ຫ້ອງການການເງິນເມືອງພຽງ ແຂວງໄຊຍະບູລີຈັດກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານປະຈໍາປີ 2024 ແລະ ແນະນໍາການຈັດຕັ້ງປະຕິບັດແຜນງົບປະມານ ປະຈຳປີ 2025 ຂຶ້ນໃນວັນທີ 30 ມັງກອນນີ້ຢູ່ທີ່ຫ້ອງປະຊຸມໃຫຍ່ຂອງເມືອງ ໂດຍການເປັນກຽດເຂົ້າຮ່ວມຂອງທ່ານ ຄຳພັນ ຄຳພູບົວ ຮອງເຈົ້າເມືອງໆພຽງ, ມີທ່ານ ແສງດາວ ສີສົມສັກ ຫົວໜ້າຫ້ອງການການເງິ້ນເມືອງ, ມີພາກສ່ວນກ່ຽວຂ້ອງອ້ອມຂ້າງເມືອງເຂົ້າຮ່ວມ.
ກອງປະຊຸມ, ໄດ້ຕີລາຄາການເຄື່ອນໄຫວຈັດຕັ້ງປະຕິບັດແຜນງົບປະມານ ປະຈໍາປີ 2024 ແລະ ເຜີຍ ແຜ່ແນະນໍາແຜນງົບປະມານ ປະຈໍາປີ 2025 ຊຶ່ງໃນລຍະ 1 ປີຜ່ານມາຫ້ອງການການເມືອງພຽງສາມາດຈັດເກັບລາຍຮັບໄດ້ທັງໝົດ 7 ຕື້ກວ່າກີບ ເທົ່າກັບ 130% ຂອງແຜນການປີ. ໃນນີ້, ລາຍຮັບສ່ວຍສາອາກອນປະຕິບັດໄດ້ 6 ຕື້ 5 ຮ້ອຍລ້ານກວ່າກີບ, ລາຍຮັບຄຸ້ມຄອງຊັບສີນຂອງລັດປະຕິບັດໄດ້ 3 ຮ້ອຍລ້ານກວ່າກີບ, ດ້ານລາຍຈ່າຍປະຕິບັດໄດ້ 3 ຕື້ 5 ຮ້ອຍລ້ານກວ່າກີບ. ໃນນີ້, ຈ່າຍບໍລິຫານ 2 ຕື້ 9 ຮ້ອຍລ້ານກວ່າກີບ, ຈ່າຍດັດສົມສົ່ງເສີມ 6 ຮ້ອຍລ້ານກວ່າກີບ ດຸນດ່ຽງໃຫ້ແຂວງ 7 ຕື້ກວ່າກີບ. ສຳລັບລາຍຈ່າຍຂອງເມືອງແມ່ນປະຕິບັດຢູ່ຂັ້ນແຂວງ ແລະ ທິດທາງການຈັດຕັ້ງປະຕິບັດແຜນງົບປະມານ ປະຈຳປີ 2025ສືບຕໍ່ຫັນການຄຸ້ມຄອງເກັບລາຍຮັບໄປສູ່ລະບົບມທັນສະໄໝເທື່ອລະກ້າວ, ສູ້ຊົນຈັດຕັ້ງປະຕິບັດການເກັບລາຍຮັບງົບປະມານໃຫ້ໄດ້ 5 ຕື້ກວ່າກີບ, ດ້ານລາຍຈ່າຍຈະປະຕິບັດໃຫ້ໄດ້ 3 ຕື້ກວ່າກີບ ແລະ ຕ້ອງໄດ້ເພີມທະວີຄວາມເຂັ້ມງວດມີມາດຕະການຢ່າງລະອຽດສຸມໃສ່ເກັບລາຍຮັບຄຸ້ມຄອງລາຍຈ່າຍໃຫ້ຮັດກຸມຕາມກົດໝາຍທີ່ໄດ້ກຳນົດໄວ້.
ໃນໂອ້ກາດນີ້, ກໍໄດ້ຜ່ານຄໍາແນະນໍາ ຂອງທ່ານເຈົ້າແຂວງ ວ່າດ້ວຍການຈັດຕັ້ງປະຕິບັດແຜນງົບປະມານ ປະຈໍາປີ 2025, ແຈ້ງຕົວເລກມອບເໝົາຈັດເກັບລາຍຮັບ ແລະ ຄຸ້ມຄອງລາຍຈ່າຍງົບປະມານ ໃຫ້ແກ່ບັນດາຫ້ອງການກົມກອງ ແລະ ການຈັດເກັບລາຍຮັບການເງິນຂັ້ນບ້ານ ປະຈໍາປີ 2025. ຈາກນັ້ນ, ຜູ້ແທນທີ່ເຂົ້າຮ່ວມກອງປະຊຸມໄດ້ພັດປ່ຽນກັນຂຶ້ນປະກອບຄໍາຄິດ-ຄໍາເຫັນເພຶ່ອຊອກໃຫ້ເຫັນດ້ານດີທີ່ຕັ້ງໜ້າ ແຫ່ງລາຍຮັບທີ່ບົ່ມຊ້ອນ, ດ້ານອ່ອນຂໍ້ຄົງຄ້າງ ແລະ ວິທີແກ້ໄຂ້ໃນຕໍ່ໜ້າທັງຮັບປະກັນເຮັດໃຫ້ການຈັດຕັ້ງປະຕິບັດເກັບລາຍຮັບເຂົາງົບປະມານໄດ້ຕາມແຜນ ແລະ ລື່ນແຜນການທີ່ດ້ກຳນົດໄວ້.
(ຂ່າວ: ວົງສະຫວັນ ສຸທິໂວຫານ)
ຄໍາເຫັນ