ເມືອງນໍ້າບາກສຸມໃສ່ພັດທະນາໂຄງລ່າງດ້ານຄົມມະນາຄົມ-ຂົນສົ່ງ ແລະ ນໍ້າປະປາ

10:24 21/12/2023

ໂດຍ:ຕະວິນຍານ

ເພື່ອເຮັດໃຫ້ການສັນຈອນໄປມາຫາສູ່ຂອງປະຊາຊົນ ແລະ ການຂົນສົ່ງສິນຄ້າສະດວກຍິ່ງຂຶ້ນ,ເມືອງນໍ້າບາກ ແຂວງຫຼວງພະບາງ ໄດ້ເອົາໃຈໃສ່ກໍ່ສ້າງໂຄງລ່າງພື້ນຖານຄົມມະນາຄົມ-ຂົນສົ່ງ ແລະ ສາທາລະນຸປະໂພກໃຫ້ປະຊາຊົນ ເຊັ່ນ: ຕິດຕາມໂຄງການສ້ອມແປງທາງຫຼວງເລກທີ 13N ແລະ 1C ຫຼັງລະດູຝົນ, ຊຸກຍູ້ບັນດາບ້ານພາຍໃນເມືອງນໍ້າບາກບູລະນະຮັກສາທາງຫຼວງແຫ່ງຊາດ ແລະ ທາງຫຼວງທ້ອງຖິ່ນ,ສົມທົບຄະນະກໍາມະການຂັ້ນແຂວງ ແລະ ເມືອງລົງກວດກາປະເມີນຜົນການຈັດຕັ້ງປະຕິບັດໂຄງການກໍ່ສ້າງທາງປູເບຕົງເສີມເຫຼັກ 3 ບ້ານເທດສະບານ ແລະ ໂຄງການຟື້ນຟູສ້ອມແປງຂົວອູ່ຂ້າມນໍ້າບາກ ບ້ານຟ້າ ຫາ ບ້ານໂຄ້ງໃນ ໃນໄລຍະຄໍ້າປະກັນ ພ້ອມທັງກຽມມອບ-ຮັບ, ລົງກວດກາຖົມດິນສົ້ນຂົວ 4 ແຫ່ງ ກຸ່ມນໍ້າດ່ວນ, ຕິດຕາມໂຄງການສ້ອມແປງເສັ້ນທາງບ້ານຫ້ວຍຫົກ ຫາ ບ້ານຫ້ວຍຮຽມສໍາເລັດ 85%, ສໍາເລັດການປັບແລວນໍ້າຢູ່ສົ້ນຂົວນໍ້າບາກ, ລົງເກັບກໍາຂໍ້ມູນສະຖິຕິທາງຊົນນະບົດ, ຈົກຮ່ອງລະບາຍນໍ້າແຄມທາງບ້ານໂພນສະອາດ, ຕິດຕາມກວດກາໂຄງການກໍ່ສ້າງ ເຄຫາສະຖານ, ສໍານັກງານ ແລະ ໂຮງຮຽນ ເພື່ອອອກໃບ ອະນຸຍາດການປຸກສ້າງໃຫ້ຖືກຕ້ອງຕາມລະບຽບການ, ຕິດຕາມ ແລະ ແກ້ໄຂບັນຫາຂໍ້ຂັດແຍ່ງໂຄງການກໍ່ສ້າງນໍ້າປະປາກຸ່ມນໍ້າຖ້ວມ ແລະ ກຸ່ມປາກມອງ ພ້ອມທັງແກ້ໄຂສິ່ງກີດຂວາງສໍາເລັດ 60,16%,ອະນຸຍາດການປຸກສ້າງໄດ້ 9 ກິດຈະການ, ກວດກາໂຮງຮຽນບ້ານກິວຈະລິ ສໍາເລັດ 50%, ກວດກາການແລ່ນລົດ ຢູ່ສະຖານີປາກມອງ 18 ຄັ້ງ, ອະນຸຍາດດໍາເນີນທຸລະກິດຂົນສົ່ງໂດຍສານ ແລະ ຂົນສົ່ງສິນຄ້າ ພາຍໃນເມືອງນໍ້າບາກ, ລົງກວດກາຂຸດຄົ້ນຫີນ ແຮ່ຊາຍ ສາຍນໍ້າບາກ.

ສໍາລັບວຽກງານນໍ້າປະປາ ເມືອງສາມາດຜະລິດນໍ້າປະປາໄດ້ 495.390 ມ3/ປີ ທຽບໃສ່ແຜນການປະຕິບັດໄດ້ 95% ຈໍາໜ່າຍນໍ້າໄດ້ 403.318 ແມັດກ້ອນ/ປີ ທຽບໃສ່ແຜນການປະຕິບັດໄດ້ 95%, ບໍລິມາດນໍ້າສູນເສຍ 92.072ແມັດກ້ອນ ເທົ່າກັບ 18,5%, ຄິດໄລ່ຕິດຕັ້ງນໍ້າເຂົ້າເຮືອນໄດ້ 48 ໜ່ວຍ ທຽບໃສ່ແຜນການປະຕິບັດໄດ້ລື່ນ 37%, ສ້ອມແປງ 125 ບ່ອນ, ສ້າງລາຍຮັບໄດ້ທັງໝົດ 1.671.510.000 ກີບ ທຽບໃສ່ແຜນການປະຕິບັດໄດ້ 92%.

ໃນປີ 2024ນີ້ ເມືອງນໍ້າບາກຈະສືບຕໍ່ຕິດຕາມໂຄງການກໍ່ສ້າງເສັ້ນທາງປູເບຕົງເທດສະບານເມືອງ ໄລຍະທີ 2 ໃຫ້ຮັບປະກັນ 100%, ຊຸກຍູ້ບັນດາບ້ານ ໃຫ້ມີສ່ວນຮ່ວມໃນການບູລະນະຮັກສາເສັ້ນທາງຫຼວງແຫ່ງຊາດ ແລະ ທາງຫຼວງທ້ອງຖິ່ນ, ຕິດຕາມໂຄງການສ້ອມແປງທາງເລກທີ 1C ແລະ 13 N ຫຼັງ ລະດູຝົນ ແລະ ໂຄງການກໍ່ສ້າງນໍ້າປະປາກຸ່ມນໍ້າຖ້ວມ-ກຸ່ມປາກມອງ, ລົງຈັດສັນຄວາມເປັນລະບຽບຮຽບຮ້ອຍໃນຊຸມຊົນໜ້າຕະຫຼາດນໍ້າບາກ ແລະ ນໍ້າຖ້ວມ, ຕິດຕາມກວດກາໂຄງການກໍ່ສ້າງເຄຫາສະຖານ ສໍານັກງານ ແລະ ໂຮງຮຽນ ເພື່ອອອກໃບອະນຸຍາດການປຸກສ້າງໃຫ້ຖືກຕ້ອງຕາມລະບຽບການ.

ຄໍາເຫັນ

ຂ່າວວັດທະນະທຳ-ສັງຄົມ

ສານປະຊາຊົນສູງສຸດ ປາຖະກະຖາວັນສ້າງຕັ້ງພັກ ຄົບຮອບ 71 ປີ

27/03/2026 13:04

ສານປະຊາຊົນສູງສຸດໄດ້ຈັດປາຖະກະຖາ ວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 71 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອດ 80 ປີ ຂຶ້ນໃນວັນທີ 27 ມີນານີ້ ທີ່ກະຊວງດັ່ງກ່າວ, ໂດຍການປາຖະກະຖາຂອງ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸກດ, ມີບັນດາຄະນະພັກ,ສະມາຊິກພັກ ແລະ ພະນັກງານວິຊາການພາຍໃນກະຊວງເຂົ້າຮ່ວມ.

ກອງປະຊຸມຄົ້ນຄວ້າແກ້ໄຂຜົນກະທົບ ຜູ້ປະສົບໄພພິບັດ

27/03/2026 12:56

ກອງປະຊຸມຄົ້ນຄວ້າແກ້ໄຂຜົນກະທົບຕໍ່ຄອບຄົວຜູ້ປະສົບໄພພິບັດ ໃນ 17 ບ້ານຂອງສອງເມືອງ (ເມືອງສີໂຄດຕະບອງ ແລະ ເມືອງນາຊາຍທອງ) ໄດ້ຈັດຂຶ້ນຫວ່າງມໍ່ໆມານີ້ ທີ່ຫ້ອງວ່າການນະຄອອນຫຼວງວຽງຈັນ, ໂດຍການເຂົ້າຮ່ວມເປັນປະທານ ຂອງທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ມີບັນດາຄະນະກຳມະການຄຸ້ມຄອງໄພພິບັດຂັ້ນນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມ.

ສະຫະພັນກຳມະບານເມືອງບໍ່ແຕນ ຈັດກອງປະຊຸມຄົບຄະນະບໍລິຫານງານ ຄັງທີ 2 ສະໄໝທີ VII

27/03/2026 09:23

ກອງປະຊຸມຄົບຄະນະບໍລິຫານງານສະຫະພັນກຳມະບານເມືອງບໍ່ແຕນ ແຂວງໄຊຍະບູລີ ຄັ້ງທີ 2 ສະໄໝທີ VII ໄດ້ໄຂຂຶ້ນໃນວັນທີ 26 ມີນານີ, ໂດຍເປັນປະທານຂອງ ສະຫາຍ ນາງ ເສີຍ ວິໄລທອງ ກຳມະການພັກເມືອງ ຄະນະບໍລິຫານງານສະພັນກຳມະນານແຂວງ ປະທານສະຫະພັນກຳມະບານເມືອງ, ໂດຍເປັນກຽດເຂົ້າຮ່ວມຂອງສະຫາຍ ຄຳພັນ ພັນທະວົງ ຮອງເລຂາພັກເມືອງ ປະທານກວດກາພັກເມືອງ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງ ໃນທົ່ວເມືອງເຂົ້າຮ່ວມ.

ຄກສພ-ອກຫລ ປະກາດການຍົກຍ້າຍ ແລະ ອອກພັກການ-ຮັບອຸດ ໜູນບໍານານ

26/03/2026 20:43

ໃນວັນທີ 26 ມີນາ ນີ້ ຄະນະກວດກາສູນກາງພັກ ແລະ ອົງການກວດກາແຫ່ງລັດ (ຄກສພ-ອກຫລ ) ໄດ້ຈັດພິທີປະກາດການຍົກຍ້າຍ ແລະ ອອກພັກການ-ຮັບອຸດໜູນບໍານານຂອງພະນັກງານນຳພາ-ຄຸ້ມຄອງ ໂດຍການເປັນປະທານຂອງ ສະຫາຍ ວັນໄຊ ພອງສະຫວັນ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງສູນກາງ, ມີບັນດາສະຫາຍຮອງປະທານຄະນະກວດກາສູນກາງພັກ, ຮອງປະທານອົງການກວດກາແຫ່ງລັດ ແລະ ຮອງຫົວໜ້າອົງການຕ້ານການສໍ້ລາດບັງຫຼວງ; ຜູ້ຕາງໜ້າຈາກຄະນະຈັດຕັ້ງສູນກາງພັກ, ຫົວໜ້າຫ້ອງການ, ຮອງຫົວໜ້າຫ້ອງການ, ບັນດາຫົວໜ້າກົມ, ຮອງຫົວໜ້າກົມ ຕະຫຼອດຮອດພະນັກງານ-ລັດຖະກອນທົ່ວອົງການເຂົ້າຮ່ວມ.

ກະຊວງການຕ່າງປະເທດ ເຊື່ອມຊຶມ ແລະ ຜັນຂະຫຍາຍ ມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກ

26/03/2026 16:08

ໃນວັນທີ 25 ມີນາ ນີ້, ກະຊວງການຕ່າງປະເທດ ໄດ້ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກ; ມະຕິຂອງລັດຖະບານ ວ່າດ້ວຍ ການແບ່ງຄວາມຮັບຜິດຊອບ ໃນການຈັດຕັ້ງປະຕິບັດ ມະຕິ ວ່າດ້ວຍ ການສ້າງເສດຖະກິດເອກະລາດ ເປັນເຈົ້າຕົນເອງ ໃນໄລຍະໃໝ່ ສະບັບເລກທີ 04/ກມສພ, ລົງວັນທີ 11 ເມສາ 2024 ພ້ອມຫວນຄືນມູນເຊື້ອ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ; ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 80 ປີ ແລະ ມູນເຊື້ອການກຳເນີດ ແລະ ຂະຫຍາຍຕົວຂອງສະຫະພັນກຳມະບານລາວ ຄົບຮອບ 70 ປີ

ກອງກອງຮ້ອຍທະຫານຊາຍແດນ 159 ອົບຮົມ ຫັດແອບການທະຫານປະຈຳປີ 2026

26/03/2026 16:07

ກອງຮ້ອຍທະຫານຊາຍແດນ 159 ເມືອງບໍ່ແຕນ ແຂວງໄຊຍະບູລີ ໄດ້ຈັດຊຸດອົບຮົມຫັດແອນການທະຫານ, ການເມືອງ, ພາລາທິການ-ເຕັກນິກ ແລະ ວິຊາສະເພາະຄຸ້ມຄອງປ້ອງກັນຊາຍແດນປະຈຳປີ 2026 ຂຶ້ນຢູ່ທີ່ກອງຮ້ອຍດັ່ງກ່າວ ໃນວັນທີ 25 ມີນານີ້, ໂດຍການເປັນປະທານ ຂອງສະຫາຍ ຮອ ພຸດທະສັກ ທ່ຽງສານໄຊ ຫົວໜ້າການທະຫານກອງຮ້ອຍທະຫານຊາຍແດນ 159, ມີຄະນະພັກ, ຄະນະບັນຊາ, ນາຍ ແລະ ພົນທະຫານພາຍໃນກົມກອງ ເຂົ້າຮ່ວມ.

ການນຳ ສຊປລ ມອບເຄື່ອງໃຫ້ກອງພັນໃຫຍ່ ຈໍ 11 ແລະ ຄອບຄົວທີ່ໄດ້ຮັບຜົນກະທົບຈາກພາຍຸໝາກເຫັບ

26/03/2026 16:06

ວັນທີ 25 ມີນາ ນີ້ ທີ່ສະໂມສອນໃຫຍ່ ກອງພັນໃຫຍ່ ຈໍ 11, ທ່ານ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ (ສຊປລ) ພ້ອມຄະນະ ໄດ້ລົງພື້ນທີ່ມອບເຄື່ອງຊ່ວຍເຫຼືອໃຫ້ກອງພັນໃຫຍ່ ຈໍ 11 ໃຫ້ກຽດຕ້ອນຮັບໂດຍ ທ່ານ ພັນເອກ ຄຳສາຍ ມຸນດວງສິງ ເລຂາຄະນະພັກ ຫົວໜ້າການເມືອງກອງພັນໃຫຍ່ ຈໍ 11 ພ້ອມຄະນະຕ້ອນຮັບ.

ມອບ-ຮັບ ເງິນລາງວັນໃຫ້ຜູ້ໂຊກດີ ຖືກລາງວັນທີ 1

26/03/2026 16:04

ມອບ-ຮັບລາງວັນໃຫ້ແກ່ຜູ້ໂຊກດີ ທີ່ຖືກລາງວັນທີ 1 ກັບ ບໍລິສັດລາວໂລໂຕ ຈຳກັດ (ຫວຍແຮັບປີ້ໂລໂຕ 5/45) ຊຶ່ງໄດ້ຈຳໜ່າຍເລີ່ມແຕ່ວັນທີ 12 ກຸມພາ 2022 ແລະ ຮອດປັດຈຸບັນແມ່ນ ອອກລາງວັນງວດທີ 32, ອອກຄັ້ງວັນທີ 18 ມີນາ 2026 ຜ່ານມານີ້ ຊຶ່ງຜູ້ໂຊກດີຖືກລາງວັນມູນຄ່າ 1,360,483,575 ກີບ. ຜູ້ໂຊກດີທີ່ຖືກລາງວັນດັ່ງກ່າວແມ່ນ ທ່ານ ນາງ ທິດາວັນ ລາດສະຄຳ ອາຍຸ 33 ປີ ບ້ານສະຫວ່າງ ເມືອງຈັນທະບູລີ ນະຄອນຫຼວງວຽງຈັນ. ມອບລາງວັນໂດຍ ທ່ານ ພຸດທະສັກ ພົມມະຈັກ ຮອງຜູ້ອຳນວຍການ ບໍລິສັດລັດວິສາຫະກິດຫວຍພັດທະນາ, ພ້ອມດ້ວຍສັກຂີພິຍານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ ຊຶ່ງພິທີໄດ້ຈັດຂຶ້ນໃນວັນທີ 25 ມີນານີ້ ທີ່ບໍລິສັດລັດວິສາຫະກິດຫວຍພັດທະນາ.

ກະຊວງຍຸຕິທຳ ປາຖະກະຖາ ສຳຄັນຂອງຊາດ

26/03/2026 16:01

ກະຊວງຍຸຕິທຳ ໄດ້ຈັດປາຖະກະຖາ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອດ 80 ປີ ຂຶ້ນໃນວັນທີ 25 ມີນານີ້ ທີ່ກະຊວງດັ່ງກ່າວ, ໂດຍການປາຖະກະຖາຂອງ ທ່ານ ຄຳພັນ ພົມມະທັດ ກຳມະການກົມການເມືອງສູນການພັກ ຮອງນາຍົກລັດຖະມົນຕີ ລັດຖະມົນຕີກະຊວງຍຸຕິທຳ, ມີບັນດາຄະນະພັກ, ສະມາຊິກພັກ ແລະ ພະນັກງານວິຊາການພາຍໃນກະຊວງເຂົ້າຮ່ວມ.

ກອງປະຊຸມຄັ້ງທີ I ຄະນະກໍາມະການຄຸ້ມຄອງນໍ້າແຫ່ງຊາດ

26/03/2026 16:00

ກອງປະຊຸມຄັ້ງທີ I ຂອງຄະນະກຳມະການຄຸ້ມຄອງນໍ້າແຫ່ງຊາດ ໄດ້ຈັດຂຶ້ນໃນວັນທີ 25 ມີນາ ນີ້ ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC) ພາຍໃຕ້ການເປັນປະທານຂອງ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດ ແລະ ການພົວພັນຮ່ວມມືກັບຕ່າງປະເທດ ປະທານຄະນະກຳມະການຄຸ້ມຄອງນ້ຳແຫ່ງຊາດ ມີບັນດາທ່ານລັດຖະມົນຕີ ແລະ ຮອງລັດຖະມົນຕີ, ສະມາຊິກຂອງຄະນະກຳມະການຄຸ້ມຄອງນໍ້າແຫ່ງຊາດ, ບັນດາທ່ານຜູ້ຕາງໜ້າຂັ້ນແຂວງທີ່ຢູ່ໃນຫ້ອງປະຊຸມ ແລະ ຜ່ານລະບົບທາງໄກ ເຂົ້າຮ່ວມ.

ເພີ່ມເຕີມ