ນັກທຸລະກິດ ເຂົ້າຮ່ວມງານວາງສະແດງສິນຄ້າກວາງໂຈ່ວ ສ້າງສະຖິຕິໃໝ່ໃນປະຫວັດສາດ

ນັກທຸລະກິດ ເຂົ້າຮ່ວມງານວາງສະແດງສິນຄ້າກວາງໂຈ່ວ ສ້າງສະຖິຕິໃໝ່ໃນປະຫວັດສາດ

14:52 21/04/2026

ຂ່າວສານຊີອາໄອລາຍງານວ່າ: ງານວາງສະແດງສິນຄ້າກວາງໂຈ່ວຄັ້ງທີ 139 ໄລຍະທີ 1 ໄດ້ສິ້ນສຸດລົງໃນວັນທີ 19 ເມສາ ຜ່ານມາ, ໂດຍໄດ້ສະແດງໃຫ້ເຫັນຜົນງານດ້ານນະວັດຕະກຳຂອງລະບົບອຸດສາຫະກຳທີ່ກ້າວໜ້າຂອງຈີນຢ່າງຄົບຊຸດ.

ຕາມຂໍ້ມູນຈາກສູນການຄ້າຕ່າງປະເທດຈີນ, ນັບມາຮອດເວລາ 17:00 ໂມງ ຂອງວັນທີ 19 ເມສາ ຜ່ານມາ, ນັບລວມແລ້ວ ມີນັກທຸລະກິດ 167,000 ຄົນຈາກ 216 ປະເທດ ແລະ ເຂດແຄວ້ນ ໄດ້ເຂົ້າຮ່ວມງານວາງສະແດງຄັ້ງນີ້, ເພີ່ມຂຶ້ນ 5.9% ເມື່ອທຽບໃສ່ໄລຍະດຽວກັນຂອງຄັ້ງທີ່ຜ່ານມາ ແລະ ຈຳນວນຜູ້ເຂົ້າຮ່ວມສູງກວ່າທຸກຄັ້ງທີ່ຜ່ານມາ ຊຶ່ງ ສະແດງໃຫ້ເຫັນເຖິງຄວາມໝັ້ນໜຽວ ແລະ ຄວາມມີຊີວິດຊີວາຂອງການຄ້າຕ່າງປະເທດຂອງຈີນຢ່າງເຕັມທີ່.

ສ່ວນໄລຍະທີ 2 ຂອງງານວາງສະແດງສິນຄ້າກວາງໂຈ່ວ ພາຍໃຕ້ຫົວຂໍ້ “ເຄື່ອງໃຊ້ໃນເຮືອນຄຸນນະພາບດີ” ຈະຈັດຂຶ້ນລະຫວ່າງວັນທີ 23-27 ເມສານີ້, ໃນໄລຍະເວລາ 5 ວັນ ຈະວາງສະແດງສິນຄ້າ 3 ປະເພດໃຫຍ່ ຄື: ວັດສະດຸກໍ່ສ້າງ ແລະ ເຟີນີເຈີ, ເຄື່ອງໃຊ້ປະຈຳວັນໃນຄົວເຮືອນ, ເຄື່ອງຂອງຂວັນ ແລະ ເຄື່ອງຕົກແຕ່ງ.

ຄໍາເຫັນ

ຂ່າວຕ່າງປະເທດ

“ກະແສນິຍົມດ້ານການຕ່າງປະເທດ” ສ່ອງແສງເຖິງຄວາມໃຈກວ້າງ ແລະ ຄວາມຮັບຜິດຊອບຂອງປະເທດໃຫຍ່

21/04/2026 15:32

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ທ່ານ ສີຈິ້ນຜິງ ປະທານປະເທດຈີນ ໄດ້ພົບປະກັບມຸງກຸດຣາຊະກຸມານແຫ່ງອາບູດາບີ ສະຫະລັດ ອາຣັບ ເອມີເຣດ, ທ່ານ ເປໂດຣ ຊານເຊັສ ນາຍົກລັດຖະມົນຕີແອັດສະປາຍ, ທ່ານ ເຊີເກລັຟລົຟ ລັດຖະມົນຕີກະຊວງການຕ່າງປະເທດຣັດເຊຍ ແລະ ທ່ານ ໂຕເລີມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ປະທານປະເທດຫວຽດນາມ ຢູ່ນະຄອນຫຼວງປັກກິ່ງ ຕາມລຳດັບ.

ບໍລິສັດການບິນຫຼາຍແຫ່ງໃນໂລກເຂົ້າສູ່ໄລຍະປ້ອງກັນຕົນເອງເພື່ອໃຫ້ຢູ່ລອດ

21/04/2026 15:02

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ຜູ້ຊ່ຽວຊາຍດ້ານອຸດສາຫະກຳການບິນກ່າວວ່າ, ໃນຫຼາຍເດືອນຂ້າງໜ້າ, ນັກທ່ອງທ່ຽວທົ່ວໂລກຕ້ອງທຳໃຈກຽມພ້ອມຮັບມືກັບຖ້ຽວບິນຖືກຍົກເລີກ, ເສັ້ນທາງການບິນຫຼຸດໜ້ອຍລົງ ແລະ ລາຄາປີ້ເຮືອບິນເພີ່ມຂຶ້ນ, ເພາະວ່າບໍລິສັດການບິນຫຼາຍແຫ່ງພວມເຂົ້າສູ່ໄລຍະປ້ອງກັນຕົນເອງເພື່ອໃຫ້ຢູ່ລອດ ໂດຍຜ່ານການຫຼຸດຖ້ຽວບິນໃຫ້ໜ້ອຍລົງ ແລະ ເພີ່ມລາຄາປີ້ເຮືອບິນ ເພື່ອຮັບມືກັບສະພາບການບໍ່ເອື້ອອຳນວຍຕ່າງໆ ຄື: ນ້ຳມັນເຊື້ອໄຟການບິນມີການຕອບສະໜອງບໍ່ພຽງພໍ ແລະ ມີລາຄາເພີ່ມຂຶ້ນຢ່າງຫຼວງຫຼາຍເປັນຕົ້ນ.

IEA ເປີດເຜີຍວ່າ ການໃຊ້ໄຟຟ້າທົ່ວໂລກ ເພີ່ມຂຶ້ນ 3% ໃນປີ 2025

21/04/2026 14:45

ຂ່າວຕ່າງປະເທດລາຍງານວ່າ: ອົງການພະລັງງານສາກົນ (IEA) ໄດ້ອອກບົດລາຍງານການທົບທວນພະລັງງານໂລກໃນວັນທີ 20 ເມສາ ຜ່ານມາ ໂດຍລະບຸວ່າ, ປະລິມານການໃຊ້ໄຟຟ້າທົ່ວໂລກ ໃນປີ 2025 ເພີ່ມຂຶ້ນ 3%, ໂດຍສ່ວນໜຶ່ງແມ່ນຍ້ອນຄວາມຕ້ອງການລົດໄຟຟ້າ (EV) ແລະ ສູນຂໍ້ມູນ (Data Center) ທີ່ເພີ່ມຂຶ້ນຢ່າງໄວວາ. ເຖິງຢ່າງໃດກໍຕາມ, ຕົວຂັບເຄື່ອນຫຼັກຍັງຄົງເປັນຂະແໜງອຸດສາຫະກຳ, ເຄື່ອງໃຊ້ໄຟຟ້າໃນຄົວເຮືອນ ແລະ ອາຄານການຄ້າ.

ຍີ່ປຸ່ນ ກວດພົບຄື້ນສຶນາມິ ຫຼັງແຜ່ນດິນໄຫວຂະໜາດ 7.5 ຣິກເຕີ

21/04/2026 14:40

ຂ່າວຕ່າງປະເທດລາຍງານວ່າ: ໃນຕອນບ່າຍຂອງວັນທີ 20 ເມສາ ຜ່ານມາ, ຍີ່ປຸ່ນໄດ້ລາຍງານພົບຄື້ນສຶນາມິຢູ່ບໍລິເວນນອກຊາຍຝັ່ງຂອງແຂວງອິວາເຕະ ແລະ ແຂວງອາໂອໂມຣິ ໃນມະຫາສະໝຸດປາຊີຟິກ ຫຼັງຈາກເກີດແຜ່ນດິນໄຫວຂະໜາດ 7.5 ຣິກເຕີ ຢູ່ນອກຊາຍຝັ່ງຂອງຊັນຣິກຸ ທາງພາກຕາເວັນອອກສ່ຽງເໜືອຂອງຍີ່ປຸ່ນ. ໂດຍທີ່ທ່າເຮືອຄູຈິ ໃນແຂວງອິວາເຕະ ວັດແທກຄື້ນໄດ້ສູງເຖິງ 80 ຊັງຕີແມັດ.

ຫວຽດນາມ ຢຶດໝັ້ນຕໍ່ຄາດໝາຍການເຕີບໂຕບັນລຸລະດັບສອງໂຕເລກ

21/04/2026 14:38

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ເມສາ ຜ່ານມາ ຢູ່ນະຄອນຫຼວງຮ່າໂນ້ຍ, ໂດຍສືບຕໍ່ວາລະດຳເນີນກອງປະຊຸມຄັ້ງປະຖົມມະລືກ ສະພາແຫ່ງຊາດຊຸດທີ XVI, ພາຍໃຕ້ການເປັນປະທານຂອງທ່ານ ເຈິ່ນແທັງເໝີ້ນ ປະທານສະພາແຫ່ງຊາດ ຫວຽດນາມ ແລະ ການບໍລິຫານຂອງທ່ານນາງ ຫງວຽນທິຮົ່ງ ຮອງປະທານສະພາແຫ່ງຊາດ, ສະພາແຫ່ງຊາດໄດ້ສຸມໃສ່ປຶກສາຫາລືກ່ຽວກັບການພັດທະນາເສດຖະກິດ-ສັງຄົມ, ໃນນັ້ນ, ມີຫຼາຍຄຳເຫັນຂອງສະມາຊິກສະພາແຫ່ງຊາດໄດ້ປຶກສາຫາລືກ່ຽວກັບແຜນການພັດທະນາເສດຖະກິດ-ສັງຄົມ ໄລຍະ 5 ປີ 2026 – 2030 ດ້ວຍຫຼາຍມາດຕະການລະອຽດ.

ສີລັງກາ ປັບໃໝລົດໂດຍສານ 80 ຄັນ ຍ້ອນເກັບຄ່າໂດຍສານເກີນກຳນົດ

20/04/2026 11:51

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ໂຣຮານາ ວັດເທດ ຫົວໜ້າໜ່ວຍກວດກາລົດໂດຍສານເຄື່ອນທີ່ຂອງຄະນະກຳມະການຂົນສົ່ງແຫ່ງຊາດສີລັງກາ ໄດ້ເປີດເຜີຍວ່າ, ຈາກການກວດກາລົດໂດຍສານ ຈຳນວນ 680 ຄັນ ລະຫວ່າງວັນທີ 8-18 ເມສາ ຜ່ານມາ ພົບວ່າມີລົດໂດຍສານ ຈຳນວນ 80 ຄັນ ຄິດຄ່າໂດຍສານເກີນກຳນົດທີ່ອະນຸຍາດໃນລະຫວ່າງງານບຸນປີໃໝ່ຂອງຊາວສິງຫົນ ແລະ ທະມິນ ຊຶ່ງເປັນວັນພັກທີ່ສຳຄັນທີ່ສຸດຂອງສີລັງກາ ຈຶ່ງໄດ້ມີການປັບໃໝລົດໂດຍສານເຫຼົ່ານີ້.

ມາເລເຊຍ ເຈລະຈາກັບຣັດເຊຍກ່ຽວກັບການສະໜອງນ້ຳມັນເຊື້ອໄຟ

20/04/2026 11:50

ຂ່າວສານຊີອາໄອລາຍງານວ່າ: ວັນທີ 18 ເມສາ ຜ່ານມາ, ທ່ານ ອັນວາ ອິບຣາຮິມ ນາຍົກລັດຖະມົນຕີມາເລເຊຍກ່າວວ່າ: ບໍລິສັດນໍ້າມັນເຊື້ອໄຟແຫ່ງຊາດມາເລເຊຍສາມາດເຈລະຈາກັບຣັດເຊຍກ່ຽວກັບການສະໜອງນໍ້າມັນເຊື້ອໄຟ ເພື່ອຮັບປະກັນຄັງສຳຮອງພະລັງງານຂອງມາເລເຊຍພຽງພໍກັບຄວາມຕ້ອງການຂອງປະເທດຕົນ.

ມູນຄ່າການນຳເຂົ້າ - ສົ່ງອອກ ຜ່ານດ່ານທາງຫຼວງຈູ່ໄຫ ຂອງຂົວໃຫຍ່ ຮົງກົງ-ຈູ່ໄຫ-ມາກາວ ບັນລຸ 96 ຕື້ 170 ລ້ານຢວນ

20/04/2026 11:37

ຂ່າວສານຊີອາໄອລາຍງານ ໃນວັນທີ 19 ເມສາ ຜ່ານມາວ່າ: ອີງຕາມສະຖິຕິຂອງອົງການພາສີກົງເປີຍຈີນ, ໃນໄຕມາດທີໜຶ່ງປີນີ້, ຍອດມູນຄ່າການນຳເຂົ້າ-ສົ່ງອອກຜ່ານດ່ານທາງຫຼວງຈູ່ໄຫຂອງຂົວໃຫຍ່ຮົງກົງ-ຈູ່ໄຫ-ມາກາວ ບັນລຸເຖິງ 96 ຕື້ 170 ລ້ານຢວນ, ທຽບໃສ່ໄລຍະດຽວກັນຂອງປີກາຍນີ້ ເພີ່ມຂຶ້ນ 55,4%, ຖານະບົດບາດຂອງດ່ານຂົວໃຫຍ່ດັ່ງກ່າວທີ່ເປັນຊ່ອງທາງສຳຄັນຕົ້ນຕໍດ້ານການຄ້າຕໍ່ຕ່າງປະເທດຂອງຝັ່ງຕາເວັນຕົກແມ່ນ້ຳຈູ່ຈ່ຽງນັບມື້ນັບພົ້ນເດັ່ນຂຶ້ນ.

ຜັກໝາກໄມ້ເກືອບ 100 ໂຕນ ຈາກຫວຽດນາມ ຖືກສົ່ງໄປຍັງຕະຫຼາດ UAE

20/04/2026 11:33

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ກຸ່ມບໍລິສັດ Lulu Group International ໄດ້ຈ້າງເຮືອບິນຂົນສົ່ງຜັກໝາກໄມ້ສົດເກືອບ 100 ໂຕນຈາກ ຫວຽດນາມ ໄປຍັງສະຫະລັດ ອາຣັບ ເອມມີເລດ (UAE).

ໃນ 4 ປີ ນາຍົກລັດຖະມົນຕີແອັດສະປາຍ ເດີນທາງມາຢ້ຽມຢາມຈີນເຖິງ 4 ຄັ້ງ

17/04/2026 13:09

ຂ່າວສານຊີອາໄອລາຍງານວ່າ: ລະຫວ່າງວັນທີ 11 ຫາ 15 ເມສາ ຜ່ານມານີ້, ທ່ານ ເປໂດຣ ຊານເຊັສ ນາຍົກລັດຖະມົນຕີແອັດສະປາຍ ໄດ້ເດີນທາງມາຢ້ຽມຢາມຈີນຢ່າງເປັນທາງການອີກຄັ້ງໜຶ່ງ. ນີ້ແມ່ນການເດີນທາງມາຢ້ຽມຢາມຈີນຄັ້ງທີ 4 ພາຍໃນເວລາ 4 ປີຂອງທ່ານ ເປໂດຣ ຊານເຊັສ. ທ່ານ ສີຈິ້ນຜິງ ປະທານປະເທດຈີນ ໄດ້ພົບປະກັບທ່ານທ່ານ ເປໂດຣ ຊານເຊັສ, ສອງຝ່າຍໄດ້ລົງນາມເອກະສານການຮ່ວມມືຫຼາຍສະບັບໃນຂົງເຂດເສດຖະກິດການຄ້າ, ການສຶກສາ, ວິທະຍາສາດເຕັກໂນໂລຊີ, ກະສິກຳ, ສະບຽງອາຫານ ແລະ ອື່ນໆ.

ເພີ່ມເຕີມ