ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 69 ປີ ແລະ ວັນຄຽດເເຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດຄົບຮອບ 78 ປີ ທີ່ບັນຈົບຄົບຮອບມາໃນວະລະໜຶ່ງ, ໃນວັນທີ 22 ມີນາຜ່ານມາ ທ່ານ ທໍາມະວົງ ບຸນຖາວອນ ຮອງເລຂາພັກເມືອງ ປະທານກວດກາພັກ ຫົວໜ້າອົງການກວດກາລັດເມືອງ ສະມາຊິກສະພາປະຊາຊົນເເຂວງ ປະຈໍາເຂດເລືອກຕັ້ງເມືອງນາເເລ ພ້ອມດ້ວຍ ຄະນະ ໄດ້ນໍາເອົາກະຕ່າດອກໄມ້ເຂົ້າວາງຢູ່ທີ່ຕໍ່ໜ້າອະນຸສາວະລີປະທານໄກສອນ ພົມວິຫານ ເເລະ ໃນວັນດຽວກັນຢູ່ທີສະໂມສອນຂອງເມືອງກໍໄດ້ຈັດພິທີປາຖະກະຖາມູນເຊື້ອ 2 ວັນປະຫວັດສາດດັ່ງກ່າວຂຶ້ນ ໂດຍການເຂົ້າຮ່ວມຂອງ ທ່ານ ທໍາມະວົງ ບຸນຖາວອນ ຮອງເລຂາພັກເມືອງ. ມີພາກສ່ວນກ່ຽວຂ້ອງທົ່ວເມືອງເຂົ້າຮ່ວມ.
ໃນໂອກາດດັ່ງກ່າວ, ທ່ານຮອງເລຂາພັກເມືອງກໍ່ໄດ້ໃຫ້ກຽດຂື້ນປະຖະກາຖາວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 69 ປີ (22 ມີນາ 1955-22 ມີນາ 2024) ແລະ ທ່ານ ວິເສດ ໝັ້ນຍາສິດ ຫົວໜ້າຄະນະໂຄສະນາອົບຮົມເມືອງກໍ່ໄດ້ຂື້ນຜ່ານວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດຄົບຮອບ 78 ປີ (21 ມີນາ 1946-21 ມີນາ 2024) ໃຫ້ພະນັກງານລັດຖະກອນລຸ້ນສືບທອດຮັບຮູ້ວິລະກໍາປະຫັວດສາດຂອງການຕໍ່ສູ້ກູ້ຊາດໃນເເຕ່ລະໄລຍະ ເພື່ອນໍາເອົາເເບບຢ່າງ, ຄຸນງານງາມຄວາມດີ, ບົດຮຽນເພື່ອນໍາມາໝູນໃຊ້ເຂົ້າໃນວຽກງານຕົວຈິງຂອງຕົນ.
(ຂ່າວ: ອຸດົມສຸກ ວັນສະໝອນ ນັກຂ່າວເມືອງນາເເລ)
ຄໍາເຫັນ