 |
ພາຍໃນງານ, ທ່ານ ບູລັກ ນັນທະສອນ ໄດ້ສະຫຼຸບຜົນງານ ແລະ ວິໄສທັດໃນການພັດທະນາການບໍລິການຕະຫຼອດ 1 ປີທີ່ຜ່ານມາ, ຈາກນັ້ນ ທ່ານ ແຮັບປີ້ ສີສົມພອນ ຍັງໄດ້ແບ່ງປັນວິໄສທັດການເຊື່ອມໂຍງລະບົບຂົນສົ່ງ ເພື່ອສະໜັບສະໜູນ ພໍ່ຄ້າ-ແມ່ຄ້າຍຸກໃໝ່ ແລະ ທ່ານ ຫງຽນ ລິງ ເຍີນ ໄດ້ນໍາສະເໜີຈຸດເດັ່ນຂອງລະບົບ OMICALL ຊຶ່ງເປັນລະບົບຕິດຕໍ່ສື່ສານ ແລະ ດູແລລູກຄ້າແບບຄົບວົງຈອນ ເພື່ອເພີ່ມປະສິດທິພາບການຂາຍໃນຍຸກດີຈີຕອນ.
 |
ນອກຈາກພິທີກົດປຸ່ມເປີດໂຕລະບົບ OMICALL ຢ່າງເປັນທາງການແລ້ວ, ຍັງມີເວທີເສວະນາໃນຫົວຂໍ້ “ປິດການຂາຍໄດ້ໄວ, ເພີ່ມຍອດຂາຍໃຫ້ຫຼາຍ ແລະ ສ້າງຄວາມຍືນຍົງໄລຍະຍາວ” ໂດຍບັນດາຜູ້ປະກອບການ ແລະ ຮ້ານຄ້າອອນລາຍຊື່ດັງ, ພ້ອມທັງມອບໃບກຽດຕິຄຸນໃຫ້ກັບຮ້ານຄ້າ. ການລົງນາມເຊັນສັນຍາໃນຄັ້ງນີ້ ຖືເປັນການຮ່ວມມືຢ່າງເປັນທາງການ ເພື່ອຍົກລະດັບການບໍລິການລູກຄ້າ ແລະ ວົງການ ອີຄອມເມີດ E-Commerce ໃນ ສປປ ລາວ ໃຫ້ທັນສະໄໝ ແລະ ມີປະສິດທິພາບຍິ່ງໆຂຶ້ນ.
(ຂ່າວ: ແສງຈັນ)
ຄໍາເຫັນ