 |
ທ່ານ ທົງສັກ ກົມມະເມືອງ ຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຜ່ານດໍາລັດຂອງທ່ານນາຍົກລັດຖະມົນຕີ ວ່າດ້ວຍການເລື່ອນຊັ້ນໃຫ້ນາຍຕໍາຫຼວດຂັ້ນນໍາພາ-ບັນຊາຂອງກະຊວງປ້ອງກັນຄວາມສະຫງົບ ຈຳນວນ ຈຳນວນ 29 ທ່ານ ຍິງ 2 ທ່ານ. ໂອກາດດັ່ງກ່າວ, ທ່ານ ພົທ ວັນທອງ ກອງມະນີ ໄດ້ມີຄໍາເຫັນໂອ້ລົມຕໍ່ພິທີວ່າ: ການເລື່ອນຊັ້ນ ພັອ ໃນຄັ້ງນີ້ ເປັນກຽດອັນສູງສົ່ງສຳລັບກຳລັງປ້ອງກັນຄວາມສະຫງົບ. ພ້ອມກັນນັ້ນ, ພວກເຮົາກໍຕ້ອງຮັບຮູ້ແຈ້ງເຖິງຄວາມຮັບຜິດຊອບຂອງຕົນຕໍ່ກຳລັງ, ຕໍ່ປະເທດຊາດ, ຕໍ່ພັກ-ລັດຖະບານ ແລະ ປະຊາ ຊົນບັນດາເຜົ່າກໍເພີ່ມຂຶ້ນ; ບັນດາທ່ານຕ້ອງເສີມຂະ ຫຍາຍທາດແທ້ມູນເຊື້ອອັນດີງາມຂອງກຳລັງປ້ອງກັນຄວາມ ສະຫງົບ, ສືບຕໍ່ຝຶກຝົນຫຼໍ່ຫຼອມຕົນເອງຢ່າງຮອບດ້ານ ເພື່ອເຮັດສຳເລັດໜ້າທີ່ຢ່າງມີໄຊ; ເວົ້າສະເພາະບັນດາສະຫາຍເປັນພະນັກງານຫົວຈັກຫຼັກແຫຼ່ງເປັນຜູ້ບັງຄັບບັນ ຊາ ເປັນຜູ້ຕັດສິນວຽກງານຢູ່ທຸກຂົງເຂດຂອງກະຊວງຍິ່ງຈະຕ້ອງເພີ່ມທະວີຄວາມຮັບຜິດຊອບ, ມີທັດສະນະຄ່ຽມຄົມ, ຖະໜອມທ່ອມຕົວ ສາມັກຄີຊ່ວຍເຫຼືອເຊິ່ງກັນແລະກັນຢ່າງຈິງໃຈ, ເຊີດຊູສະຕິຕໍ່ການຈັດຕັ້ງລະບຽບວິໄນ, ຮັກສາຄວາມເປັນແບບຢ່າງນຳໜ້າໃຫ້ນາຍ ແລະ ພົນຕຳ ຫຼວດທົ່ວກຳລັງ, ໃຫ້ສົມກັບການຈັດຕັ້ງພັກ-ລັດຖະບານ,ຄະນະພັກ-ຄະນະນໍາກະຊວງປ້ອງກັນຄວາມສະ
ຫງົບ ມອບຄວາມໄວ້ວາງໃຈໃຫ້ບັນດາທ່ານ ແລະ ຈະສືບຕໍ່ຕິດຕາມຜົນງານ, ຄວາມກ້າວໜ້າ, ການເຕີບໃຫຍ່ຂອງບັນດາສະຫາຍ ກໍຄື ກົມກອງຂອງບັນດາສະຫາຍຢູ່ສະເໝີ;
ບັນດາທ່ານຕ້ອງບຸກບືນກໍ່ສ້າງກຳລັງປ້ອງກັນຄວາມສະຫງົບໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ ແລະ ມີຄວາມຊຳ ນິຊຳນານທາງດ້ານວິຊາສະເພາະ, ມີຄວາມສາມາດຮັບເອົາເຕັກນິກ, ວິທະຍາສາດ, ເຕັກໂນໂລຢີອັນກ້າວໜ້າຂອງໂລກ ເພື່ອປະຕິບັດທິດທາງກໍ່ສ້າງກຳລັງປ້ອງກັນຄວາມສະຫງົບ ກ້າວຂຶ້ນເປັນກຳລັງທີ່ມີແບບແຜນທັນສະໄໝເທື່ອລະກ້າວ; ຢາກເຮັດໄດ້ຄືແນວນັ້ນ, ຕ້ອງອອກແຮງຮ່ຳຮຽນສູ້ຊົນຍົກລະດັບຂອງຕົນເອງຂຶ້ນໃຫ້ມີຄວາມຮູ້ຄວາມສາ ມາດໃນການນຳພາ-ບັນຊາສູງຂຶ້ນຕື່ມ, ຕ້ອງໄດ້ອອກແຮງຮ່ຳຮຽນທິດສະດີປະຕິວັດ, ວິຊາສະເພາະ, ພາສາຕ່າງປະເທດ, ວິທະຍາສາດເຕັກນິກ, ມີແຕ່ເຮັດແນວນີ້ກຳລັງປ້ອງກັນຄວາມສະຫງົບ ຈິ່ງຈະກ້າວຂຶ້ນທັນກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.
 |
ຂ່າວ-ພາບ: ຄຳໂຖ
ຄໍາເຫັນ