ກອງປະຊຸມສະຫຼຸບວຽກງານຈັດຕັ້ງ ກໍ່ສ້າງພັກ-ພະນັກງານ ,ປັບປຸງກົງຈັກການຈັດຕັ້ງ ແລະ ວຽກງານກອງທຶນພັກທົ່ວເມືອງປາກລາຍ ແຂວງໄຊຍະບູລີປະຈໍາປີ 2023 ແລະ ທິດທາງແຜນການ ປີ 2024ໄດ້ຈັດຂື້ນໃນວັນທີ8ພຶດສະພາ2024 ນີ້ທີ່ຫໍປະຊຸມໃຫຍ່ຂອງເມືອງ ໂດຍການເປັນປະທານຂອງ ສະຫາຍ ບຸນຫຼາຍ ວົງດາລາ ເລຂາພັກເມືອງ ວ່າການເຈົ້າເມືອງໆປາກລາຍ ເຂົ້າຮວ່ມມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກສຳນັກງານ, ອົງການ, ກົມກອງ, ຮາກຖານບ້ານ, ຕະຫຼອດຮອດພະນັກງານຜູ້ເຮັດວຽກງານຈັດຕັ້ງຢູ່ແຕ່ລະຫ້ອງການພາຍໃນເມືອງເຂົ້າຮ່ວມ.
ກອງປະຊຸມໄດ້ຜ່ານຮ່າງບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ ປະຈໍາປີ 2023 ແລະ ທິດທາງ ປີ 2024,
ຮ່າງບົດສະຫຼຸບວຽກງານກອງທຶນພັກປະຈໍາປີ2023 ແລະ ແຜນການ2024,ຮ່າງກົດລະບຽບກອງທຶນພັກສະບັບປັບປຸງ,ນອກຈາກນັ້ນຍັງໄດ້ເຊື່ອມຊຶມນິຕິກໍາຈໍານວນໜຶ່ງເປັນຕົ້ນເຜີຍແຜ່ຄໍາແນະນໍາຂອງຄະນະຈັດຕັ້ງສູນກາງພັກ ກຽ່ວກັບການປະຕິບັດ ມະຕິຂອງກົມການເມືອງສູນກາງພັກ ວ່າດ້ວຍການເລືອກເຟັ້ນແຕ່ງຕັ້ງ,ສັບປຽ່ນໜ້າທີ່ຂອງພະນັກງານນໍາພາ-ຄຸ້ມຄອງ,ຄໍາແນະນໍາຂອງະນະຈັດຕັ້ງສູນກາງພັກວ່າດ້ວຍການຕີລາຄາພະນັກງານ,ຜ່ານແຜນດໍາເນີນງານຂອງຄະນະປະຈໍາພັກເມືອງ ສະບັບປັບປຸງ ໂດຍໄດ້ຍົກໃຫ້ເຫັນຜົນງານດ້ານດີທີ່ຕັ້ງໜ້າ, ບົດຮຽນທີ່ຖອດຖອນໄດ້ ແລະ ດ້ານອ່ອນຂໍ້ຄົງຄ້າງທີ່ຈະຕ້ອງແກ້ໄຂໃນຕໍ່ໜ້າເຊິ່ງທົ່ວເມືອງມີຮາກຖານພັກທັງໝົດ 158 ຮາກຖານໃນນີ້: ຄະນະພັກຮາກຖານມີ6ຄະນະພັກຮາກຖານ, ມີໜ່ວຍພັກຮາກຖານ 152ໜ່ວຍພັກ, ໜ່ວຍພັກທີ່ຂື້ນກັບຄະນະພັກຮາກຖານ 23ໜ່ວຍພັກມີສະມາຊິກພັກທັງໝົດ 2.580 ສະຫາຍ, ຍິງ 31ສະຫາຍ ເຊິ່ງໃນໄລຍະຜ່ານມາຄະນະພັກແຕ່ລະຂັ້ນໄດ້ຖືເອົາວຽກງານການເມືອງ-ແນວຄິດເປັນວຽກງານແຖວໜ້າໃນການເຄື່ອນໄຫວນໍາພາ-ຊີ້ນໍາໂດຍໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ ແລະ ປະຊາຊົນບັນດາເຜົ່າໂດຍໄດ້ນຳເອົາແນວທາງນະໂຍບາຍຂອງພັກລະບຽບກົດໝາຍຂອງລັດລົງເຜີຍແຜ່ຢ່າງເປັນປົກກະຕິເຮັດໃຫ້ສະມາຊິກພັກ, ພະນັກງານມີຄວາມເຊື່ອໝັ້ນຕໍ່ການນໍາພາ ຂອງພັກ, ມີຄວາມຈົງຮັກພັກດີຕໍ່ພັກ, ມີຄຸນສົມບັດສິນທໍາປະຕິວັດ, ມີຄວາມສາມັກຄີ, ພ້ອມກັນຈັດຕັ້ງປະຕິບັດໜ້າທີ່ການເມືອງທີ່ການຈັດຕັ້ງໄດ້ມອບໝາຍມີຜົນສໍາເລັດເປັນຢ່າງດີ ໃນໂອ້ກາດນີ້ຜູ້ເຂົ້າຮ່ວມກອງປະຊຸມໄດ້ຜັດປ່ຽນກັນຂື້ນປະກອບຄໍາຄິດຄຳເຫັນເພຶ່ອຊອກຫາວິທີ່ແກ້ໄຂບັນດາດ້ານທີ່ຍັງຄົງຄ້າງ,ສະຫາຍ ບຸນຫຼາຍ ວົງດາລາ ໄດ້ມີຄຳເຫັນໂອ້ລົມເຊິ່ງສະຫາຍໄດ້ຮຽງຮ້ອງມາຍັງຄະນະພັກ, ຄະນະຈັດຕັ້ງແຕ່ລະຂັ້ນ ຕ້ອງສຸມໃສ່, ນໍາເອົາເນື້ອໃນກອງປະຊຸມຄັ້ງນີ້ ໄປຈັດຕັ້ງຜັນຂະຫຍາຍຢູ່ໃນຂອບເຂດຄວາມຮັບຜິດຊອບຂອງຕົນ ຢ່າງທົ່ວເຖິງ. ຮີບຮ້ອນຄົ້ນຄວ້ານຳສະເໜີຄະນະພັກຂັ້ນເທິງໃນການປັບປຸງບຸກຄະລາກອນ ເພື່ອກະກຽມໃຫ້ແກ່ກອງປະຊຸມໃຫຍ່ຂອງເມືອງ, ສືບຕໍ່ປັບປຸງ-ກໍ່ສ້າງຮາກຖານພັກໃຫ້ນັບມື້ນັບໜັກແໜ້ນ-ເຂັ້ມແຂງ, ເອົາໃຈໃສ່ຄົ້ນຄວ້າ, ເຊື່ອມຊືມກົດລະບຽບຂອງພັກໃຫ້ເລິກເຊິ່ງ, ກວດກາຄວາມຮັບຜິດຊອບການເມືອງ, ຄວາມຮູ້, ຄວາມສາມາດ ຂອງພະນັກງານ-ສະມາຊິກພັກ ແລະ ການຈັດຕັັ້ງພັກໃຫ້ເປັນປົກກະຕິ ແລະ ຕໍ່ເນື່ອງ.ຂ່າວ: ກ່າ ຄຸດທະວົງສັກ
ຄໍາເຫັນ