ອາດີດລັດຖະມົນຕີກະຊວງກະສິກຳແລະປ່າໄມ້ອາດີດເຈົ້າແຂວງໄຊຍະບູລີ, ມີທ່ານບຸດສະກອນ ອິນທະລັງສີ ເຈົ້າເມືອງໆພຽງ ມີບັນດາການນໍາຂອງແຂວງ,ຂອງເມືອງ,ບັນດາແຂກຖືກເຊີນ,ພະນັກງານ,ທະຫານ,ຕໍ່າຫຼວດ ນັກທຸລະກິດ ແມ່ຄ້າ-ພໍ່ຊາວຂາຍ,ນັກທ້ອງທ່ຽວ ພ້ອມດ້ວຍປະຊາຊົນຊາວເມືອງພຽງ,ຕ່າງເມືອງ,ຕ່າງແຂວງເຂົ້າຮ່ວມຢ່າງຫຼວງຫຼາຍ.
ສໍາລັບງານເທດສະການບຸນກອງເຂົ້າໃຫຍ່ເມືອງພຽງປະຈໍາປີ 2025ນີ້ ແມ່ນໄດ້ຈັດຂຶ້ນໂດຍຕິດພັນກັບຍຸດທະສາດຂອງເມືອງພຽງທີ່ວ່າ‘’ສ້າງເມືອງພຽງໃຫ້ກາຍເປັນເມືອງຜະລິດສະບຽງອາຫານ ຕິດພັນກັບການປຸງແຕ່ງສົ່ງອອກ, ພັດທະນາການບໍລິການທາງຜ່ານ ແລະ ທ່ອງທ່ຽວທີ່ເປັນມິດກັບສິ່ງແວດລ້ອມ’’. ອີກດ້ານໜຶ່ງກໍເພື່ອເປັນການສືບຕໍ່ປັບປຸງ ແລະ ເສີມຂະຫຍາມມູນເຊື້ອວັດທະນະທໍາ ຮີດຄອງປະເພນີອັນດີງາມຂອງຊາດ,ຂອງທ້ອງຖິ່ນ ໃຫ້ມີຄວາມຍືນຍົງ ຢູ່ຄູ່ກັບປະຊາຊົນບັນດາເຜົາຊາວເມືອງພຽງຕະຫຼອດໄປ. ທັງເປັນການສ້າງເງື່ອນໄຂປຸກລະດົມແນວຄິດຂອງປະຊາຊົນບັນດາເຜົ່າເຂົ້າໃນຂະບວນການແຂ່ງຂັນຮັກຊາດ ແລະ ພັດທະນາ ໃຫ້ມີຄວາມໜັກແໜ້ນເຂັ້ມແຂວງກວ່າເກົ່າ.
ງານດັ່ງກ່າວ, ໄດ້ຈັດຂຶ້ນໃນທຸກໆປີ ຊຶ່ງມີຫຼາຍກິດຈະກໍາເຊັ່ນ: ຂະບວນແຮ່ເຂົ້າເປືອກ, ເຂົ້າສານຂອງປະຊາຊົນແຕ່ລະບ້ານ, ຂອງບັນດາສໍານັກງານອົງການ ແລະ ມີພິທີທາງສາດສະໜາ, ການປະກວດນາງທິດາກອງເຂົ້າໃຫຍ່, ການປະກວດອາຫານພື້ນເມືອງ, ການສະແດງສິລະປະວັນນະຄະດີ, ການແຂ່ງຂັນກິລາພື້ນເມືອງ, ງານຕະຫຼາດນັດ ຕະຫຼອດເຖິງການຄົບງັນຕາມຮີດຄອງປະເພນີ ແລະກິດຈະກຳອື່ນໆ.
ທ່ານ ບຸດສະກອນ ອິນທະລັງສີ ເຈົ້າເມືອງໆພຽງໄດ້ກ່າວເປີດພິທີເປີດງານເທດສະການບຸນກອງເຂົ້າໃຫຍ່ປະຈໍາປີ 2025 ຢ່າງເປັນທາງການ. ໃນພິທີຄັ້ງນີ້, ເມືອງພຽງຍັງໄດ້ປະກາດຮັບຮອງເອົາ 5 ບ້ານເປັນບ້ານພັດທະນາສີມືແຮງງານຄື:ບ້ານໜອງບົວຊາຍ, ກິ່ວແຄ່ມ, ນ້ຳຍາບ, ຂຸນພອນ ແລະ ບ້ານຫ້ວຍຫານ,ປະກາດຮັບຮອງເອົາບ້ານ ພູຟ້າມີໄຊ ເປັນບ້ານສາມັກຄີປອງດອງ.
(ຂ່າວ: ແສງສຸດາ ກິ່ງສະຫວັດ)
ຄໍາເຫັນ