ແລະໃຫ້ກຽດປາຖະກະຖາຂອງສະຫາຍວັນໄຊຕະວິນຍານກຳມະການຄະນະພັກ ຮອງຫົວໜ້າຄອສພຫົວໜ້າບັນນາທິການໃຫຍ່ໜັງສືພິມປະຊາຊົນ, ມີຮອງຫົວໜ້າບັນນາທິການ, ຫົວໜ້າພະແນກ-ຮອງພະແນກພ້ອມດ້ວຍພະນັກງານວິຊາການເຂົ້າຮ່ວມຮັບຟັງ.
ໂອກາດນີ້, ທ່ານວັນໄຊຕະວິນຍານໄດ້ຍົກໃຫ້ເຫັນປະຫວັດຄວາມເປັນມາຂອງວັນສື່ມວນຊົນ, ການເຕີບໃຫຍ່ຂະຫຍາຍຕົວພ້ອມສະແດງຄວາມຮູ້ບຸນຄຸນຕໍ່ມູນເຊື້ອອັນດີງາມຂອງພັກ-ລັດທີ່ເຫັນໄດ້ຄວາມສຳຄັນຂອງວຽກງານສື່ມວນຊົນນັບແຕ່ມື້ສ້າງຕັ້ງຈົນມາເຖິງປັດຈຸບັນຊຶ່ງເຮັດໃຫ້ວຽກງານສື່ມວນຊົນໄດ້ເຄື່ອນໄຫວຕາມພາລະບົດບາດ,ສິດແລະໜ້າທີ່ຂອງຕົນຢ່າງສົມກຽດເພາະວ່າສື່ມວນຊົນມີບົດບາດໜ້າທີ່ເປັນກະບອກສຽງອັນແຫຼມຄົມຂອງພັກ-ລັດ, ເຜີຍແຜ່ແລະປົກປ້ອງແນວທາງນະໂຍບາຍຂອງພັກ, ກົດໝາຍ, ລະບຽບຂອງລັດ;ການນຳສະເໜີຂ່າວແມ່ນຖືກຕ້ອງຕາມຄວາມເປັນຈິງກ່ຽວກັບສະພາບການທີ່ເກີດຂຶ້ນທີ່ມີຜົນປະໂຫຍດຕໍ່ປະເທດຊາດແລະປະຊາຊົນ.
ສໍາລັບໜັງສືພິມປະຊາຊົນໃນໄລຍະປີ 2023-2024 ນີ້,ພາຍໃຕ້ການຊີ້ທິດເຍືອງທາງຈາກ ຄອສພໄດ້ເອົາໃຈໃສ່ຢ່າງໃກ້ຊິດຈາກຄະນະບັນນາທິການ, ມີເພື່ອນຮ່ວມງານທີ່ເປັນນັກຂ່າວຈາກກະຊວງຕ່າງໆ, ນັກຂ່າວຈາກບັນດາແຂວງ, ເມືອງໃນທົ່ວປະເທດທີ່ໄດ້ສົ່ງຂໍ້ມູນຂ່າວສານ, ເຫດການທີ່ເກີດຂຶ້ນ, ບົດປະເພດຕ່າງໆມາປະກອບສ່ວນອອກໃນໜ້າໜັງສືພິມຢ່າງອຸດົມສົມບູນ, ຍ້ອນພາກສ່ວນຕ່າງໆໃນສັງຄົມໄດ້ໃຫ້ການສະໜັບສະໜູນອູ້ມຊູຊ່ວຍເຫຼືອສິ່ງສໍາຄັນຍ້ອນພະນັກງານ-ສະມາຊິກພັກໜັງສືພິມປະຊາຊົນມີຄວາມມານະອົດທົນສາມາດຜ່ານຜ່າຄວາມຫຍຸ້ງຍາກນາໆປະການມີຄວາມຮັບຜິດຊອບສູງຕໍ່ການປະຕິບັດໜ້າທີ່ການເມືອງຂອງຕົນທີ່ໄດ້ຮັບມອບໜາຍຈຶ່ງເຮັດໃຫ້ມີຜົນສໍາເລັດຢ່າງຕໍ່ເນື່ອງ.
ປັດຈຸບັນໜັງສືພິມປະຊາຊົນໄດ້ຜະລິດ ແລະ ຈໍາໜ່າຍມື້ໜຶ່ງ 1.300 ສະບັບ, ຄະນະບັນນາທິການໄດ້ເລັ່ງປັບປຸງການອອກຂ່າວທາງລະບົບອອນລາຍເຮັດໃຫ້ມີເນື້ອໃນຂ່າວ-ບົດ, ແນວທາງນະໂຍບາຍຂອງພັກ, ມະຕິຄໍາສັ່ງ, ກົດໝາຍ, ຄໍາຂວັນ, ຄໍາຄົມສາລະໜ້າຮູ້ອອກໃນແຕ່ລະມື້ແຕ່ລະວັນບໍ່ເວັ້ນວັນເສົາ-ວັນທິດເຮັດໃຫ້ຄົນສົນໃຈຕິດຕາມອ່ານໜັງສືພິມທາງເວັບໄຊແລະເຟສບຸກຫຼາຍຂຶ້ນເຊັ່ນ: ໃນປີ 2022 ມີຜູ້ເຂົ້າອ່ານ 1.450.790 ຄົນ, ປີ 2023 ມີຜູ້ເຂົ້າອ່ານ 1.575.750 ຄົນ. ໃນນັ້ນ, ສະເພາະ 6 ເດືອນຕົ້ນປີ 2024 ມີຜູ້ເຂົ້າອ່ານ 690.395 ຄົນ,ສະເລ່ຍ 23.000 ຄົນຕໍ່ມື້. ເຂົ້າອ່ານເຟສບຸກໃນປີ 2022 ມີ 1.044.150 ຄົນ,ປີ 2023 ມີຜູ້ເຂົ້າອ່ານ 1.258.416 ຄົນແລະ 6 ເດືອນຕົ້ນປີ 2024 ມີຜູ້ເຂົ້າອ່ານ 629.208 ຄົນແລະມີຜູ້ກໍາລັງຕິດຕາມທັງໝົດ 25.814 ຄົນ.
ສະຫາຍ ວັນໄຊຕະວິນຍານຍັງໄດ້ຮຽກຮ້ອງໃຫ້ເອົາໃຈໃສ່ສືບຕໍ່ບຸກບືນຫ້າວຫັນຕໍ່ໜ້າທີ່ວຽກງານຂອງຕົນຮັບຜິດຊອບພ້ອມນໍາໃຊ້ເວລາໃຫ້ເກີດປະໂຫຍດສູງສຸດ,ສືບຕໍ່ປະຕິບັດໜ້າທີ່ໃຫ້ມີຄຸນນະພາບ, ວ່ອງໄວທັນເຫດການ, ເນື້ອໃນຂ່າວໃຫ້ສັ້ນກະທັດຫັດ, ມີຫຼາກຫຼາຍບົດ-ຂ່າວ,ຫຼາຍສີສັນເລິກເຊິ່ງຂຶ້ນຕື່ມອີກ.ໃນໂອກາດນີ້,ໄດ້ມີພິທີເລື່ອນມະຫາຊົນກ້າວໜ້າຂຶ້ນເປັນສະມາຊິກພັກສຳຮອງ 3 ສະຫາຍ.
 |
ຂ່າວ-ພາບ: ວັນເພັງ
ຄໍາເຫັນ