ສຳນັກຂ່າວສານຊິນຮວາລາຍງານ ໃນວັນທີ 20 ກໍລະກົດ ຜ່ານມາວ່າ: ອົງການອຸຕຸນິຍົມວິທະຍາຍີ່ປຸ່ນລາຍງານວ່າ, ນະຄອນຫຼວງໂຕກຽວໄດ້ປະສົບກັບ "ມື້ທີ່ຮ້ອນທີ່ສຸດ" ຄັ້ງທຳອິດຂອງປີ 2026 ໃນວັນທີ 20 ກໍລະກົດ ຜ່ານມາ, ໂດຍມີອຸນຫະພູມສູງກວ່າ 35 ອົງສາ ຊຶ່ງເປັນຈຸດສິ້ນສຸດຂອງລະດູຝົນໃນພາກພື້ນຄັນໂຕ-ໂຄຊິນ ຊຶ່ງລວມທັງໂຕກຽວ ແລະ ພາກພື້ນໂຕໄກໃນພາກກາງ ຂອງປະເທດຍີ່ປຸ່ນ.

ວິທະຍຸກະຈາຍສຽງຫວຽດນາມລາຍງານໃນວັນທີ 20 ກໍລະກົດ ຜ່ານມາວ່າ: ກອງ​ປະ​ຊຸມ​ຄັ້ງ​ທີ 48 ຂອງ​ຄະ​ນະ​ກຳ​ມະ​ການ​ມໍ​ລະ​ດົກ​ໂລກ ຂຶ້ນ​ກັບ ອົງການການສຶກສາ, ວິທະຍາສາດ ແລະ ວັດທະນະທຳແຫ່ງສະຫະປະຊາຊາດ (UNESCO) ​ໄດ້ເປີດ​ຂຶ້ນ​ໃນ​ວັນ​ທີ 19 ກໍ​ລະ​ກົດ ຜ່ານມາ ຢູ່​ນະ​ຄອນປູຊານ ສ ເກົາຫຼີ, ໂດຍ​ການ​ເຂົ້າ​ຮ່ວມ​ຂອງ​ຜູ້​ແທນ​ປະ​ມານ 3,000 ທ່ານ​ຈາກ​ບັນ​ດາ​ປະ​ເທດ​ສະ​ມາ​ຊິກ, ບັນ​ດາ​ອົງ​ການ​ສັງ​ເກດ​ການ, ອົງ​ການ​ຈັດ​ຕັ້ງ​ບໍ່​ຂຶ້ນ​ກັບ​ລັດ​ຖະ​ບານ ແລະ ວົງ​ການ​ນັກ​ຮຽນ​ຮູ້ ເພື່ອ​ແນ​ໃສ່​ປຶກ​ສາ​ຫາລື​ບັນ​ດາ​ບັນ​ຫາ​ກ່ຽວ​ກັບ​ການ​ອະ​ນຸ​ລັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ ແລະ ທຳ​ມະ​ຊາດ.

ສຳນັກຂ່າວສານຊິນຮວາລາຍງານໃນວັນທີ 20 ກໍລະກົດ ຜ່ານມາວ່າ: ຄະນະກຳມະການຄຸ້ມຄອງຂໍ້ມູນ ແລະ ອົງການພັດທະນາສື່ມວນຊົນ (IMDA) ຂອງສິງກະໂປ ໄດ້ອອກຄຳແນະນຳໃໝ່ ຮຽກຮ້ອງໃຫ້ອົງການຈັດຕັ້ງຕ່າງໆໃນສິງກະໂປ ຈະຕ້ອງຂໍຄວາມຍິນຍອມຈາກຜູ້ໃຊ້ກ່ອນທີ່ຈະນຳຂໍ້ມູນທີ່ເກັບກຳມາເພື່ອຈຸດປະສົງອື່ນນອກເໜືອຈາກການພັດທະນາປັນຍາປະດິດທີ່ສ້າງສັນ (GenAI) ໄປໃຊ້ໃນການພັດ ທະນາຮູບແບບ GenAI.

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ທ່ານ ວິດີຢານຕີ ປຸຕຣີ ວາທານາລັດຖະມົນຕີກະຊວງການທ່ອງທ່ຽວອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍກຳລັງສຸມໃສ່ການພັດທະນາການທ່ອງທ່ຽວເພື່ອສຸຂະພາບ (wellness tourism) ທີ່ມີຄວາມສາມາດໃນການແຂ່ງຂັນລະດັບໂລກ ຊຶ່ງເປັນສ່ວນໜຶ່ງຂອງຍຸດທະສາດເພື່ອສົ່ງເສີມການທ່ອງທ່ຽວທີ່ມີຄຸນນະພາບ. ໂດຍກະຊວງດັ່ງກ່າວຈະສືບຕໍ່ສະໜັບສະໜູນກິດຈະກຳຕ່າງໆທີ່ປະສົມປະສານກິລາ, ການທ່ອງທ່ຽວ ແລະ ວິຖີຊີວິດທີ່ມີສຸຂະພາບດີ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 20 ກໍ​ລະ​ກົດຜ່ານມາ, ກະ​ຊວງ​ອຸດ​ສາ​ຫະ​ກຳ ແລະ ເຕັກ​ໂນ​ໂລ​ຊີ​ຂໍ້​ມູນ​ຂ່າວ​ສານ​ຈີນ ​ໄດ້​ເຜີຍ​ແຜ່​ຂໍ້​ມູນ​ໃຫ້​ຮູ້​ວ່າ, ໃນ 6 ເດືອນ​ຕົ້ນ​ປີ​ນີ້, ມີ​ຫຼາຍ​ອຸດ​ສາ​ຫະ​ກຳ​ທີ່​ມີ​ຄວາມ​ໄດ້​ປຽບ​ທາງ​ດ້ານ​ການ​ແຂ່ງ​ຂັນ​ກັບ​ສາ​ກົນ​, ໄດ້​ເລັ່ງ​ລັດ​ພັດ​ທະ​ນາ​ເຕີບ​ໃຫຍ່​ຂະ​ຫຍາຍ​ຕົວ.

ວິທະຍຸກະຈາຍສຽງຫວຽດນາມລາຍງານໃນວັນທີ 20 ກໍລະກົດ ຜ່ານມາວ່າ: ໜຶ່ງ​ໃນ​ບັນ​ດາ​ໜ້າ​ທີ່​ທີ່​ທ່ານ ໂຕ​ເລິມ ​ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງາ​ນ​ສູນ​ກາງ​ພັກ​ກອມ​ມູ​ນິດ ຫວຽດ​ນາມ ປະ​ທານ​ປະ​ເທດ ຫວຽດ​ນາມ ໄດ້ກ່າວ​​ໃນ​ບົດ​ຄຳ​ເຫັນ​ເປີດ​ກອງ​ປະ​ຊຸມ​ຄັ້ງ​ທີ 3 ຄະ​ນະ​ບໍ​ລິ​ຫານ​ງານ​ສູນ​ກາງພັກກອມ​ມູ​ນິດ ຫວຽດ​ນາມ ຊຸດ​ທີ XIV ທີ່ຈັດ​ຂຶ້ນ​ໃນວັນ​ທີ 20 ກໍ​ລະ​ກົດ ຜ່ານມາ ຢູ່ນະຄອນຫຼວງ​ຮ່າ​ໂນ້ຍ, ແມ່ນ​ກຳ​ນົດ​ຮູບ​ແບບ​ການ​ເຕີບ​ໂຕ​ອີງ​ຕາມ​ສະ​ມັດ​ຖະ​ພາບ, ພູມ​ປັນ​ຍາ, ເຕັກ​ໂນ​ໂລ​ຊີ ແລະ ມະ​ນຸດ. ການ​ຍູ້​ແຮງ​ການ​ຫັນ​ເປັນ​ອຸດ​ສາ​ຫະ​ກຳ, ທັນ​ສະ​ໄໝ, ໃນ​ນັ້ນ​ຖື​ວິ​ທະ​ຍາ​ສາດ, ເຕັກ​ໂນ​ໂລ​ຊີ, ນະ​ວັດ​ຕະ​ກຳ ແລະ ການ​ຫັນ​ເປັນ​ດີ​ຈີ​ຕອນ​ແມ່ນ​ກຳ​ລັງ​ໜູນຫຼັກ​ຕິດ​ພັນ​ກັບ​ການ​ຮັບ​ປະ​ກັນ​ເສດ​ຖະ​ກິດ​ມະ​ຫາ​ພາກ​ເປັນ​ປົກ​ກະ​ຕິ, ຍົກ​ສູງ​ສະ​ມັດ​ຖະ​ພາບ, ຄຸນ​ນະ​ພາບ, ປະ​ສິດ​ທິ​ຜົນ, ມູນ​ຄ່າ​ເພີ່ມ ແລະ ກຳ​ລັງ​ແກ້ງ​ແຍ້ງ​ຂອງ​ພື້ນ​ຖານ​ເສດ​ຖະ​ກິດ, ຖື​ນີ້​ແມ່ນເຂັມ​ຊີ້​ທິດ​ເພື່ອ​ຫັນ​ເປົ້າ​ໝາຍ​ການ​ເຕີບ​ໂຕ GDP ບັນ​ລຸ​ລະ​ດັບ 2 ໂຕ​ເລກ​ໃນ​ໄລ​ຍະ 2026 – 2030.

ສຳນັກຂ່າວສານຊິນຮວາລາຍງານໃນວັນທີ 18 ກໍລະກົດ ຜ່ານມາວ່າ: ສຳນັກງານສະຖິຕິຟີລິບປິນລາຍງານວ່າ, ຈຳນວນແຮງງານເດັກອາຍຸ 5-17 ປີ ມີທັງໝົດ 868,540 ຄົນ ໃນປີ 2025 ຊຶ່ງເພີ່ມຂຶ້ນ 0.8% ຈາກ 861,450 ຄົນໃນປີ 2024.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 18 ກໍ​ລະ​ກົດ ຜ່ານມາ, ສະ​ຫະ​ພັນ​ວິ​ສາ​ຫະ​ກິດ​ດ້ານ​ການ​ຄ້າ, ການ​ທ່ອງ​ທ່ຽວ ແລະ ​ກາ​ນ​ບໍ​ລິ​ການ​ອີ​ຕາ​ລີ​ໄດ້​ເປີດ​ເຜີຍ​ບົດ​ລາຍ​ງານ​ສະ​ບັບ​ໜຶ່ງວ່າ: ຄຽງຄູ່ກັບສະພາບອາກາດທີ່ຮຸນແຮງນັບມື້ນັບຫຼາຍຂຶ້ນ, ສະພາບອາກາດຮ້ອນຮຸນແຮງຢ່າງຕໍ່ເນື່ອງອາດຈະເຮັດໃຫ້ເສດຖະກິດອີຕາລີໄດ້ຮັບຜົນເສຍຫາຍໃນລະຫວ່າງ 6 ຕື້ ຫາ 12 ຕື້ເອີໂຣຕໍ່ປີ.

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ບັນ​ດາ​ນັກ​ຊ່ຽວ​ຊານ​ໄດ້​ກ່າ​ວ​ເຕືອນ​ສະ​ພາບ​ອາ​ກາດ​ຮ້ອນ​​ຮ້າຍ​ແຮງ​ພວມ​ນາບ​ຂູ່​ພາກ​ພື້ນເອີ​ຣົບໃຕ້, ດ້ວຍ​ລະ​ດັບ​ອຸນ​ຫະ​ພູມ​ທີ່​ໄດ້​ຮັບ​ການ​ພະ​ຍາ​ກອນ​ອາດ​ຈະ​ບັນ​ລຸ​ລະ​ດັບ​ປະ​ຫວັດ​ສາດ 50 ອົງ​ສາ. ໃນໄລຍະບໍ່ເທົ່າໃດ​ວັນຜ່ານມາ​ນີ້, ຫຼາຍ​ເຂດ​ຢູ່​ແອັດ​ສະ​ປາຍ ຖືກ​ຜົນ​ກະ​ທົບ​ດ້ວຍ​ລະ​ດັບ​ອຸນ​ຫະ​ພູມສູງ​ຂຶ້ນ​ເຖິງ 44 ອົງ​ສາ. ອາ​ກາດ​ແຫ້ງ​ບວກ​ກັບ​ແດດ​ກ້າ​ແມ່ນ​ສາ​ເຫດ​ທີ່​ພາ​ໃຫ້​ເກີດ​ໄຟ​ໄໝ້​ປ່າ​ຢ່າງ​ຮ້າຍ​ແຮງ​ໃນ​ທົ່ວ​ປະ​ເທດແອັດ​ສະ​ປາຍ​ ແລະ ຝ​ຣັ່ງ, ເຮັດ​ໃຫ້​ນັບ​ພັນ​ຄົນ​ຕ້ອງດຳ​ເນີນ​ການ​ຍົກ​ຍ້າຍ​ໂດຍ​ດ່ວນ. ​ຕາມ​ຂໍ້​ສັງ​ເກດ​ຂອງ​ນັກ​ຊ່ຽວ​ຊານຫຼາຍ​ທ່ານ​ແລ້ວ, ອຸນ​ຫະ​ພູມ​ໃນ​ພາກ​ພື້ນ​ນີ້ ອາດ​ຈະ​ກາຍ​ລະ​ດັບ 50 ອົງ​ສາໃນທ້າຍ​ລະ​ດູ​ຮ້ອນ​ນີ້ ຫຼື ປີ​ໜ້າ, ເມື່ອ​ຖືກ​ຜົນ​ກະ​ທົບ​​ຈາກປະ​ກົດ​ການແອວນີໂຢບັນ​ລຸ​ລະ​ດັບ​ຄວາມ​ຮ້ອນ​ສູງ​ສຸດ.

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ບັນ​ດາ​ນັກ​ຊ່ຽວ​ຊານ​ໄດ້​ກ່າ​ວ​ເຕືອນ​ສະ​ພາບ​ອາ​ກາດ​ຮ້ອນ​​ຮ້າຍ​ແຮງ​ພວມ​ນາບ​ຂູ່​ພາກ​ພື້ນເອີ​ຣົບໃຕ້, ດ້ວຍ​ລະ​ດັບ​ອຸນ​ຫະ​ພູມ​ທີ່​ໄດ້​ຮັບ​ການ​ພະ​ຍາ​ກອນ​ອາດ​ຈະ​ບັນ​ລຸ​ລະ​ດັບ​ປະ​ຫວັດ​ສາດ 50 ອົງ​ສາ. ໃນໄລຍະບໍ່ເທົ່າໃດ​ວັນຜ່ານມາ​ນີ້, ຫຼາຍ​ເຂດ​ຢູ່​ແອັດ​ສະ​ປາຍ ຖືກ​ຜົນ​ກະ​ທົບ​ດ້ວຍ​ລະ​ດັບ​ອຸນ​ຫະ​ພູມສູງ​ຂຶ້ນ​ເຖິງ 44 ອົງ​ສາ. ອາ​ກາດ​ແຫ້ງ​ບວກ​ກັບ​ແດດ​ກ້າ​ແມ່ນ​ສາ​ເຫດ​ທີ່​ພາ​ໃຫ້​ເກີດ​ໄຟ​ໄໝ້​ປ່າ​ຢ່າງ​ຮ້າຍ​ແຮງ​ໃນ​ທົ່ວ​ປະ​ເທດແອັດ​ສະ​ປາຍ​ ແລະ ຝ​ຣັ່ງ, ເຮັດ​ໃຫ້​ນັບ​ພັນ​ຄົນ​ຕ້ອງດຳ​ເນີນ​ການ​ຍົກ​ຍ້າຍ​ໂດຍ​ດ່ວນ. ​ຕາມ​ຂໍ້​ສັງ​ເກດ​ຂອງ​ນັກ​ຊ່ຽວ​ຊານຫຼາຍ​ທ່ານ​ແລ້ວ, ອຸນ​ຫະ​ພູມ​ໃນ​ພາກ​ພື້ນ​ນີ້ ອາດ​ຈະ​ກາຍ​ລະ​ດັບ 50 ອົງ​ສາໃນທ້າຍ​ລະ​ດູ​ຮ້ອນ​ນີ້ ຫຼື ປີ​ໜ້າ, ເມື່ອ​ຖືກ​ຜົນ​ກະ​ທົບ​​ຈາກປະ​ກົດ​ການແອວນີໂຢບັນ​ລຸ​ລະ​ດັບ​ຄວາມ​ຮ້ອນ​ສູງ​ສຸດ.