 |
ໃນກອງປະຊຸມດັ່ງກ່າວແມ່ນຈະໄດ້ຮັບຟັງການນຳສະເໜີກ່ຽວກັບແນວຄິດ ໄກສອນ ພົມວິຫານ ກ່ຽວກັບວຽກງານແມ່ຍິງ ດັ່ງນີ້: ແນວຄິດ ໄກສອນ ພົມວິຫານ ກ່ຽວກັບການປົດປ່ອຍແມ່ຍິງ, ແນວຄິດ ໄກສອນ ພົມວິຫານ ກ່ຽວກັບອົງການຈັດຕັ້ງສະຫະພັນແມ່ຍິງ, ແນວຄິດ ໄກສອນ ພົມວິຫານ ກ່ຽວກັບບົດບາດແມ່ຍິງໃນການພັດທະນາເສດຖະກິດ, ແນວຄິດ ໄກສອນ ພົມວິຫານ ກ່ຽວກັບພະນັກງານເພດຍິງ, ແນວຄິດ ໄກສອນ ພົມວິຫານ ກ່ຽວກັບບົດບາດແມ່ຍິງໃນຄອບຄົວ ແລະ ແນວຄິດ ໄກສອນ ພົມວິຫານ ກ່ຽວກັບບົດບາດແມ່ຍິງໃນການອະນຸລັກຮັກສາວັດທະນະທຳ.
ທ່ານ ນາງ ລຳພູນ ດວນສຸວັນ ຫົວໜ້າສູນຄົ້ນຄວ້າແນວຄິດ ໄກສອນ ພົມວິຫານ ປະທານສະຫະພັນແມ່ຍິງ ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ໄດ້ກ່າວວ່າ: ການຄົ້ນຄວ້າແນວຄິດ ໄກສອນ ພົມວິຫານ ກ່ຽວກັບວຽກງານແມ່ຍິງ ໄດ້ເລີ່ມຄົ້ນຄວ້າມາແຕ່ປີ 2021 ແລະ ມາຮອດປັດຈຸບັນ ແນວຄິດ ໄກສອນ ພົມວິຫານ ກ່ຽວກັບວຽກງານແມ່ຍິງ ແມ່ນໄດ້ປັບປຸງສໍາເລັດ, ກໍາລັງສະເໜີສະພາທິດສະດີສູນກາງພັກ ຮັບຮອງອີກເທື່ອໜຶ່ງ.
 |
ແຕ່ເພື່ອຕອບສະໜອງຄວາມຮຽກຮ້ອງຕ້ອງການແນໃສ່ສະເຫຼີມສະຫຼອງວັນບຸນໃຫຍ່ຂອງພັກ, ຂອງຊາດ ແລະ ວັນເກີດຂອງປະທານ ໄກສອນ ພົມວິຫານ ຄົບຮອບ 105 ປີ ທາງສູນກາງສະຫະພັນແມ່ຍິງລາວ ໄດ້ມີການຈັດພິມເຜີຍແຜ່ຜະລິດຕະພັນ ເນື້ອໃນ ແນວຄິດ ໄກສອນ ພົມວິຫານ ກ່ຽວກັບວຽກງານແມ່ຍິງ ໃນປີ 2025. ເພື່ອເປັນການສະເຫຼີມສະຫຼອງວັນແມ່ຍິງສາກົນ ທີ 8 ມີນາ ຄົບຮອບ 116 ປີ.
ເນື້ອໃນທີ່ໄດ້ລາຍງານກ່ຽວກັບຂະບວນວິວັດຂອງການຄົ້ນຄວ້າແນວຄິດ ໄກສອນ ພົມວິຫານ ກ່ຽວກັບວຽກງານແມ່ຍິງ ຖືວ່າໃຊ້ເວລາຄົ້ນຄວ້າດົນນານສົມຄວນ ແຕ່ພວກເຮົາກໍໄດ້ມີຜະລິດຕະພັນໄດ້ເບື້ອງຕົ້ນແລ້ວເພື່ອເຮັດໃຫ້ “ແນວຄິດ ໄກສອນ ພົມວິຫານ ກ່ຽວກັບວຽກງານແມ່ຍິງ” ໄດ້ຮັບການເຜີຍແຜ່ຢ່າງເລິກເຊິ່ງ ແລະ ກວ້າງຂວາງ ຮຽກຮ້ອງມາຍັງທຸກພາກສ່ວນ ເວົ້າລວມ, ເວົ້າສະເພາະ ອົງການຈັດຕັ້ງສະຫະພັນແມ່ຍິງທຸກຂັ້ນ ຈົ່ງຊ່ວຍກັນໂຄສະນາເຜີຍແຜ່ໃຫ້ສະມາຊິກສະຫະພັນແມ່ຍິງທຸກຖ້ວນໜ້າຮັບຮູ້, ເຂົ້າໃຈ ແລະ ນໍາໄປຈັດຕັ້ງປະຕິບັດໃຫ້ເກີດດອກອອກຜົນ ໃຫ້ສົມດັ່ງທີ່ປະທານ ໄກສອນ ພົມວິຫານ ໄດ້ຍ້ອງຍໍຊົມເຊີຍວ່າ: “ແມ່ຍິງລາວເຮົາສົມກຽດ ທີ່ເປັນແມ່ຍິງພິລະອາດຫານ, ແມ່ຍິງທີ່ດຸໝັ່ນພາກພຽນ, ຊື່ສັດບໍລິສຸດ ສະຫງຽມຄ່ຽມຄົມ, ເຮັດວຽກບ້ານກໍເຮືອງ, ເຮັດວຽກເມືອງກໍເດັ່ນ”.
ຂ່າວ-ພາບ: ບຸນຕອມ
ຄໍາເຫັນ