ພາຍຫຼັງສໍາເລັດການໂອ້ລົມ ພະນັກງານຫຼັກແຫຼ່ງແຂວງບໍ່ແກ້ວ, ໃນຕອນບ່າຍ ວັນທີ 6 ກຸມພາ ຜ່ານມາ ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ເຄື່ອນໄຫວເຮັດວຽກ ແລະ ພົບປະໂອ້ລົມ ຕໍ່ການນຳເມືອງເມິງ ແຂວງບໍ່ແກ້ວ ແລະ ພະນັກງານ ຟາມລ້ຽງງົວ ຂອງບໍລິສັດ ດວງຈະເລີນ ອຸດສາຫະກຳ ແລະ ກະສິກຳອິນຊີ ການຄ້າຂາເຂົ້າ-ຂາອອກ ຈຳກັດຜູ້ດຽວ ຢູ່ຫ້ອງການພາກສະໜາມ ຂອງຟາມລ້ຽງງົວດັ່ງກ່າວ ທີ່ເຂດບ້ານນໍ້າຍູ້ ເມືອງເມິງ; ມີທ່ານ ບົວຄົງ ນາມມະວົງ, ເຈົ້າແຂວງບໍ່ແກ້ວ ນຳພາຄະນະຮ່ວມເຄື່ອນໄຫວເຮັດວຽກ ໂດຍມີທ່ານ ວັນນາ ຄໍາສີປະເສີດ ຮອງເລຂາພັກເມືອງໆເມິງ ນຳພາຄະນະນຳຂອງເມືອງ ໃຫ້ການຕ້ອນຮັບ ແລະ ເຂົ້າຮ່ວມຮັບຟັງ ການພົບປະໂອ້ລົມ.
ໃນໂອກາດນີ້, ທ່ານ ວັນນາ ຄໍາສີປະເສີດ ໄດ້ລາຍງານໃຫ້ຊາບ ກ່ຽວກັບສະພາບການພັດທະນາເສດຖະກິດ-ສັງຄົມຂອງເມືອງ ໃນໄລຍະ 1 ປີຜ່ານມາ ໂດຍຫຍໍ້ ຊຶ່ງອັນພົ້ນເດັ່ນ ເຫັນວ່າ ທົ່ວເມືອງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບໂດຍພື້ນຖານ, ເສດຖະກິດ ຂະຫຍາຍຕົວໃນລະດັບ 3,8%, ການເກັບລາຍຮັບເຂົ້າງົບປະມານໄດ້ 1.696 ຕື້ກີບ ເທົ່າກັບ 129% ຂອງແຜນການ, ທົົ່ວເມືອງມີບ້ານທັງໝົດ 28 ບ້ານ, ມີບ້ານພົ້ນທຸກ 18 ບ້ານ ກວມ 64,29%, ມີຄອບຄົວພົ້ນທຸກ 1.889 ຄອບຄົວ ກວມ 65,54%, ມີບ້ານພັດທະນາ 14 ບ້ານ, ປະຊາຊົນໄດ້ຊົມໃຊ້ໄຟຟ້າກວມ 95,75% ຂອງຄົວເຮືອນ, ໄດ້ຊົມໃຊ້ນໍ້າສະອາດກວມ 95,1%, ອັດຕາການຊົມໃຊ້ວິດຖ່າຍ ໃນຄົວເຮືອນກວມ 88,48%, ມີບ້ານສາທາລະນະສຸກແບບຢ່າງກວມ 100%.
ຫຼັງຈາກນັ້ນ, ທ່ານ ຄໍາຜາຍ ສີລາຊາ ປະທານ ກຸ່ມບໍລິສັດດວງຈະເລີນ ພັດທະນາກໍ່ສ້າງ ຈໍາກັດຜູ້ດຽວ ໃນນາມຜູ້ພັດທະນາໂຄງການປູກຟັງ-ລ້ຽງສັດ ຢູ່ເມືອງເມິງ ໄດ້ລາຍງານໃຫ້ຊາບ ກ່ຽວກັບການພັດທະນາໂຄງການດັ່ງກ່າວ ເຫັນວ່າ ໄດ້ສໍາປະທານເນື້ອທີ່ດິນ ເພື່ອປູກຝັງ ແລະ ລ້ຽງສັດ ຈໍານວນ 1.640 ເຮັກຕາ ແລະ ເລີ່ມປະຕິບັດໂຄງການ ໃນປີ 2021, ປັດຈຸບັນ ສໍາເລັດການບຸກເບີກເນື້ອທີ່ຈໍານວນ 500 ເຮັກຕາ, ມີຄອກສັດ 10 ຫຼັງ, ມີເຮືອນນອນ 3 ຫຼັງ, ມີສາງເກັບມ້ຽນຫົວອາຫານ ແລະ ເຮືອນໝັກຫຍ້າ 3 ຫຼັງ, ໄດ້ລ້ຽງງົວສາຍພັນແອັງກາດ-ວາກີວ 450 ໂຕ, ສາຍພັນບຣາມັນ 370 ໂຕ, ສາຍພັນລູກປະສົມບຣາມັນ 800 ໂຕ, ສາຍພັນງົວລາດພື້ນເມືອງລາວ 2.000 ໂຕ ລວມທັງໝົດ 3.620 ໂຕ. ໄລຍະຜ່ານມາ ສາມາດຈໍາໜ່າຍງົວອອກຈາກຟາມໄດ້ 1.000 ກວ່າໂຕ ໂດຍໄດ້ຂາຍຢູ່ພາຍໃນປະເທດ, ສ່ວນຕ່າງປະເທດ ແມ່ນໄດ້ສົ່ງອອກໄປ ສປ ຈີນ, ສສ ຫວຽດນາມ ແລະ ຣາຊະອານາຈັກໄທ.
ໃນໂອກາດດຽວກັນ, ທ່ານ ນາຍົກລັດຖະມົນຕີ ກໍໄດ້ໃຫ້ກຽດ ມີຄຳເຫັນພົບປະໂອ້ລົມ ຕໍ່ການນຳຂອງເມືອງເມິງ ແລະ ຜູ້ເຂົ້າຮ່ວມ ໂດຍໄດ້ນຳເອົາຄຳຢ້ຽມຢາມຖາມຂ່າວ, ຄວາມເປັນຫ່ວງເປັນໃຍ, ຄວາມເຊື່ອໝັ້ນຂອງສູນກາງພັກ ແລະ ລັດຖະບານ ມາສູ່ອົງການປົກຄອງ ແລະ ປະຊາຊົນບັນດາເຜົ່າຊາວເມືອງເມິງ. ພ້ອມທັງ ຊົມເຊີຍ ຕໍ່ຜົນສຳເລັດ ທີ່ອົງການປົກຄອງເມືອງເມິງ ແລະ ພາກສ່ວນກ່ຽວຂ້ອງ ສາມາດປະຕິບັດໄດ້ ໃນໄລຍະຜ່ານມາ. ອັນສຳຄັນ, ທ່ານ ນາຍົກລັດຖະມົນຕີ ໄດ້ມີຄຳເຫັນເນັ້ນໜັກ ໃຫ້ການນຳເມືອງ ແລະ ພາກສ່ວນກ່ຽວຂ້ອງ ເອົາໃຈໃສ່ຕື່ມບາງດ້ານ ເປັນຕົ້ນ ສືບຕໍ່ເອົາໃຈ ໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອສ້າງເງື່ອນໄຂເອື້ອອຳນວຍ ໃຫ້ແກ່ການພັດທະນາວຽກງານຮອບດ້ານຂອງເມືອງ; ຄົ້ນຄວ້າ ແລະ ນຳໃຊ້ທ່າແຮງຂອງທ້ອງຖິ່ນ ເຂົ້າໃນການພັດທະນາເສດຖະກິດ-ສັງຄົມຂອງເມືອງ ໃຫ້ເກີດປະໂຫຍດສູງສຸດ; ຊຸກຍູ້ສົ່ງເສີມການຜະລິດຊົມໃຊ້ພາຍໃນ ແລະ ສົ່ງຂາຍເປັນສິນຄ້າ ເພື່ອຫຼຸດຜ່ອນການນຳເຂົ້າສິນຄ້າ ໃຫ້ນັບມື້ນັບຫຼາຍຂຶ້ນ; ພ້ອມກັນປະຕິບັດບັນດາມາດຕະການປະຢັດມັດທະຍັດ ໃຫ້ມີການຫັນປ່ຽນດີຂຶ້ນ. ນອກນັ້ນ, ໄດ້ສະເໜີບໍລິສັດ ຜູ້ພັດທະນາໂຄງການປູກຝັງ-ລ້ຽງສັດ ໂດຍສະເພາະ ຟາມລ້ຽງງົວ ສ້າງເງື່ອນໄຂ ໃຫ້ປະຊາຊົນທ້ອງຖິ່ນ ມີສ່ວນຮ່ວມ ໃນການພັດທະນາໂຄງການ ເພື່ອໃຫ້ເຂົາເຈົ້າໄດ້ມີວຽກເຮັດງານທຳ, ມີລາຍຮັບ, ທັງກາຍເປັນຕົວແບບໃຫ້ປະຊາຊົນສາມາດຖອດຖອນໄດ້ບົດຮຽນ, ຄວາມຮູ້ທາງດ້ານເຕັກນິກຕ່າງໆ ໃນການປູກຝັງ-ລ້ຽງສັດ ຈາກໂຄງການ ເພື່ອໃຫ້ສາມາດນຳໄປໝູນໃຊ້ຕົວຈິງ ເຂົ້າໃນຄອບຄົວຂອງເຂົາເຈົ້າ; ຄຽງຄູ່ກັບການປູກ-ການລ້ຽງ ໃຫ້ຄົ້ນຄວ້າຫັນເປັນອຸດສາຫະກຳ ໂດຍສະເພາະ ການປຸງແຕ່ງ ເພື່ອໃຫ້ມີຫຼາຍຜະລິດຕະພັນ, ທັງເປັນການສ້າງມູນຄ່າເພີ່ມ, ສ້າງຕຳແໜ່ງງານ ໃຫ້ແຮງງານຢູ່ທ້ອງຖິ່ນ ມີວຽກເຮັດງານທຳຫຼາຍຂຶ້ນ; ເອົາໃຈໃສ່ຕໍ່ວຽກງານດ້ານສິ່ງແວດລ້ອມ ໂດຍສະເພາະ ໃຫ້ຫຼີກລ່ຽງບັນຫາສິ່ງແວດລ້ອມ ທີ່ຈະກະທົບຕໍ່ຊຸມຊົນ ຫຼື ມີຜົນກະທົບທີ່ບໍ່ດີ ຕໍ່ແຫຼ່ງນໍ້າ ແລະ ສັງຄົມ; ຄົ້ນຄວ້າ ແລະ ຄັດເລືອກສາຍພັນງົວ ທີ່ມີຄວາມແຂງແຮງ, ທົນທານຕໍ່ສະພາບແວດລ້ອມ ຂອງເຂດທີ່ລ້ຽງຕົວຈິງ; ສືບຕໍ່ພັດທະນາໂຄງລ່າງພື້ນຖານເຂົ້າຫາໂຄງການ ໃຫ້ໄປມາສະດວກ ເພື່ອປະກອບ ສ່ວນເຮັດໃຫ້ປະຊາຊົນທ້ອງຖິ່ນ ໄດ້ຊົມໃຊ້ນຳ.
ໃນຕອນທ້າຍ, ທ່ານ ນາຍົກລັດຖະມົນຕີ ຍັງໄດ້ມອບງົບປະມານ ໃຫ້ເມືອງຈຳນວນໜຶ່ງ ເພື່ອເປັນທຶນປະກອບສ່ວນເຂົ້າໃນການພັດທະນາເສດຖະກິດສັງຄົມຂອງເມືອງ. ພ້ອມທັງ ມອບເຄື່ອງນຸ່ງຫົ່ມກັນໜາວ, ອຸປະກອນການຮຽນ ແລະ ອຸປະກອນກິລາ ອີກຈຳນວນໜຶ່ງ ໃຫ້ອົງການປົກຄອງເມືອງເມິງ ເພື່ອນຳໄປແຈກຢາຍໃຫ້ປະຊາຊົນ ແລະ ນັກຮຽນ ຜູ້ທີ່ທຸກຍາກ ຢູ່ເຂດຫ່າງໄກສອກຫຼີກ.
(ຂ່າວ-ພາບ: ກົມປະຊາສຳພັນ ຫສນຍ)
ໃນໂອກາດນີ້, ທ່ານ ວັນນາ ຄໍາສີປະເສີດ ໄດ້ລາຍງານໃຫ້ຊາບ ກ່ຽວກັບສະພາບການພັດທະນາເສດຖະກິດ-ສັງຄົມຂອງເມືອງ ໃນໄລຍະ 1 ປີຜ່ານມາ ໂດຍຫຍໍ້ ຊຶ່ງອັນພົ້ນເດັ່ນ ເຫັນວ່າ ທົ່ວເມືອງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບໂດຍພື້ນຖານ, ເສດຖະກິດ ຂະຫຍາຍຕົວໃນລະດັບ 3,8%, ການເກັບລາຍຮັບເຂົ້າງົບປະມານໄດ້ 1.696 ຕື້ກີບ ເທົ່າກັບ 129% ຂອງແຜນການ, ທົົ່ວເມືອງມີບ້ານທັງໝົດ 28 ບ້ານ, ມີບ້ານພົ້ນທຸກ 18 ບ້ານ ກວມ 64,29%, ມີຄອບຄົວພົ້ນທຸກ 1.889 ຄອບຄົວ ກວມ 65,54%, ມີບ້ານພັດທະນາ 14 ບ້ານ, ປະຊາຊົນໄດ້ຊົມໃຊ້ໄຟຟ້າກວມ 95,75% ຂອງຄົວເຮືອນ, ໄດ້ຊົມໃຊ້ນໍ້າສະອາດກວມ 95,1%, ອັດຕາການຊົມໃຊ້ວິດຖ່າຍ ໃນຄົວເຮືອນກວມ 88,48%, ມີບ້ານສາທາລະນະສຸກແບບຢ່າງກວມ 100%.
ຫຼັງຈາກນັ້ນ, ທ່ານ ຄໍາຜາຍ ສີລາຊາ ປະທານ ກຸ່ມບໍລິສັດດວງຈະເລີນ ພັດທະນາກໍ່ສ້າງ ຈໍາກັດຜູ້ດຽວ ໃນນາມຜູ້ພັດທະນາໂຄງການປູກຟັງ-ລ້ຽງສັດ ຢູ່ເມືອງເມິງ ໄດ້ລາຍງານໃຫ້ຊາບ ກ່ຽວກັບການພັດທະນາໂຄງການດັ່ງກ່າວ ເຫັນວ່າ ໄດ້ສໍາປະທານເນື້ອທີ່ດິນ ເພື່ອປູກຝັງ ແລະ ລ້ຽງສັດ ຈໍານວນ 1.640 ເຮັກຕາ ແລະ ເລີ່ມປະຕິບັດໂຄງການ ໃນປີ 2021, ປັດຈຸບັນ ສໍາເລັດການບຸກເບີກເນື້ອທີ່ຈໍານວນ 500 ເຮັກຕາ, ມີຄອກສັດ 10 ຫຼັງ, ມີເຮືອນນອນ 3 ຫຼັງ, ມີສາງເກັບມ້ຽນຫົວອາຫານ ແລະ ເຮືອນໝັກຫຍ້າ 3 ຫຼັງ, ໄດ້ລ້ຽງງົວສາຍພັນແອັງກາດ-ວາກີວ 450 ໂຕ, ສາຍພັນບຣາມັນ 370 ໂຕ, ສາຍພັນລູກປະສົມບຣາມັນ 800 ໂຕ, ສາຍພັນງົວລາດພື້ນເມືອງລາວ 2.000 ໂຕ ລວມທັງໝົດ 3.620 ໂຕ. ໄລຍະຜ່ານມາ ສາມາດຈໍາໜ່າຍງົວອອກຈາກຟາມໄດ້ 1.000 ກວ່າໂຕ ໂດຍໄດ້ຂາຍຢູ່ພາຍໃນປະເທດ, ສ່ວນຕ່າງປະເທດ ແມ່ນໄດ້ສົ່ງອອກໄປ ສປ ຈີນ, ສສ ຫວຽດນາມ ແລະ ຣາຊະອານາຈັກໄທ.
ໃນໂອກາດດຽວກັນ, ທ່ານ ນາຍົກລັດຖະມົນຕີ ກໍໄດ້ໃຫ້ກຽດ ມີຄຳເຫັນພົບປະໂອ້ລົມ ຕໍ່ການນຳຂອງເມືອງເມິງ ແລະ ຜູ້ເຂົ້າຮ່ວມ ໂດຍໄດ້ນຳເອົາຄຳຢ້ຽມຢາມຖາມຂ່າວ, ຄວາມເປັນຫ່ວງເປັນໃຍ, ຄວາມເຊື່ອໝັ້ນຂອງສູນກາງພັກ ແລະ ລັດຖະບານ ມາສູ່ອົງການປົກຄອງ ແລະ ປະຊາຊົນບັນດາເຜົ່າຊາວເມືອງເມິງ. ພ້ອມທັງ ຊົມເຊີຍ ຕໍ່ຜົນສຳເລັດ ທີ່ອົງການປົກຄອງເມືອງເມິງ ແລະ ພາກສ່ວນກ່ຽວຂ້ອງ ສາມາດປະຕິບັດໄດ້ ໃນໄລຍະຜ່ານມາ. ອັນສຳຄັນ, ທ່ານ ນາຍົກລັດຖະມົນຕີ ໄດ້ມີຄຳເຫັນເນັ້ນໜັກ ໃຫ້ການນຳເມືອງ ແລະ ພາກສ່ວນກ່ຽວຂ້ອງ ເອົາໃຈໃສ່ຕື່ມບາງດ້ານ ເປັນຕົ້ນ ສືບຕໍ່ເອົາໃຈ ໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອສ້າງເງື່ອນໄຂເອື້ອອຳນວຍ ໃຫ້ແກ່ການພັດທະນາວຽກງານຮອບດ້ານຂອງເມືອງ; ຄົ້ນຄວ້າ ແລະ ນຳໃຊ້ທ່າແຮງຂອງທ້ອງຖິ່ນ ເຂົ້າໃນການພັດທະນາເສດຖະກິດ-ສັງຄົມຂອງເມືອງ ໃຫ້ເກີດປະໂຫຍດສູງສຸດ; ຊຸກຍູ້ສົ່ງເສີມການຜະລິດຊົມໃຊ້ພາຍໃນ ແລະ ສົ່ງຂາຍເປັນສິນຄ້າ ເພື່ອຫຼຸດຜ່ອນການນຳເຂົ້າສິນຄ້າ ໃຫ້ນັບມື້ນັບຫຼາຍຂຶ້ນ; ພ້ອມກັນປະຕິບັດບັນດາມາດຕະການປະຢັດມັດທະຍັດ ໃຫ້ມີການຫັນປ່ຽນດີຂຶ້ນ. ນອກນັ້ນ, ໄດ້ສະເໜີບໍລິສັດ ຜູ້ພັດທະນາໂຄງການປູກຝັງ-ລ້ຽງສັດ ໂດຍສະເພາະ ຟາມລ້ຽງງົວ ສ້າງເງື່ອນໄຂ ໃຫ້ປະຊາຊົນທ້ອງຖິ່ນ ມີສ່ວນຮ່ວມ ໃນການພັດທະນາໂຄງການ ເພື່ອໃຫ້ເຂົາເຈົ້າໄດ້ມີວຽກເຮັດງານທຳ, ມີລາຍຮັບ, ທັງກາຍເປັນຕົວແບບໃຫ້ປະຊາຊົນສາມາດຖອດຖອນໄດ້ບົດຮຽນ, ຄວາມຮູ້ທາງດ້ານເຕັກນິກຕ່າງໆ ໃນການປູກຝັງ-ລ້ຽງສັດ ຈາກໂຄງການ ເພື່ອໃຫ້ສາມາດນຳໄປໝູນໃຊ້ຕົວຈິງ ເຂົ້າໃນຄອບຄົວຂອງເຂົາເຈົ້າ; ຄຽງຄູ່ກັບການປູກ-ການລ້ຽງ ໃຫ້ຄົ້ນຄວ້າຫັນເປັນອຸດສາຫະກຳ ໂດຍສະເພາະ ການປຸງແຕ່ງ ເພື່ອໃຫ້ມີຫຼາຍຜະລິດຕະພັນ, ທັງເປັນການສ້າງມູນຄ່າເພີ່ມ, ສ້າງຕຳແໜ່ງງານ ໃຫ້ແຮງງານຢູ່ທ້ອງຖິ່ນ ມີວຽກເຮັດງານທຳຫຼາຍຂຶ້ນ; ເອົາໃຈໃສ່ຕໍ່ວຽກງານດ້ານສິ່ງແວດລ້ອມ ໂດຍສະເພາະ ໃຫ້ຫຼີກລ່ຽງບັນຫາສິ່ງແວດລ້ອມ ທີ່ຈະກະທົບຕໍ່ຊຸມຊົນ ຫຼື ມີຜົນກະທົບທີ່ບໍ່ດີ ຕໍ່ແຫຼ່ງນໍ້າ ແລະ ສັງຄົມ; ຄົ້ນຄວ້າ ແລະ ຄັດເລືອກສາຍພັນງົວ ທີ່ມີຄວາມແຂງແຮງ, ທົນທານຕໍ່ສະພາບແວດລ້ອມ ຂອງເຂດທີ່ລ້ຽງຕົວຈິງ; ສືບຕໍ່ພັດທະນາໂຄງລ່າງພື້ນຖານເຂົ້າຫາໂຄງການ ໃຫ້ໄປມາສະດວກ ເພື່ອປະກອບ ສ່ວນເຮັດໃຫ້ປະຊາຊົນທ້ອງຖິ່ນ ໄດ້ຊົມໃຊ້ນຳ.
ໃນຕອນທ້າຍ, ທ່ານ ນາຍົກລັດຖະມົນຕີ ຍັງໄດ້ມອບງົບປະມານ ໃຫ້ເມືອງຈຳນວນໜຶ່ງ ເພື່ອເປັນທຶນປະກອບສ່ວນເຂົ້າໃນການພັດທະນາເສດຖະກິດສັງຄົມຂອງເມືອງ. ພ້ອມທັງ ມອບເຄື່ອງນຸ່ງຫົ່ມກັນໜາວ, ອຸປະກອນການຮຽນ ແລະ ອຸປະກອນກິລາ ອີກຈຳນວນໜຶ່ງ ໃຫ້ອົງການປົກຄອງເມືອງເມິງ ເພື່ອນຳໄປແຈກຢາຍໃຫ້ປະຊາຊົນ ແລະ ນັກຮຽນ ຜູ້ທີ່ທຸກຍາກ ຢູ່ເຂດຫ່າງໄກສອກຫຼີກ.
(ຂ່າວ-ພາບ: ກົມປະຊາສຳພັນ ຫສນຍ)
ຄໍາເຫັນ