ເມືອງນໍ້າບາກນໍາພາອົງການຈັດຕັ້ງມະຫາຊົນເຄື່ອນໄຫວໄດ້ເປັນປົກະຕິ

ໂດຍ:ວັນໄຊ ຕະວິນຍານ

ອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມແມ່ນພາກສ່ວນທີ່ສໍາຄັນທີ່ຂາດບໍ່ໄດ້ ເປັນອົງປະກອບໃນການເຄື່ອນໄຫວປົກປັກຮັກສາ-ພັດທະນາປະເທດຊາດ ຕາມພາລະບົດບາດ ສິດໜ້າທີ່ຂອງຕົນ. ຍ້ອນເຫັນຄວາມສໍາຄັນ ທີ່ເປັນກໍາລັງແຮງໃນການຊຸກຍູ້ປະກອບສ່ວນໃນທຸກວຽກງານ. ເມືອງນໍ້າບາກ ແຂວງຫຼວງພະບາງ ຈຶ່ງໄດ້ເອົາໃຈໃສ່ຊຸກຍູ້ສົ່ງເສີມໃຫ້ເຄື່ອນໄຫວເປັນປົກກະຕິເຊັ່ນ: ວຽກງານແນວລາວສ້າງຊາດ ໄດ້ຕັ້ງໜ້າເຄື່ອນໄຫວສຶກສາອົບຮົມ ແລະ ເຕົ້າໂຮມຄວາມສາມັກຄີປອງດອງ ຂອງປະຊາຊົນບັນດາເຜົ່າໃຫ້ມີຄວາມຮັກຊາດ, ຮັກສາມູນເຊື້ອຄວາມສາມັກຄີ, ສີລະປະວັດທະນະທໍາ ແລະ ຮີດຄອງປະເພນີອັນດີງາມຂອງຊາດ, ຂອງບັນດາເຜົ່າໄວ້ໃຫ້ໝັ້ນຄົງ; ເຊື່ອໝັ້ນຕໍ່ການນໍາພາຂອງພັກ-ລັດ, ໃນປີ 2023 ເມືອງໄດ້ປະເມີນບ້ານສາມັກຄີປອງດອງໄດ້ 8 ບ້ານ, ທົ່ວເມືອງມີຄອບຄົວສາມັກຄີປອງດອງ 12.490 ຄອບຄົວ ກວມ 91%,  ບ້ານສາມັກຄີປອງດອງທັງໝົດ 81 ບ້ານ ກວມ 95%, ສໍາເລັດການເກັບຂໍ້ມູນຊົນເຜົ່າພາຍໃນເມືອງ, ສໍາເລັດກອງປະຊຸມຄົບຄະນະກໍາມະການແນວລາວສ້າງຊາດ ຄັ້ງທີ 3 ສະໄຫມທີ VII ປະຈໍາປີ 2022, ຄົ້ນຄວ້າ-ປຶກສາຫາລື ວຽກງານສາສະໜາ 7 ບ້ານເຂດເທດສະບານເມືອງ, ຊຸກຍູ້ການຈັດງານບຸນປະເພນີທາງສາສະໜາ 4 ຄັ້ງ, ທຽບໃສ່ແຜນປະຕິບັດໄດ້ 80%, ຊຸກຍູ້ຄະນະ ອົງການພຸດທະສາສະໜາ ສຳພັນລາວ(ອພສ) ເມືອງລົງບັນຍາຍທໍາໄດ້ 2 ບ້ານ, ລົງປັບປຸງຄະນະກໍາມະການແນວລາວສ້າງຊາດບ້ານໄດ້ 1 ບ້ານ, ເກັບກໍາຫາງສຽງສັງຄົມສົ່ງໃຫ້ແນວລາວສ້າງຊາດແຂວງໄດ້ 2 ຄັ້ງ, ລົງແກ້ໄຂບັນຫາສາສະໜາຢູ່ບ້ານໂພນມະນີ 1 ຄັ້ງ ແລະ ຫົວນາ 1 ຄັ້ງ, ທົ່ວເມືອງມີຜູ້ເຊື່ອຖືສາສະຫນາຄຣິດສະຕຽນ 362 ຄອບຄົວ ມີ ພົນລະເມືອງ 2.088 ຄົນ. 
   ວຽກງານຊາວຫນຸ່ມ-ເຍົາວະຊົນ ໄດ້ລົງເຜີຍແຜ່ກົດໝາຍ, ແນວທາງນະໂຍບາຍຂອງພັກໃຫ້ຊາວໝຸ່ມ ໄວໝຸ່ມ ມີຄວາມຕື່ນຕົວທາງດ້ານການເມືອງໄດ້ 116 ຄັ້ງ, ມີຜູ້ເຂົ້າຮ່ວມທັງໝົດ 1.732 ຄົນຍິງ 577 ຄົນ, ໄດ້ບໍາລຸງພາລະບົດບາດໜ່ວຍຊາວໝຸ່ມໄດ້ 116 ໜ່ວຍ ທຽບໃສ່ແຜນປະຕິບັດໄດ້ 100%, ປະກາດເມືອງຊາວໜຸ່ມ 4 ບຸກປະຈໍາປີ 2022 ສໍາເລັດ, ຍົກຍ້າຍສະມາຊິກຊາວໜຸ່ມ ໄປບ່ອນໃໝ່ໄດ້ 421 ສະຫາຍ ແລະ ອອກໃບອະນຸຍາດລາອອກໃຫ້ສະມາຊິກຊາວໜຸ່ມທີ່ພົ້ນອາຍຸກະສຽນໄດ້ 73 ສະຫາຍຍິງ 24 ສະຫາຍ,ປັດຈຸບັນທົ່ວເມືອງມີໜ່ວຍຊາວໜຸ່ມທັງໝົດ 116 ໜ່ວຍ, ດໍາເນີນກອງປະຊຸມໃຫຍ່ ຂອງໜ່ວຍ ຄຊປປລ ສໍາເລັດ 53 ໜ່ວຍ ທຽບໃສ່ແຜນການປີປະຕິບັດໄດ້ 45,68%, ຂະຫຍາຍ ສະມາຊິກຊາວໜຸ່ມ ປປລາວໄດ້ 412 ສະຫາຍຍິງ 178 ສະຫາຍ ທຽບໃສ່ແຜນການປີປະຕິບັດໄດ້ລື່ນ 37%, ມີສະມາຊິກຊາວໜຸ່ມ ປປລາວ ທັງຫມົດ 4.717 ສະຫາຍຍິງ 1.583 ສະຫາຍ, ກອງອາສາສະໝັກຊາວໜຸ່ມຕະລຸມບອນ 3 ກອງ, ປັດຈຸບັນ,ມີກອງທຶນຊ່ວຍເຫຼືອຊຶ່ງກັນ ແລະ ກັນທັງໝົດ 14 ໜ່ວຍ, ມີສະມາຊິກກອງທຶນທັງໝົດ 120 ສະຫາຍຍິງ 56 ສະຫາຍ, ປະຕິບັດນະໂຍບາຍສະມາຊິກກອງທຶນທີ່ເຈັບເປັນ ແລະ ປະສູດລູກ ໄດ້ຈໍານວນໜຶ່ງ,ຂະຫຍາຍສະມາຊິກເຍົາວະຊົນໄດ້ 455ຄົນຍິງ 271ຄົນ ທຽບໃສ່ແຜນການປີ ປະຕິບັດໄດ້ລື່ນ 82%, ມີກອງເຍົາວະຊົນ 22 ກອງ, 65 ໝວດ ແລະ 251 ໝູ່, ມີເຍົາວະຊົນທັນວາທັງໝົດ 3.931ຄົນຍິງ 1.978ຄົນ, ມີກອງເຍົາວະຊົນທັນວາ 3 ດີ 4 ຮູ້ ທັງໝົດ 5 ກອງ ທຽບໃສ່ແຜນປະຕິບັດໄດ້ 100%, ໄດ້ເຜີຍແຜ່ຄໍາຂວັນ 3 ດີ 4 ຮູ້ 6 ຮັກ 3 ຊັງ ໄດ້ 20 ຄັ້ງ ທຽບໃສ່ແຜນການປີປະຕິບັດໄດ້ 100%, ໄດ້ ສົມທົບອົງການກາແດງແຂວງຫຼວງພະບາງຂົນຂວາຍຊາວໜຸ່ມ-ໄວໜຸ່ມບໍລິຈາກເລືອດໄດ້ 55 ຖົງ. 
ວຽກງານແມ່ຍິງ ເມືອງໄດ້ດໍາເນີນກອງປະຊຸມໃຫຍ່ຂອງໜ່ວຍສະຫະພັນແມ່ຍິງຮາກຖານໄດ້ 4 ຮາກຖານ, ຂັ້ນໜ່ວຍໄດ້ 33 ໜ່ວຍ ແລະ ຮາກຖານບ້ານໄດ້ 5 ຮາກຖານ, ຂະຫຍາຍສະມາຊິກໄດ້ 329 ສະຫາຍ, ທຽບໃສ່ແຜນ ປະຕິບັດໄດ້ລື່ນແຜນ 73,15%, ອອກໃບຍົກຍ້າຍໃຫ້ສະມາຊິກສະຫະພັນແມ່ຍິງໄດ້ 223 ສະຫາຍ, ຕິດຕາມ ກວດກາກຸ່ມທ້ອນເງິນຂອງເອື້ອຍນ້ອງແມ່ຍິງ ມີ 12 ບ້ານ, ມີສະມາຊິກກອງທຶນທັງໝົດ 907 ຄົນ, ມີເງິນທັງຫມົດ 4.758.013.000 ກີບ, ມອບໃບຢັ້ງຢືນ 3 ດີໃຫ້ຮາກຖານບ້ານ ແລະ ໜ່ວຍໄດ້ 126 ໃບ ແລະ ປະກາດເປັນເມືອງ ສະຫະພັນແມ່ຍິງ 3 ດີ ປະຈໍາປີ 2022, ພ້ອມທັງລົງປະເມີນຄືນຂໍ້ແຂ່ງຂັນ 3 ດີໄດ້ 54 ຮາກຖານບ້ານ, ຮາກຖານໜ່ວຍໄດ້ 8 ຮາກຖານ ແລະ ໜ່ວຍໄດ້ 33 ໜ່ວຍ, ໂຄສະນາ, ເຜີຍແຜ່ລັດຖະທໍາມະນູນ, ກົດໝາຍ ແລະ ສົນທິສັນຍາທີ່ພົວພັນເຖິງສິດອັນຊອບທໍາຂອງແມ່ຍິງ ແລະ ເດັກນ້ອຍໄດ້ 25 ຄັ້ງ ມີຜູ້ເຂົ້າຮ່ວມ 1.782 ຄົນ, ລົງຝຶກອົບຮົມກຸ່ມເປົ້າໝາຍແມ່ຍິງອາຍຸຍັງນ້ອຍໄດ້ 5 ບ້ານ ແລະ ວຽກງານບົດບາດຍິງ-ຊາຍໄດ້ 5 ບ້ານ. 
ສໍາລັບວຽກງານກໍາມະບານ: ໄດ້ເອົາໃຈໃສ່ໂຄສະນາສຶກສາອົບຮົມການເມືອງ-ແນວຄິດໃຫ້ສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານ ເປັນປົກກະຕິ, ສໍາເລັດການເປີດກອງປະຊຸມຄົບຄະນະບໍລິຫານງານ ສະຫະພັນກໍາມະບານເມືອງ ຄັ້ງທີ 5, ດໍາເນີນກອງປະຊຸມໃຫຍ່ຮາກຖານກໍາມະບານໄດ້ 25 ໜ່ວຍ ທຽບໃສແຜນ ປະຕິບັດໄດ້ 64,10%, ໄດ້ປະກາດສະຫະພັນກໍາມະບານເມືອງ 5 ເປັນເຈົ້າ ປະຈໍາປີ 2022, ຕິດຕາມສະພາບການອອກແຮງງານຂອງກໍາມະກອນຊາວຜູ້ອອກແຮງງານຢູ່ຕາມຫົວໜ່ວຍແຮງງານເປັນປົກກະຕິ, ສົມທົບກັບຄະນະບ້ານ 5 ບ້ານເປົ້າໝາຍເພື່ອລົງໂຄສະນາເຜີຍແຜ່ວຽກງານຄວາມປອດໄພ ແລະ ສຸຂະພາບແຮງງານຈາກການນໍາໃຊ້ທາດໄຍຫີນຂາວຂອງໂຮງງານກະເບື້ອງ, ໄດ້ເຂົ້າຮ່ວມກອງປະຊຸມຝຶກອົບຮົມການຂຶ້ນທະບຽນແຮງງານລາວ ແລະ ແຮງງານຕ່າງປະເທດທີ່ເມືອງນໍ້າບາກໄດ້ 1 ຄັ້ງ, ໃນໄລຍະ 1 ປີໄດ້ຮັບເງິນບໍາລຸງຈາກສະມາຊິກກໍາມະບານທັງຫມົດ 32.215.000 ກີບ, ຮັບຈາກສະມາຊິກກອງທຶນ 90.550.000 ກີບ. 
ວຽກງານນັກຮົບເກົ່າ ກໍໄດ້ນໍາເອົາແນວທາງນະໂຍບາຍຂອງພັກ, ມະຕິ, ຄໍາສັ່ງ, ລະບຽບກົດໝາຍຂອງລັດ ລົງເຊື່ອມຊຶມໃຫ້ພະນັກງານນັກຮົບເກົ່າເປັນປົກກະຕິ, ສໍາເລັດກອງປະຊຸມຂັ້ນຈຸສະຫະພັນນັກຮົບເກົ່າໜ່ວຍຮາກຖານ ແລະ ກອງປະຊຸມໃຫຍ່ຄັ້ງທີ V ຂອງໜ່ວຍສະຫະພັນນັກຮົບເກົ່າທົ່ວເມືອງ, ປັດຈຸບັນ,ທົ່ວເມືອງມີໜ່ວຍນັກຮົບ ເກົ່າຮາກຖານ 8 ໜ່ວຍ, ມີສະມາຊິກັກນັບຮົບເກົ່າທັງໝົດ 613 ສະຫາຍຍິງ 33 ສະຫາຍ, ໃນນີ້ມີສະມາຊິກກອງທຶນທັງໝົດ 244 ສະຫາຍ, ມີເງິນກອງທຶນທັງໝົດ 157.236.000 ກີບ, ມີຄອບຄົວຕົວແບບ ຂອງສະຫະພັນ ນັກຮົບເກົ່າ 6 ຄອບຄົວ ທຽບໃສ່ແຜນປະຕິບັດໄດ້ 100%  ນີ້ ແມ່ນຜົນງານສ່ວນໜຶ່ງໃນຕະຫຼອດປີ 2023 ຜ່ານມາ,ໃນການເຄື່ອນໄຫວຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ ທີ່ຍາມໃດກໍຕັດສິນໃຈບຸກບືນຜ່ານຜ່າຄວາມຫຍຸ້ງຍາກ ເພື່ອຈັດຕັ້ງຜັນຂະຫຍາຍແນວທາງ ແຜນນະໂຍບາຍຂອງລັດ ແລະ ລັດ ຈຶ່ງເຮັດໃຫ້ເມືອງນໍ້ບາກ ແຂວງຫຼວງພະບາງ ມີສະຖຽນລະພາບດ້ານການເມືອງໜັກແໜ້ນ,ມີຄວາມສະຫງົບ,ມີຄວາມເປັນລະບຽບຮຽບຮ້ອຍທາງສັງຄົມ.