ເມືອງສິງ ປະກາດການຈັດ​ຕັ້ງ

ທ່ານ ບຸນທັນ ປອນວັນນາ ຮອງເລຂາພັກເມືອງ ປະທານກວດກາພັກ ຫົວໜ້າອົງການກວດກາລັດເມືອງ ໄດ້ຜ່ານຂໍ້ຕົກລົງ, ຍົກຍ້າຍ ແຕ່ງຕັ້ງ ພະນັກງານນໍາພາ-ຄຸ້ມຄອງຂອງເມືອງ ໂດຍແຕ່ງຕັ້ງທ່ານ ໄຊພອນ ເສົາຈັນຖາ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ໄປເປັນປະທານແນວລາວສ້າງຊາດເມືອງ, ແຕ່ງຕັ້ງ ທ່ານ ໄມ່ຫຼ້າປິງ ແອ່ນປັນຍາ ກຳມະການພັກເມືອງ ປະທານຄະນະກຳມະການປົກຄອງຕາແສງມອມ ເປັນຫົວໜ້າຄະນະຈັດຕັ້ງເມືອງ ແລະ ແຕ່ງຕັ້ງທ່ານ ນາງ ລຸນນີ ອ່ອນແສງສີ ຮອງເລຂາຄະນະບໍລິຫານງານຊາວໜຸ່ມເມືອງ ເປັນຮັກສາການເລຂາຄະນະບໍລິຫານງານຊາວໜຸ່ມເມືອງ, ພ້ອມນັ້ນໄດ້ປະກາດຍົກຍ້າຍທ່ານ ເກດແກ້ວ ປີ່ນແສນອີ່ນ ກຳມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ ໄປປະຈຳການຢູ່ຫ້ອງການສະມາຊິກສະພາປະຊາຊົນແຂວງຫຼວງນໍ້າທາ ປະຈຳເຂດເລືອກຕັ້ງເມືອງສິງ.

ທ່ານ ນາງ ຈັນສຸນີ ສິດບຸນລັງ ຮອງຫົວໜ້າຄະນະຈັດຕັ້ງແຂວງ ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 50/ຄປພຂ, ລົງວັນທີ 3 ມິຖຸນາ 2026 ວ່າດ້ວຍການບົ່ງຕົວແຕ່ງຕັ້ງກຳມະການພັກເມືອງ ໂດຍແຕ່ງຕັ້ງທ່ານ ກົງຢ່າງ ວ່າມົວ ເລຂາໜ່ວຍພັກ ຫົວໜ້າໄອຍະການປະຊາຊົນເຂດ II ເປັນກຳມະການພັກເມືອງສິງ ປ່ຽນແທນຕຳແໜ່ງທີ່ວ່າງ, ພ້ອມນີ້ຍັງໄດ້ແຕ່ງຕັ້ງທ່ານ ໜໍ່ຄຳ ອິນສີນວນ ຮອງຫົວໜ້າຫ້ອງການໆເງິນເມືອງ ເປັນຮັກສາການ ປະທານຄະນະກຳມະການປົກຄອງຕາແສງມອມ, ແຕ່ງຕັ້ງທ່ານ ສີທອງ ທຳມະວົງ ຮອງປະທານຄະນະກຳມະການປົກຄອງຕາແສງນໍ້າແກ້ວຫຼວງ ເປັນຮັກສາການ ປະທານຄະນະກຳມະການປົກຄອງຕາແສງນໍ້າແກ້ວຫຼວງ.

ທ່ານ ຄໍາຟອງ ອິນມານີ ປະທານຄະນະກໍາມະການປົກຄອງແຂວງຫຼວງນ້ຳທາ ໄດ້ສະແດງຄວາມຍ້ອງຍໍຊົມເຊີຍທຸກທ່ານທີ່ເອົາໃຈໃສ່ປະຕິບັດໜ້າທີ່ດ້ວຍຄວາມຮັບຜິດຊອບສູງ, ພ້ອມທັງເໜັ້ນໜັກໃຫ້ທຸກທ່ານທີ່ໄດ້ຮັບໜ້າທີ່ໃໝ່ຈົ່ງເອົາໃຈໃສ່ຕື່ມທາງດ້ານການເມືອງແນວຄິດ, ເອົາໃຈໃສ່ປະຕິບັດໜ້າທີ່ໃຫ້ຫຼ້ອນໜ້າທີ່ຕາມການມອບໝາຍຂອງຂັ້ນເທິງ ໃຫ້ປະສົບຜົນສຳເລັດຕາມລະດັບຄາດໝາຍ.

ຂ່າວ: ເມືອງສິງ