 |
ທ່ານ ນາງ ດາລາວອນ ກິດຕິພັນ ກ່າວວ່າ: “ດ້ວຍການຮ່ວມມືຢ່າງໃກ້ຊິດລະຫວ່າງ ກະຊວງ ສສກ ແລະ ລັດຖະບານອົສຕຣາລີ ໄດ້ສ້າງແຜນໂຄສະນາສົ່ງເສີມການສຶກສານີ້ ເພື່ອແກ້ໄຂບັນຫາຮີບດ່ວນໃນຂະ ແໜງການສຶກສາ ລວມເຖິງການຫຼຸດລົງຂອງອັດຕາການເຂົ້າຮຽນຂອງນັກຮຽນ ແລະ ຄວາມຕ້ອງການທີ່ຈະສົ່ງເສີມ ແລະ ຮັກສາຄູທີ່ມີທັກສະ ແລະ ປະສົບການ ໃຫ້ສືບຕໍ່ອາຊີບຄູ. ເລື່ອງສັ້ນເຫຼົ່ານີ້, ສະແດງໃຫ້ເຫັນວ່າ: ການສຶກສາມີຄວາມສຳຄັນ ແລະ ຮັບຮູ້ເຖິງບົດບາດສຳຄັນຂອງຜູ້ເຮັດວຽກໃນຂະແໜງການສຶກສາ ກໍຄື: ຄູ ພ້ອມດ້ວຍສະມາຊິກຊຸມຊົນ, ຜູ້ປົກຄອງ ແລະ ນັກຮຽນ ໃນການສ້າງອະນາຄົດຂອງປະເທດຊາດ. ຫົວໃຈສຳຄັນຂອງແຜນໂຄສະນາ ແມ່ນຂໍ້ຄວາມສຳຄັນໜຶ່ງ ທີ່ພວກເຮົາຕ້ອງການໃຫ້ຜູ້ຊົມຈົດຈຳວ່າ: ການສຶກສາ ບໍ່ແມ່ນພຽງແຕ່ ການໄດ້ວຽກເຮັດງານທຳເທົ່ານັ້ນ, ແຕ່ການສຶກສາຍັງຊ່ວຍໃຫ້ໄດ້ຮັບທັກສະ, ຮູ້ຈັກຄົ້ນຄິດແບບວິເຄາະ ແລະ ການມີອິດສະຫຼະພາບໃນການສ້າງອະນາຄົດຂອງຕົນເອງ”.
 |
ທ່ານ ນາງ ເບັນນິຕາ ຊຳເມີວິວ ໄດ້ກ່າວວ່າ: “ລັດຖະບານອົສຕຣາລີ ມີຄວາມພູມໃຈທີ່ໄດ້ສະໜັບສະໜູນກະຊວງ ສສກ ໃນການພັດທະນາບຸລິມະສິດຂອງຕົນ, ນັບແຕ່ການພັດທະນາຫຼັກສູດ ແລະ ການພັດທະນາວິຊາຊີບຄູໄປຈົນເຖິງ ການປ່ຽນແປງທັດສະນະຄະຕິຂອງປະຊາຊົນກ່ຽວກັບການຮຽນ. ແຜນໂຄ ສະນາຄັ້ງນີ້, ຖືກອອກແບບມາເພື່ອກະຕຸ້ນການປ່ຽນແປງຜ່ານເລື່ອງສັ້ນທີ່ມີແຮງບັນດານໃຈ ເຂົ້າເຖິງຄວາມຮູ້ສຶກ ແລະ ຈິດໃຈຂອງຫຼາຍຄົນຢ່າງກວ້າງຂວາງ. ເປົ້າໝາຍຂອງພວກເຮົາ ແມ່ນເພື່ອປ່ຽນແປງວິທີຄິດຕໍ່ ການສຶກສາ: ເພື່ອສະແດງໃຫ້ນັກຮຽນ ແລະ ພໍ່ແມ່ເຫັນວ່າ ການສຶກສາເພີ່ມໂອກາດ, ສ້າງທັກສະທີ່ສຳຄັນ ແລະ ຊ່ວຍໃຫ້ຄົນຜູ້ໜຶ່ງສ້າງອະນາຄົດຂອງຕົນເອງ.”
 |
ຂ່າວ: ສສກ
ຄໍາເຫັນ