ນັກທຸລະກິດແມ່ຍິງລາວ ມີຫຼາຍຜະລິດຕະພັນນໍາສະເໜີໃນງານເທດສະການອາຫານລາວ

ທ່ານ ນາງ ຈໍາປາທອງ ທະລົງແສງຈັນ ຍັງກ່າວຕື່ມວ່າ: ສ່ວນຕົວຂ້າພະເຈົ້າເອງ ກໍມີຜະລິດຕະພັນມາສະເໜີເຊັ່ນ: ຢາໝໍເທວະດາ ຊ່ວຍແກ້ປວດ, ດູດພິດ, ແກ້ປວດແອວ ທີ່ສະກັດຈາກຫວ້ານເອັນອ່ອນ, ຫວ້ານເອັນຢືດ ແລະ ຫວ້ານຫາງພະຍານາກ, ນ້ຳເຜິ້ງຍີ່ຫໍ້ K-MA: ເປັນນ້ຳເຜິ້ງເກຣດ A ຂອງລາວ ແຕ່ລາຄາສາມາດຈັບຕ້ອງໄດ້, ຢາສີຖູແຂ້ວເທບໄທ ແລະ ໂຟມລ້າງໜ້າ ທີ່ພວກເຮົານຳເຂົ້າ ແລະ ເປັນຕົວແທນຈຳໜ່າຍຜູ້ດຽວໃນລາວ, ຢາສະຜົມປົກປິດຜົມຂາວ OK Herbal ສະກັດຈາກດອກອັນຊັນ ບໍ່ມີສານເຄມີ, ຜູ້ມາທ່ຽວສາມາດຈັບຈ່າຍຊື້ ເພື່ອເປັນຂອງຝາກຂອງຕ້ອນໃຫ້ທຸກຄົນໄດ້. ປັດຈຸບັນສະມາຄົມນັກທຸລະກິດຍິງລາວ ມີສະມາຊິກ 854 ທ່ານ ຊຶ່ງແຕ່ລະທ່ານກໍມີຜະລິດຕະພັນທີ່ໂດດເດັ່ນເຊັ່ນ: ຊາໝາກແຄ້ງ, ຊາໝາກໄມ້ ແລະ ກາເຟລາວ, ຕອນນີ້ພວກເຮົາກຳລັງສົ່ງອອກໄປຕ່າງປະເທດ ແລະ ພວມເຈລະຈາກັບຄູ່ຄ້າຢູ່ຣັດເຊຍ. ຣັດເຊຍມີຄວາມຕ້ອງການກາເຟລາວຫຼາຍ ຍ້ອນມີມາດຕະຖານຄວາມເຂັ້ມຂຸ້ນທີ່ດີ ໂດຍສະເພາະກາເຟຈາກເຂດພູພຽງບໍລິເວນ (ປາກຊ່ອງ).

ເຖິງວ່າລາວຈະເປັນປະເທດທີ່ບໍ່ມີທາງອອກສູ່ທະເລ (Land-locked), ແຕ່ດຽວນີ້ພວກເຮົາກາຍເປັນ Land-linked ຍ້ອນມີລົດໄຟຄວາມໄວສູງ ລາວ-ຈີນ ເຊື່ອມຈອດກັບບັນດາປະເທດຕ່າງໆ ປັດຈຸບັນສິນຄ້າລາວສາມາດສົ່ງອອກຜ່ານເສັ້ນທາງສາຍໄໝ (Belt and Road Initiative) ຈາກລາວໄປຮອດຄຸນໝິງ ແລະ ຕໍ່ໄປເຖິງຣັດເຊຍໄດ້ຢ່າງສະດວກ ແລະ ວ່ອງໄວ ເປີດໂອກາດໃໝ່ໃຫ້ແກ່ນັກທຸລະກິດແມ່ຍິງລາວ ໃນການນຳເອົາຜະລິດຕະພັນຄຸນນະພາບສູ່ເວທີໂລກ.