ໂດຍ: ສ.ບຸດປະຊາ
ບາງຕອນຂອງການສຳພາດ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ທັງເປັນຮອງປະທານຜູ້ປະຈໍາການຄະນະກໍາມະການຊີ້ນໍາລະດັບຊາດ ເພື່ອກະກຽມ ແລະ ດໍາເນີນການເປັນປະທານອາຊຽນ ຂອງ ສປປ ລາວ ໃນປີ 2024ໃນອາທິດຜ່ານມານີ້ໄດ້ມີເນື້ອໃນທີ່ຍົກໃຫ້ເຫັນບົດບາດອັນສຳຄັນຂອງ ສປປ ລາວ ໃນການປະກອບສ່ວນສ້າງປະຊາຄົມອາຊຽນ ຊຶ່ງໄດ້ຖືກເຜີຍແຜ່ຜ່ານບັນດາພາຫະນະສື່ມວນຊົນຂອງ ສປປ ລາວ ລວມທັງສື່ຕ່າງປະເທດ ໃຫ້ຮູ້ວ່າ: ປະເທດເຮົາ ນັບແຕ່ເຂົ້າເປັນສະມາຊິກອາຊຽນ ໃນປີ 1997 ກໍໄດ້ປະກອບສ່ວນຢ່າງມີບົດບາດສຳຄັນ.
ໃນການຕອບຄໍາຖາມສຳພາດ ກ່ຽວກັບການປະກອບສ່ວນອັນສໍາຄັນ ຂອງ ສປປ ລາວ ໃນວຽກງານອາຊຽນ ນັບຕັ້ງແຕ່ ສປປ ລາວ ເຂົ້າເປັນສະມາຊິກ ໃນປີ 1997 ເປັນຕົ້ນມານັ້ນ, ທ່ານ ສະເຫຼີມໄຊ ກົມມະສິດ ໄດ້ກ່າວຢ່າງມີໄລຍະສຳຄັນວ່າ: ການທີ່ລາວເປັນສະມາຊິກຂອງອາຊຽນ, ໃນຕະຫຼອດໄລຍະທີ່ຜ່ານມາ ແນ່ນອນ ພວກເຮົາໄດ້ປະກອບສ່ວນຫຼາຍສິ່ງຫຼາຍຢ່າງ, ໂດຍສະເພາະການເປັນປະທານອາຊຽນ. ສະມາຊິກອາຊຽນຕ້ອງປະຕິບັດຕາມພັນທະທີ່ໄດ້ກໍານົດໄວ້ໃນກົດບັດຂອງອາຊຽນ ຈະເປັນການປະກອບສ່ວນເຂົ້າໃນການສ້າງປະຊາຄົມອາຊຽນ. ຕະຫຼອດໄລຍະຜ່ານມາ, ພວກເຮົາກໍເຄີຍໄດ້ເປັນປະທານອາຊຽນ 2 ຄັ້ງແລ້ວ ຄື: ໃນປີ 2004-2005 ເປັນຄັ້ງທໍາອິດຊຶ່ງລາວເຂົ້າເປັນສະມາຊິກອາຊຽນ ບໍ່ທັນຮອດ 10 ປີ ລາວເຮົາກໍໄດ້ເປັນປະທານອາຊຽນ; ຄັ້ງທີ 2 ແມ່ນປີ 2016.ສະນັ້ນ, ການເປັນປະທານອາຊຽນແຕ່ລະຄັ້ງ, ແມ່ນພວກເຮົາໄດ້ຫຼິ້ນບົດບາດຫຼາຍອັນ ເປັນຕົ້ນບົດບາດໃນການນໍາພາ, ບົດບາດໃນການຕາງໜ້າໃຫ້ອາຊຽນ ເພື່ອເຂົ້າຮ່ວມບັນດາກົນໄກໃນເວທີຕ່າງໆ ຢູ່ໃນພາກພື້ນ ແລະ ສາກົນ. ດັ່ງນັ້ນ, ເວົ້າໄດ້ວ່າລາວ ໃນຖານະທີ່ເປັນສະມາຊິກອາຊຽນ ໄດ້ປະກອບສ່ວນຢ່າງຫ້າວຫັນ ໃນການສ້າງປະຊາຄົມເສດຖະກິດອາຊຽນ ໃນປີ 2015 ກ່ອນທີ່ລາວຈະເປັນປະທານອາຊຽນ.
ການປະກອບສ່ວນໃນ 3 ເສົາຄໍ້າຂອງການສ້າງປະຊາຄົມອາຊຽນ ສປປ ລາວ ກໍມີບົດບາດທີ່ສຳຄັນໂດຍ ທ່ານ ສະເຫຼີມໄຊ ກົມມະສິດ ກໍໄດ້ຍົກໃຫ້ເຫັນວ່າ: ດ້ານເສດຖະກິດ, ເຖິງວ່າ ສປປ ລາວ ຍັງເປັນປະເທດດ້ອຍພັດທະນາ ແລະ ເປັນປະເທດທີ່ມີເສດຖະກິດນ້ອຍກວ່າໝູ່ຢູ່ໃນປະເທດອາຊຽນ, ແຕ່ພວກເຮົາກໍໄດ້ມີການເຄື່ອນໄຫວຢ່າງຫ້າວຫັນ ໃນການໂຄສະນາເຜີຍແຜ່ວິໄສທັດຂອງອາຊຽນ ເປັນຕົ້ນແມ່ນການສ້າງປະຊາຄົມເສດຖະກິດອາຊຽນ, ໄດ້ຂົນຂວາຍ ແລະ ເຮັດວຽກຢ່າງເອົາໃຈໃສ່ໃນການຮ່ວມມືກັບບັນດາຄູ່ຮ່ວມພາຍນອກຂອງອາຊຽນຕ່າງໆ. ສະນັ້ນ, ເຖິງວ່າການປະກອບສ່ວນ ໃນສ່ວນໃດສ່ວນໜຶ່ງ ໃນຖານະທີ່ເປັນສະມາຊິກອາຊຽນ ເປັນປະເທດນ້ອຍ, ແຕ່ວ່າໂດຍລວມແລ້ວ ຜ່ານມາພວກເຮົາໄດ້ເຄື່ອນໄຫວຢ່າງຫ້າວຫັນ.ດ້ານການເມືອງຄວາມໝັ້ນຄົງ, ສປປ ລາວ ກໍເປັນປະເທດໜຶ່ງທີ່ປະຕິບັດນະໂຍບາຍສັນຕິພາບ ແລະ ການຮ່ວມມື. ອັນນີ້, ເປັນການປະກອບສ່ວນອັນສໍາຄັນເຂົ້າໃນການສ້າງເຮັດໃຫ້ອາຊຽນ ຫຼິ້ນບົດບາດສໍາຄັນໃນເວທີພາກພື້ນ ແລະ ສາກົນ ໂດຍສະເພາະໃນການສົ່ງເສີມ ແລະ ປົກປ້ອງສັນຕິພາບ ແລະ ຄວາມໝັ້ນຄົງຢູ່ໃນໂລກ.ການປະກອບສ່ວນຂອງ ສປປ ລາວ ໃນອາຊຽນ ໃນຂົງເຂດວັດທະນະທໍາ-ສັງຄົມ ກໍມີຫຼາຍ, ພວກເຮົາບໍ່ພຽງແຕ່ສົ່ງເສີມການຮ່ວມມືທາງດ້ານວັດທະນະທໍາ-ສັງຄົມເທົ່ານັ້ນ,ແຕ່ພວກເຮົາຍັງມີການຊ່ວຍກັນເຜີຍແຜ່ວັດທະນະທໍາ-ສັງຄົມ ແລະ ຮີດຄອງປະເພນີຂອງບັນດາປະເທດສະມາຊິກອາຊຽນຂອງພວກເຮົາ.
ສະຫຼຸບລວມແລ້ວ, ໃນຕະຫຼອດໄລຍະທີ່ຜ່ານມາ ໃນຖານະທີ່ ສປປ ລາວເຂົ້າເປັນສະມາຊິກຂອງອາຊຽນ ພວກເຮົາກໍໄດ້ເຮັດສຸດຄວາມສາມາດ ປະກອບສ່ວນຢ່າງຫ້າວຫັນ ບໍ່ວ່າຈະຢູ່ໃນຂົງເຂດວັດທະນະທໍາ-ສັງຄົມ, ຂົງເຂດເສດຖະກິດ ແລະ ຂົງເຂດການເມືອງຄວາມໝັ້ນຄົງ. ສະນັ້ນ, ພວກເຮົາກໍຕ້ອງມີຄວາມປະທັບໃຈ ແລະ ພູມໃຈ ໃນການເປັນສະມາຊິກອາຊຽນຂອງພວກເຮົາ ໃນຕະຫຼອດໄລຍະຜ່ານມາ.
ບາງຕອນຂອງການສຳພາດ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ທັງເປັນຮອງປະທານຜູ້ປະຈໍາການຄະນະກໍາມະການຊີ້ນໍາລະດັບຊາດ ເພື່ອກະກຽມ ແລະ ດໍາເນີນການເປັນປະທານອາຊຽນ ຂອງ ສປປ ລາວ ໃນປີ 2024ໃນອາທິດຜ່ານມານີ້ໄດ້ມີເນື້ອໃນທີ່ຍົກໃຫ້ເຫັນບົດບາດອັນສຳຄັນຂອງ ສປປ ລາວ ໃນການປະກອບສ່ວນສ້າງປະຊາຄົມອາຊຽນ ຊຶ່ງໄດ້ຖືກເຜີຍແຜ່ຜ່ານບັນດາພາຫະນະສື່ມວນຊົນຂອງ ສປປ ລາວ ລວມທັງສື່ຕ່າງປະເທດ ໃຫ້ຮູ້ວ່າ: ປະເທດເຮົາ ນັບແຕ່ເຂົ້າເປັນສະມາຊິກອາຊຽນ ໃນປີ 1997 ກໍໄດ້ປະກອບສ່ວນຢ່າງມີບົດບາດສຳຄັນ.
ໃນການຕອບຄໍາຖາມສຳພາດ ກ່ຽວກັບການປະກອບສ່ວນອັນສໍາຄັນ ຂອງ ສປປ ລາວ ໃນວຽກງານອາຊຽນ ນັບຕັ້ງແຕ່ ສປປ ລາວ ເຂົ້າເປັນສະມາຊິກ ໃນປີ 1997 ເປັນຕົ້ນມານັ້ນ, ທ່ານ ສະເຫຼີມໄຊ ກົມມະສິດ ໄດ້ກ່າວຢ່າງມີໄລຍະສຳຄັນວ່າ: ການທີ່ລາວເປັນສະມາຊິກຂອງອາຊຽນ, ໃນຕະຫຼອດໄລຍະທີ່ຜ່ານມາ ແນ່ນອນ ພວກເຮົາໄດ້ປະກອບສ່ວນຫຼາຍສິ່ງຫຼາຍຢ່າງ, ໂດຍສະເພາະການເປັນປະທານອາຊຽນ. ສະມາຊິກອາຊຽນຕ້ອງປະຕິບັດຕາມພັນທະທີ່ໄດ້ກໍານົດໄວ້ໃນກົດບັດຂອງອາຊຽນ ຈະເປັນການປະກອບສ່ວນເຂົ້າໃນການສ້າງປະຊາຄົມອາຊຽນ. ຕະຫຼອດໄລຍະຜ່ານມາ, ພວກເຮົາກໍເຄີຍໄດ້ເປັນປະທານອາຊຽນ 2 ຄັ້ງແລ້ວ ຄື: ໃນປີ 2004-2005 ເປັນຄັ້ງທໍາອິດຊຶ່ງລາວເຂົ້າເປັນສະມາຊິກອາຊຽນ ບໍ່ທັນຮອດ 10 ປີ ລາວເຮົາກໍໄດ້ເປັນປະທານອາຊຽນ; ຄັ້ງທີ 2 ແມ່ນປີ 2016.ສະນັ້ນ, ການເປັນປະທານອາຊຽນແຕ່ລະຄັ້ງ, ແມ່ນພວກເຮົາໄດ້ຫຼິ້ນບົດບາດຫຼາຍອັນ ເປັນຕົ້ນບົດບາດໃນການນໍາພາ, ບົດບາດໃນການຕາງໜ້າໃຫ້ອາຊຽນ ເພື່ອເຂົ້າຮ່ວມບັນດາກົນໄກໃນເວທີຕ່າງໆ ຢູ່ໃນພາກພື້ນ ແລະ ສາກົນ. ດັ່ງນັ້ນ, ເວົ້າໄດ້ວ່າລາວ ໃນຖານະທີ່ເປັນສະມາຊິກອາຊຽນ ໄດ້ປະກອບສ່ວນຢ່າງຫ້າວຫັນ ໃນການສ້າງປະຊາຄົມເສດຖະກິດອາຊຽນ ໃນປີ 2015 ກ່ອນທີ່ລາວຈະເປັນປະທານອາຊຽນ.
ການປະກອບສ່ວນໃນ 3 ເສົາຄໍ້າຂອງການສ້າງປະຊາຄົມອາຊຽນ ສປປ ລາວ ກໍມີບົດບາດທີ່ສຳຄັນໂດຍ ທ່ານ ສະເຫຼີມໄຊ ກົມມະສິດ ກໍໄດ້ຍົກໃຫ້ເຫັນວ່າ: ດ້ານເສດຖະກິດ, ເຖິງວ່າ ສປປ ລາວ ຍັງເປັນປະເທດດ້ອຍພັດທະນາ ແລະ ເປັນປະເທດທີ່ມີເສດຖະກິດນ້ອຍກວ່າໝູ່ຢູ່ໃນປະເທດອາຊຽນ, ແຕ່ພວກເຮົາກໍໄດ້ມີການເຄື່ອນໄຫວຢ່າງຫ້າວຫັນ ໃນການໂຄສະນາເຜີຍແຜ່ວິໄສທັດຂອງອາຊຽນ ເປັນຕົ້ນແມ່ນການສ້າງປະຊາຄົມເສດຖະກິດອາຊຽນ, ໄດ້ຂົນຂວາຍ ແລະ ເຮັດວຽກຢ່າງເອົາໃຈໃສ່ໃນການຮ່ວມມືກັບບັນດາຄູ່ຮ່ວມພາຍນອກຂອງອາຊຽນຕ່າງໆ. ສະນັ້ນ, ເຖິງວ່າການປະກອບສ່ວນ ໃນສ່ວນໃດສ່ວນໜຶ່ງ ໃນຖານະທີ່ເປັນສະມາຊິກອາຊຽນ ເປັນປະເທດນ້ອຍ, ແຕ່ວ່າໂດຍລວມແລ້ວ ຜ່ານມາພວກເຮົາໄດ້ເຄື່ອນໄຫວຢ່າງຫ້າວຫັນ.ດ້ານການເມືອງຄວາມໝັ້ນຄົງ, ສປປ ລາວ ກໍເປັນປະເທດໜຶ່ງທີ່ປະຕິບັດນະໂຍບາຍສັນຕິພາບ ແລະ ການຮ່ວມມື. ອັນນີ້, ເປັນການປະກອບສ່ວນອັນສໍາຄັນເຂົ້າໃນການສ້າງເຮັດໃຫ້ອາຊຽນ ຫຼິ້ນບົດບາດສໍາຄັນໃນເວທີພາກພື້ນ ແລະ ສາກົນ ໂດຍສະເພາະໃນການສົ່ງເສີມ ແລະ ປົກປ້ອງສັນຕິພາບ ແລະ ຄວາມໝັ້ນຄົງຢູ່ໃນໂລກ.ການປະກອບສ່ວນຂອງ ສປປ ລາວ ໃນອາຊຽນ ໃນຂົງເຂດວັດທະນະທໍາ-ສັງຄົມ ກໍມີຫຼາຍ, ພວກເຮົາບໍ່ພຽງແຕ່ສົ່ງເສີມການຮ່ວມມືທາງດ້ານວັດທະນະທໍາ-ສັງຄົມເທົ່ານັ້ນ,ແຕ່ພວກເຮົາຍັງມີການຊ່ວຍກັນເຜີຍແຜ່ວັດທະນະທໍາ-ສັງຄົມ ແລະ ຮີດຄອງປະເພນີຂອງບັນດາປະເທດສະມາຊິກອາຊຽນຂອງພວກເຮົາ.
ສະຫຼຸບລວມແລ້ວ, ໃນຕະຫຼອດໄລຍະທີ່ຜ່ານມາ ໃນຖານະທີ່ ສປປ ລາວເຂົ້າເປັນສະມາຊິກຂອງອາຊຽນ ພວກເຮົາກໍໄດ້ເຮັດສຸດຄວາມສາມາດ ປະກອບສ່ວນຢ່າງຫ້າວຫັນ ບໍ່ວ່າຈະຢູ່ໃນຂົງເຂດວັດທະນະທໍາ-ສັງຄົມ, ຂົງເຂດເສດຖະກິດ ແລະ ຂົງເຂດການເມືອງຄວາມໝັ້ນຄົງ. ສະນັ້ນ, ພວກເຮົາກໍຕ້ອງມີຄວາມປະທັບໃຈ ແລະ ພູມໃຈ ໃນການເປັນສະມາຊິກອາຊຽນຂອງພວກເຮົາ ໃນຕະຫຼອດໄລຍະຜ່ານມາ.
ຄໍາເຫັນ