ໜັງສືພິມChina Timesມີສໍານັກງານໃຫຍ່ຕັ້ງຢູ່ຮົງກົງ ປະເທດຈີນ ເປັນສື່ຂອງຈີນທີ່ມີສາຂາໃນທົ່ວໂລກ ຊຶ່ງປະກອບມີຫຼາຍຜະລິດຕະພັນເຊັ່ນ: ຂ່າວສານ,ການຄ້າ,ອິນເຕີເນັດ,ໂທລະພາບ,ການເງິນດີຈີຕອນ ແລະ ອຸດສາຫະກໍາວັດທະນະທໍາ.ໃນໂອກາດດັ່ງກ່າວ, ທ່ານ ລີ ລິງໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ພ້ອມທັງແຈ້ງໃຫ້ຊາບວ່າທາງສໍານັກງານໜັງສືພິມ China Timesໄດ້ຮັບອະນຸຍາດໃຫ້ຕັ້ງສາຂາຢູ່ບ້ານສີວິໄລ ເມືອງໄຊທານີ ນະຄອນຫຼວງວຽງຈັນ. ຈຸດປະສົງເພື່ອຊຸກຍູ້ສາຍພົວພັນມິດຕະພາບລາວ-ຈີນ, ຈີນ-ລາວໃຫ້ກ້າວໜ້າຍິ່ງໆຂຶ້ນແລະ ອວຍພອນໄຊອັນປະເສີດແດ່ທ່ານ ວັນໄຊ ຕະວິນຍານ ພ້ອມດ້ວຍພະນັກງານພາຍໃນໜັງສືພິມປະຊາຊົນຈົ່ງມີສຸຂະພາບແຂງແຮງ ແລະ ອວຍພອນໃຫ້ໜັງສືພິມປະຊາຊົນຈົ່ງເຕີບໃຫຍ່ເຂັ້ມແຂງຂຶ້ນໄປເລື້ອຍໆ.
ໂອກາດດັ່ງກ່າວ, ທ່ານ ວັນໄຊ ຕະວິນຍານ ກໍໄດ້ອວຍພອນໃຫ້ທ່ານ ລີ ລິງ ພ້ອມຄະນະ ແລະພະນັກງານໃນໜັງສືພິມ China Timesຈົ່ງມີສຸຂະພາບແຂງແຮງ ປະສົບຜົນສໍາເລັດໃນໜ້າທີ່ວຽກງານທຸກປະການ.
ຂ່າວ-ພາບ:ຍຸພິນທອງ
ຄໍາເຫັນ