ສະຫາຍ ທອງພັນ ສຸກສະຫວັດ ໄດ້ຍົກໃຫ້ເຫັນ ສະພາບການຖືກປິດລ້ອມຂອງກອງພັນທີ 2, ການຜ່າວົງປິດລ້ອມຂອງກອງພັນທີ 2 ວັນທີ 18/5 - 2/6/1959, ຄວາມໝາຍສຳຄັນ ແລະ ປັດໄຈພື້ນຖານການຜ່າວົງປິດລ້ອມຂອງກອງພັນທີ 2. ສະພາບການ ແລະ ການເຄື່ອນໄຫວປະຕິວັດຂອງບັນດາຜູ້ນຳພັກ ແລະ ແນວລາວຮັກຊາດໃນໄລຍະປີ 1957-1959, ແຜນການໂຕນອອກຈາກຄຸກ, ການກະກຽມໂຕນອອກຈາກຄຸກໂພນເຄັງຂອງບັນດາຜູ້ນຳ, ສາເຫດການໂຕນຄຸກຢ່າງມະຫັດສະຈັນ ຂອງບັນດາຜູ້ນຳໄປສູ່ເຂດທີ່ໝັ້ນປະຕິວັດຢ່າງປອດໄພ. ຊີວິດ ແລະ ການເຄື່ອນໄຫວປະຕິວັດຂອງປະທານໂຮ່ຈີ່ມິນ, ຮ່ຳຮຽນເອົາຄຸນສົມບັດສິນທຳປະຕິວັດຂອງປະທານ ໂຮ່ຈີ່ມິນ, ປະທານ ໂຮ່ຈີ່ມິນ ຕໍ່ພາລະກິດການປະຕິວັດລາວ. ສາເຫດພາໃຫ້ເກີດສົງຄາມໂລກຄັ້ງທີ II, ການບຸກໂຈມຕີລ້າງຜ່ານຂອງພວກຟາດສິດ, ມະຫາສົງຄາມປ້ອງກັນປິຕິພູມ ຂອງກອງທັບ ແລະ ປະຊາຊົນໂຊຫວຽດ, ຜົນເສຍຫາຍຈາກສົງຄາມ, ຄວາມໝາຍປະຫວັດສາດ ແລະ ຜົນສະທ້ອນຂອງໄຊຊະນະຟາດສິດ ຕໍ່ຊາວໂລກ ແລະ ການສະໜັບສະໜູນຊ່ວຍເຫຼືອຂອງອະດີດສະຫະພາບໂຊຫວຽດຕໍ່ ສປປ ລາວ.
ຈຸດປະສົງໃນການປາຖະກະຖາຄັ້ງນີ້, ກໍເພື່ອເຮັດໃຫ້ພະນັກງານ, ສະມາຊິກພັກ, ທະຫານ, ຕຳຫຼວດ ແລະ ປະຊາຊົນໃນທົ່ວເມືອງໄດ້ຮັບຮູ້, ເຂົ້າໃຈກ່ຽວກັບຄວາມໝາຍ, ຄວາມສໍາຄັນ 4 ວັນປະຫວັດສາດດັ່ງກ່າວ.
(ຂ່າວ-ພາບ: ຖວທ ເມືອງເງິນ)
ຄໍາເຫັນ