ເພື່ອຂໍ່ານັບຊົມເຊີຍ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ (22/3/1955-22/3/2025) ໃນວັນທີ16 ມີນາຜ່ານມາ ຢູ່ຕໍ່ໜ້າກອງບັນຊາການ ປ້ອງກັນຄວາມສະຫງົບ(ປກສ) ນະຄອນຫຼວງວຽງຈັນ.
ເປັນກຽດເຂົ້າຮ່ວມ ໂດຍ ທ່ານ ພອນສິງ ສາວະລີ ຮອງເລຂາພັກເມືອງປະທານກວດກາພັກປະທານກວດກາລັດ ທັງເປັນຫົວໜ້າຄະນະສະມາຊິກສະພາປະຊາຊົນນະຄອນຫຼວງວຽງຈັນ ປະຈໍາເມືອງສີສັດຕະນາກ, ມີບັນດາຄະນະປະຈໍາພັກເມືອງ, ກອງບັນຊາການ ປກສ ນະຄອນຫຼວງວຽງຈັນ, ກອງບັນຊາການ ປກສ ເມືອງສີສັດຕະນາກ, ໂຮງໝໍເສດຖາທິລາດ, ອົງການຈັດຕັ້ງຊາວໜຸ່ມ, ອົງການຈັດຕັ້ງກໍາມະບານເມືອງ, ສະຫະພັນນັກຮົບເກົ່າ, ໂຮງຮຽນ ມຕ ສີສັດຕະນາກ. ນອກນັ້ນ ຍັງມີອົງການປົກຄອງບ້ານໂພນປ່າເປົ້າ, ບ້ານດອຍກອຍ, ບ້ານດົງສະຫວາດ, ໂພນສີນວນ, ດົງປ່າລານທົ່ງ, ດົງປ່າລານທ່າ, ໜອງຈັນ, ໂພນສະຫວັນເໜືອ, ໂພນສະຫວັນໃຕ້ ຕະຫຼອດຮອດພໍ່ ແມ່ປະຊາຊົນພາຍໃນບ້ານເຂົ້າຮ່ວມຢ່າງເປັນຂະບວນຟົດຟື້ນ.
ທ່ານ ພອນສິງ ສາວະລີ ໄດ້ກ່າວເປີດພິທີ ວ່າ: ຂ້າພະເຈົ້າຕາງໜ້າຄະນະພັກ, ຄະນະນໍາເມືອງສີສັດຕະນາກ ໄດ້ນໍາພາເປີດຂະບວນການ ເຮັດກິດຈະກໍາອະນາໄມ ປະດັບປະດາຕົວເມືອງ ເພື່ອຂໍ່ານັບ ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ກໍຄື ວັນສໍາຄັນ ຂອງພັກ-ຂອງຊາດ ທັງ 3 ວັນ, ການອອກແຮງງານ ເລີ່ມແຕ່ ຕໍ່ໜ້າ ປກສ ນະຄອນຫຼວງວຽງຈັນ ຕາມສອງຟາກທາງ ຈົນໄປຮອດໄຟແດງທີ 2 ບ້ານໂພນປ່າເປົ້າ(ໃກ້ຫ້ອງການໜັງສືພິມປະຊາຊົນສຽງຂອງສູນກາງພັກ) ແລະ ເພື່ອຂໍ່ານັບຮັບຕ້ອນກອງປະຊຸມໃຫຍ່ ຂອງອົງຄະນະພັກເມືອງສີສັດຕະນາກ ທີ່ຈະຈັດຂຶ້ນ ໃນເດືອນເມສາ ທີ່ຈະມາເຖິງ. ຂະບວນການອອກແຮງງານດັ່ງກ່າວ ໃນທົ່ວເມືອງ ແມ່ນໄດ້ຈັດຂຶ້ນ 4 ຈຸດພ້ອມໆກັນ.
(ຂ່າວ: ແສງຈັນ)
ຄໍາເຫັນ