ຕາມການລາຍງານຂອງທ່ານ ສຸວັນ ໄຊຍະມັງດາລາ ຫົວໜ້າຫ້ອງການກະສິກໍາ-ປ່າໄມເມືອງໃຫ້ຮູ້ໃນຄັ້ງວັນທີ 22 ພະຈິກນີ້ວ່າ:ສໍາລັບການເກັບກ່ຽວເຂົ້ານາປີຂອງຊາວກະສິກອນທົ່ວເມືອງໄຊພູທອງ ແຂວງສະຫວັນນະເຂດ ສໍາເລັດເລ້ວ 95% ເທົ່າກັບ13.200,72 ເຮັກຕາແຜນປີ 13.895,5 ເຮັກຕາ,ດ້ວຍສະມັດຖະພາບ 4,43 ໂຕນ/ເຮັກຕາ.
ສ່ວນການປູກພືດລະດູຝົນໄດ້ແລ້ວ 842 ເຮັກຕາເທົ່າກັບ 53,37%ແຜນປີ 1.577,37 ເຮັກຕາ,ໃນອາທິດນີ້ເພິີ່ມ39 ເຮັກຕາ, ສາລີຫວານ 102 ເຮັກຕາ,ໝາກຖົ່ວດິນ 63 ເຮັກຕາ,ໝາກເຜັດ 52 ເຮັກຕາ,ໝາກເຂືອ 54 ເຮັກຕາ,ໝາກແຕງ 56 ເຮັກຕາ, ໝາກຖົ່ວຍາວ 56 ເຮັກຕາ,ໝາກໂມ 35 ເຮັກຕາ,ມັນດ້າງ 26 ເຮັກຕາ,ໝາກເລັ່ນ 0,4 ເຮັກຕາ,ກ້ວຍ 63 ເຮັກຕາ,ໝາກຮຸ່ງ 39 ເຮັກຕາ,ມັນຕົ້ນ 225 ເຮັກຕາ,ພືດຜັກ 68 ເຮັກຕາ,ຢາສູບ 0,1 ເຮັກຕາ,ອ້ອຍ 2,5 ເຮັກຕາ.
ສໍາລັບການຜະລິດລະດູແລ້ງປີນີ້,ຊາວກະສິກອນສ່ວນຫຼາຍກໍໄດ້ເລີ່ມລົງມືຕົກກ້າແລ້ວ ແລະ ປູກພືດ ຢ່າງເປັນຂະບວນການໃນຂອບເຂດທີ່ມີເງື່ອນໄຂໃນລະບົບຊົນລະປະທານ,ປະຊາຊົນສ່ວນຫຼາຍແມ່ນຫັນມາປູກພືດທີ່ກິນນໍ້າໜ້ອຍແຕ່ໃຫ້ຜົນຜະລິດສູງເປັນຕົ້ນແມ່ນ ປູກສາລີ,ຖົ່ວດິນ,ໝາກເຜັດ,ໝາກແຕງ,ໝາກຖົ່ວຜັກຍາວ ແລະ ພືດຜັກຊະນິດອື່ນໆ.
ຂ່າວ-ພາບ: ສະຫວັນນະເຂດ
ຄໍາເຫັນ