 |
ໂດຍມີທ່ານເພັດມະນີພອນຫົວໜ້າຄະນະໂຄສະນາອົບຮົມແຂວງຫົວພັນຫົວໜ້າຄະນະນັກຂ່າວ-ສື່ມວນຊົນຊາວໜຸ່ມລາວພ້ອມຄະນະຮັບຜິດຊອບຊຸດອົບຮົມມີພະນັກງານວິຊາການທີ່ກ່ຽວຂ້ອງແລະນັກຂ່າວສື່ມວນຊົນຊາວໜຸ່ມລາວເຂົ້າຮ່ວມ.
ໃຫ້ກຽດຕ້ອນຮັບໂດຍທ່ານອີ້ເວີນຮອງຜູ້ອໍານວຍການສູນສື່ສານອາຊີ -ປາຊີຟິກພ້ອມດ້ວຍການນໍາແລະພະນັກງານວິຊາການທີ່ກ່ຽວຂ້ອງຂອງສູນເຂົ້າຮ່ວມ.
 |
ໂອກາດນີ້,ທ່ານອີ້ເວີນໄດ້ຍົກໃຫ້ເຫັນປະຫວັດຄວາມເປັນມາ, ສະພາບຈຸດພິເສດ, ທີ່ຕັ້ງ, ສະພາບແວດລ້ອມ, ພາລະບົດບາດ, ຜົນງານການເຄື່ອນໄຫວຂອງສູນດັ່ງກ່າວໂດຍຫຍໍ້. ຈາກນັ້ນ, ທ່ານເພັດມະນີພອນຫົວໜ້າຄະນະນັກຂ່າວ-ສື່ມວນຊົນຊາວໜຸ່ມລາວກໍໄດ້ມີຄໍາເຫັນພ້ອມທັງລາຍງານສະພາບການຮ່ວມມືດ້ານຂ່າວສານລະຫວ່າງສື່ມວນຊົນລາວ -ຈີນໂດຍສັງເຂບພ້ອມທັງມີການສົນທະນາແລກປ່ຽນບົດຮຽນໃນການເຄື່ອນໄຫວດ້ານຂ່າວສານ -ສື່ມວນຊົນຈີນ -ລາວແລະການເຜີຍແຜ່ພາກປະຕິບັດວຽກງານຕົວຈິງ.
 |
ສູນສື່ສານອາຊີ -ປາຊີຟິກແມ່ນອົງການໜຶ່ງຂອງສໍານັກງານກຸ່ມພາສາຕ່າງປະເທດຈີນເປັນອົງການຂອງລັດທີ່ເນັ້ນວຽກງານການສື່ສານກັບຕ່າງປະເທດ, ສົ່ງເສີມການສື່ສານແລະການແລກປ່ຽນດ້ານວັດທະນະທໍາລະຫວ່າງຈີນກັບປະເທດໃນພູມມີພາກອາຊີ -ປາຊີຟິກຊ່ວຍສ້າງພາບພົດທີ່ດີຂອງຈີນຕໍ່ສາຍຕານານາຊາດ; ຜະລິດເນື້ອຫາຂ່າວແລະສື່ຫຼາຍພາສາຕົ້ນຕໍແມ່ນພາສາອັງກິດ, ຈີນ, ໄທແລະພາສາລາວ. ກິດຈະກໍາສໍາຄັນແມ່ນຈັດງານສົນທະນາ, ສຳມະນາແລະການປະຊຸມນານາຊາດຮ່ວມມືກັບສື່ມວນຊົນແລະອົງການໃນປະເທດຕ່າງໆ; ຈັດຫຼັກສູດຝຶກອົບຮົມສໍາລັບນັກຂ່າວແລະຜູ້ດໍາເນີນງານສື່ຜະລິດວີດີໂອ, ສາລະຄະດີ, ບົດຄວາມແລະສື່ອອນລາຍ. ຂອບເຂດດໍາເນີນງານເນັ້ນໃສ່ພູມມີພາກອາຊຽນ, ອາຊີໃຕ້, ອາຊີຕາເວັນອອກແລະປາຊີຟິກ. ສູນດັ່ງກ່າວໄດ້ເຊື້ອເຊີນນັກຂ່າວຈາກປະເທດອາຊີ -ປາຊີຟິກເຂົ້າຮ່ວມກິດຈະກໍາ, ສ້າງເຄືອຂ່າຍສື່ແລະແລກປ່ຽນປະສົບການວິຊາຊີບທັງເປັນກົນໄກສໍາຄັນທາງດ້ານ “ ການທູດດ້ານສື່ ” ຂອງຈີນ, ຊ່ວຍເພີ່ມຄວາມເຂົ້າໃຈກັນລະຫວ່າງປະເທດ, ມີບົດບາດໃນການສື່ສານນະໂຍບາຍແລະການພັດທະນາຂອງຈີນ.
ຂ່າວ: ພູວັນ; ພາບ: ທູນທອງໃຈ
ຄໍາເຫັນ