ້ບັນດາຄະນະພັກ, ພະນັກງານ - ສະມາຊິກພັກ, ກຳລັງ ປກຊ-ປກສ, ຮັບຮູ້ເຖິງປະຫວັດຄວາມເປັນມາ ແລະ ເຊີດຊູ 4 ວັນປະຫວັດສາດໃຫ້ສັງຄົມຮັບຮູ້ຢ່າງກວ້າງຂວາງ, ໄດ້ເຂົ້າໃຈຢ່າງເລິກເຊິ່ງກ່ຽວກັບຄວາມສຳຄັນທາງດ້ານປະຫວັດສາດ, ຄຸນຄ່າທາງດ້ານການເມືອງ ແລະ ຄວາມໝາຍອັນເລິກເຊິ່ງຂອງວັນສຳຄັນດັ່ງກ່າວ, ພ້ອມທັງເປັນການປຸກລະດົມສຶກສາອົບຮົມການເມືອງແນວຄິດ, ຮີດຄອງປະເພນີອັນດີງາມ, ຮັກສາຄວາມສາມັກຄີປອງດອງປະຊາຊົນບັນດາເຜົ່າ, ຮ່ວມແຮງຮ່ວມໃຈກັນປະຕິບັດໜ້າທີ່ການເມືອງທີ່ພັກ - ລັດມອບໝາຍໃຫ້ບັນລຸຕາມແຜນການ ແລະ ເປົ້າໝາຍທີ່ວາງໄວ້ຢ່າງຕັ້ງໜ້າ, ເພື່ອທົບທວນຫວນຄືນມູນເຊື້ອອັນສະຫງ່າງາມ ແລະ ຜົນງານອັນໃຫຍ່ຫຼວງ ໃນພາລະກິດຕໍ່ສູ້ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດທີ່ພັກ, ລັດ, ແລະ ປະຊາຊົນລາວບັນດາເຜົ່າຍາດມາໄດ້ຕະຫຼອດໄລຍະຜ່ານມາ.

ພາບ,ຂ່າວ ນາງ ວັນນາ