ສະພາທິດສະດີສູນກາງພັກ,ຄະນະຮັບຜິດຊອບການຄົ້ນຄວ້າແນວຄິດໄກສອນ ພົມວິຫານ ໄດ້ຈັດກອງປະຊຸມສຳມະນາວິທະຍາສາດລະດັບຊາດຂຶ້ນໃນຕອນເຊົ້າຂອງວັນທີ 12 ທັນວາ ນີ້ ທີ່ສະໂມສອນ ສະຖາບັນການເມືອງ ແລະ ການປົກຄອງແຫ່ງຊາດ, ພາຍໃຕ້ຫົວຂໍ້: “ແນວຄິດໄກສອນ ພົມວິຫານກ່ຽວກັບເສັ້ນທາງແຫ່ງການກ້າວຂຶ້ນສັງຄົມນິຍົມ ຢູ່ປະເທດເຮົາ”. ໃຫ້ກຽດເປັນປະທານຊີ້ນຳກອງປະຊຸມໂດຍສະຫາຍຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ຫົວໜ້າຄະນະຮັບຜິດຊອບການຄົ້ນຄວ້າແນວຄິດໄກສອນ ພົມວິຫານ ແລະ ໃຫ້ກຽດເປັນຄະນະປະທານຮ່ວມມີ ສະຫາຍສົມສະຫວາດ ເລັ່ງສະຫວັດທີ່ປຶກສາສະພາທິດສະດີສູນກາງພັກ ທີ່ປຶກສາຄະນະຮັບຜິດຊອບການຄົ້ນຄວ້າແນວຄິດໄກສອນ ພົມວິຫານ; ສະຫາຍ ສອນທະນູ ທໍາມະວົງ ກໍາມະການສູນກາງພັກ ຫົວໜ້າສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ ຮອງປະທານ ຜູ້ປະຈໍາການສະພາທິດສະດີສູນກາງພັກ; ສະຫາຍ ພູວົງອຸ່ນຄຳແສນກຳມະການສູນກາງພັກຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ຮອງປະທານສະພາທິດສະດີສູນກາງພັກຮອງຫົວໜ້າຄະນະ ຜູ້ປະຈຳການຄະນະຮັບຜິດຊອບການຄົ້ນຄວ້າແນວຄິດ ໄກສອນ ພົມວິຫານ, ມີພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງກອງປະຊຸມສຳມະນາຄັ້ງນີ້, ເພື່ອສືບຕໍ່ຜັນຂະຫຍາຍມະຕິຂອງກົມການເມືອງສູນກາງພັກ ສະບັບເລກທີ 058/ກມສພ ລົງວັນທີ 13 ທັນວາ 2018 ວ່າດ້ວຍການຄົ້ນຄວ້າແນວຄິດໄກສອນ ພົມວິຫານ,ທັງເປັນການສ້າງຂະບວນການສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 48 ປີ ແລະສະເຫຼີມສະຫຼອງວັນເກີດຂອງປະທານ ໄກສອນ ພົມວິຫານ ຄົບຮອບ 103 ປີ, ວັນເກີດປະທານ ຄຳໄຕ ສີພັນດອນ ຄົບຮອບ 100 ປີ ແລະວັນສໍາຄັນຕ່າງໆຂອງພັກ, ຂອງຊາດ.
ໃນກອງປະຊຸມສຳມະນາ, ສະຫາຍຄໍາພັນ ເຜີຍຍະວົງ, ໄດ້ເນັ້ນໜັກວ່າ:ກອງປະຊຸມສຳມະນາວິທະຍາສາດລະດັບຊາດ ພາຍໃຕ້ຫົວຂໍ້“ແນວຄິດໄກສອນ ພົມວິຫານກ່ຽວກັບເສັ້ນທາງແຫ່ງການກ້າວຂຶ້ນສັງຄົມນິຍົມ ຢູ່ປະເທດເຮົາ”ໃນເທື່ອນີ້ ມີຄວາມໝາຍສໍາຄັນທາງດ້ານທິດສະດີ ແລະພຶດຕິກໍາ, ຈະເປັນການປະກອບສ່ວນເຂົ້າໃນວຽກງານສະຫຼຸບທິດສະດີ ແລະພຶດຕິກຳຂອງພັກເຮົາ ເພື່ອເປັນພື້ນຖານຮັບໃຊ້ການປັບປຸງບູລະນະແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍ ແລະລະບຽບການຕ່າງໆຂອງລັດ ແລະລວມທັງການສືບຕໍ່ສ້າງ ແລະເສີມຂະຫຍາຍລະບອບປະຊາທິປະໄຕປະຊາຊົນຕາມທິດກ້າວຂຶ້ນສັງຄົມນິຍົມ ຢູ່ປະເທດເຮົາເທື່ອລະກ້າວ.
ເນື້ອໃນບົດນຳກອງປະຊຸມສຳມະນາສະເໜີໂດຍສະຫາຍພູວົງອຸ່ນຄຳແສນໄດ້ຍົກໃຫ້ເຫັນຈຸດປະສົງ ແລະທາດແທ້ສັງຄົມນິຍົມ ຢູ່ປະເທດເຮົາ ນັບທັງໃນໄລຍະການປະຕິວັດຊາດ-ປະຊາທິປະໄຕ ກໍຄືໃນໄລຍະປົກປັກຮັກສາ ແລະ ສ້າງສາປະເທດຊາດ ແມ່ນແນວຄິດແຫ່ງການຕໍ່ສູ້ປະຕິວັດອັນໜັກແໜ້ນ, ບໍ່ມີຍາມໃດຈະຫວັ່ນໄຫວຄອນແຄນ ເພື່ອບັນລຸຈຸດໝາຍ, ອຸດົມຄະຕິ ຄື: ສ້າງສັງຄົມໜຶ່ງທີ່ທຸກຄົນໄດ້ຮັບການປົດປ່ອຍ;ປະຊາຊົນຜູ້ອອກແຮງງານໄດ້ເປັນເຈົ້າປະເທດຊາດ; ມີເສດຖະກິດທີ່ຂະຫຍາຍຕົວສູງ, ມີວັດທະນະທໍາອັນກ້າວໜ້າ ແລະອຸດົມຮັ່ງມີດ້ວຍສີສັນຂອງຊາດ; ທຸກຄົນມີຄວາມຢູ່ດີ, ກິນດີ, ມີອິດສະຫຼະພາບ ມີຄວາມສຸກ ແລະມີເງື່ອນໄຂພັດທະນາຕົນເອງຢ່າງຮອບດ້ານ; ມີຄວາມຍຸຕິທໍາໃນສັງຄົມ ແລະປະຊາທິປະໄຕ.
ບັນດາຜູ້ເຂົ້າຮ່ວມ ຍັງໄດ້ຮັບຟັງການນຳສະເໜີ 8ຫົວຂໍ້ຍ່ອຍ ເຊັ່ນ: ແນວຄິດໄກສອນ ພົມວິຫານ ກ່ຽວກັບທາດແທ້ ແລະຈຸດພິເສດຂອງສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບໄລຍະຂ້າມຜ່ານກ້າວຂຶ້ນສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບການນໍາພາຂອງພັກ ແມ່ນປັດໄຈຕັດສິນຂອງການປະຕິວັດສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບການສ້າງລັດຂອງປະຊາຊົນ, ໂດຍປະຊາຊົນ ແລະເພື່ອະຊາຊົນ; ແນວຄິດໄກສອນ ພົມວິຫານ ກ່ຽວກັບການປະຕິວັດສັງຄົມນິຍົມ ແມ່ນການດໍາເນີນການປະຕິວັດການພົວພັນການຜະລິດ, ວິທະຍາສາດ-ເຕັກນິກ ແລະແນວຄິດ-ວັດທະນະທໍາ; ແນວຄິດໄກສອນ ພົມວິຫານ ກ່ຽວກັບສ້າງຄົນໃໝ່ສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບເສີມຂະຫຍາຍກໍາລັງແຮງສັງລວມ ຂອງລະບອບໃໝ່ເຂົ້າໃນການປະຕິວັດສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບສົມທົບແໜ້ນນໍ້າໃຈຮັກຊາດອັນດູດດື່ມກັບນໍ້າໃຈສາກົນກໍາມາຊີບອັນແທ້ຈິງໃນການກ້າວຂຶ້ນສັງຄົມນິຍົມຢູ່ປະເທດເຮົາ.
ໃນຕອນທ້າຍ ກອງປະຊຸມໄດ້ຮັບຟັງການສະຫຼຸບລາຍງານຜົນ ຂອງກອງປະຊຸມໂດຍ ສະຫາຍ ສອນທະນູ ທຳມະວົງ, ໄດ້ຕີລາຜົນໄດ້ຮັບໃນເບື້ອງຕົ້ນ ທີ່ນັກວິທະຍາສາດໄດ້ຄົ້ນຄວ້າຢ່າງເລິກເຊິ່ງ ແລະ ຈະແຈ້ງ ກ່ຽວກັບແນວຄິດໄກສອນ ພົມວິຫານກ່ຽວກັບເສັ້ນທາງແຫ່ງການກ້າວຂຶ້ນສັງຄົມນິຍົມ ຢູ່ປະເທດເຮົາ ແລະ ໄດ້ເນັ້ນໜັກວ່າ: ກ່ອນອື່ນໝົດ ແມ່ນຕ້ອງສືບຕໍ່ຢຶດໝັ້ນຈຸດໝາຍສັັງຄົມນິຍົມ ຂອງພັກປະຊາຊົນປະຕິວັດລາວ, ໂດຍການຄົ້ນຄວ້າ, ໝູນໃຊ້ ແລະເສີມຂະຫຍາຍລັດທິມາກ-ເລນິນ ກ່ຽວກັບໄລຍະຂ້າມຜ່ານກ້າວຂຶ້ນສັງຄົມນິຍົມ; ສ້າງບັນດາປະຖົມປັດໄຈເພື່ອກ້າວຂຶ້ນສັງຄົມນິຍົມເທື່ອລະກ້າວ ຕາມແນວຄິດໄກສອນ ພົມວິຫານ.
ຈຸດປະສົງກອງປະຊຸມສຳມະນາຄັ້ງນີ້, ເພື່ອສືບຕໍ່ຜັນຂະຫຍາຍມະຕິຂອງກົມການເມືອງສູນກາງພັກ ສະບັບເລກທີ 058/ກມສພ ລົງວັນທີ 13 ທັນວາ 2018 ວ່າດ້ວຍການຄົ້ນຄວ້າແນວຄິດໄກສອນ ພົມວິຫານ,ທັງເປັນການສ້າງຂະບວນການສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 48 ປີ ແລະສະເຫຼີມສະຫຼອງວັນເກີດຂອງປະທານ ໄກສອນ ພົມວິຫານ ຄົບຮອບ 103 ປີ, ວັນເກີດປະທານ ຄຳໄຕ ສີພັນດອນ ຄົບຮອບ 100 ປີ ແລະວັນສໍາຄັນຕ່າງໆຂອງພັກ, ຂອງຊາດ.
ໃນກອງປະຊຸມສຳມະນາ, ສະຫາຍຄໍາພັນ ເຜີຍຍະວົງ, ໄດ້ເນັ້ນໜັກວ່າ:ກອງປະຊຸມສຳມະນາວິທະຍາສາດລະດັບຊາດ ພາຍໃຕ້ຫົວຂໍ້“ແນວຄິດໄກສອນ ພົມວິຫານກ່ຽວກັບເສັ້ນທາງແຫ່ງການກ້າວຂຶ້ນສັງຄົມນິຍົມ ຢູ່ປະເທດເຮົາ”ໃນເທື່ອນີ້ ມີຄວາມໝາຍສໍາຄັນທາງດ້ານທິດສະດີ ແລະພຶດຕິກໍາ, ຈະເປັນການປະກອບສ່ວນເຂົ້າໃນວຽກງານສະຫຼຸບທິດສະດີ ແລະພຶດຕິກຳຂອງພັກເຮົາ ເພື່ອເປັນພື້ນຖານຮັບໃຊ້ການປັບປຸງບູລະນະແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍ ແລະລະບຽບການຕ່າງໆຂອງລັດ ແລະລວມທັງການສືບຕໍ່ສ້າງ ແລະເສີມຂະຫຍາຍລະບອບປະຊາທິປະໄຕປະຊາຊົນຕາມທິດກ້າວຂຶ້ນສັງຄົມນິຍົມ ຢູ່ປະເທດເຮົາເທື່ອລະກ້າວ.
ເນື້ອໃນບົດນຳກອງປະຊຸມສຳມະນາສະເໜີໂດຍສະຫາຍພູວົງອຸ່ນຄຳແສນໄດ້ຍົກໃຫ້ເຫັນຈຸດປະສົງ ແລະທາດແທ້ສັງຄົມນິຍົມ ຢູ່ປະເທດເຮົາ ນັບທັງໃນໄລຍະການປະຕິວັດຊາດ-ປະຊາທິປະໄຕ ກໍຄືໃນໄລຍະປົກປັກຮັກສາ ແລະ ສ້າງສາປະເທດຊາດ ແມ່ນແນວຄິດແຫ່ງການຕໍ່ສູ້ປະຕິວັດອັນໜັກແໜ້ນ, ບໍ່ມີຍາມໃດຈະຫວັ່ນໄຫວຄອນແຄນ ເພື່ອບັນລຸຈຸດໝາຍ, ອຸດົມຄະຕິ ຄື: ສ້າງສັງຄົມໜຶ່ງທີ່ທຸກຄົນໄດ້ຮັບການປົດປ່ອຍ;ປະຊາຊົນຜູ້ອອກແຮງງານໄດ້ເປັນເຈົ້າປະເທດຊາດ; ມີເສດຖະກິດທີ່ຂະຫຍາຍຕົວສູງ, ມີວັດທະນະທໍາອັນກ້າວໜ້າ ແລະອຸດົມຮັ່ງມີດ້ວຍສີສັນຂອງຊາດ; ທຸກຄົນມີຄວາມຢູ່ດີ, ກິນດີ, ມີອິດສະຫຼະພາບ ມີຄວາມສຸກ ແລະມີເງື່ອນໄຂພັດທະນາຕົນເອງຢ່າງຮອບດ້ານ; ມີຄວາມຍຸຕິທໍາໃນສັງຄົມ ແລະປະຊາທິປະໄຕ.
ບັນດາຜູ້ເຂົ້າຮ່ວມ ຍັງໄດ້ຮັບຟັງການນຳສະເໜີ 8ຫົວຂໍ້ຍ່ອຍ ເຊັ່ນ: ແນວຄິດໄກສອນ ພົມວິຫານ ກ່ຽວກັບທາດແທ້ ແລະຈຸດພິເສດຂອງສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບໄລຍະຂ້າມຜ່ານກ້າວຂຶ້ນສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບການນໍາພາຂອງພັກ ແມ່ນປັດໄຈຕັດສິນຂອງການປະຕິວັດສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບການສ້າງລັດຂອງປະຊາຊົນ, ໂດຍປະຊາຊົນ ແລະເພື່ອະຊາຊົນ; ແນວຄິດໄກສອນ ພົມວິຫານ ກ່ຽວກັບການປະຕິວັດສັງຄົມນິຍົມ ແມ່ນການດໍາເນີນການປະຕິວັດການພົວພັນການຜະລິດ, ວິທະຍາສາດ-ເຕັກນິກ ແລະແນວຄິດ-ວັດທະນະທໍາ; ແນວຄິດໄກສອນ ພົມວິຫານ ກ່ຽວກັບສ້າງຄົນໃໝ່ສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບເສີມຂະຫຍາຍກໍາລັງແຮງສັງລວມ ຂອງລະບອບໃໝ່ເຂົ້າໃນການປະຕິວັດສັງຄົມນິຍົມ ຢູ່ປະເທດເຮົາ; ແນວຄິດໄກສອນ ພົມວິຫານ ກ່ຽວກັບສົມທົບແໜ້ນນໍ້າໃຈຮັກຊາດອັນດູດດື່ມກັບນໍ້າໃຈສາກົນກໍາມາຊີບອັນແທ້ຈິງໃນການກ້າວຂຶ້ນສັງຄົມນິຍົມຢູ່ປະເທດເຮົາ.
ໃນຕອນທ້າຍ ກອງປະຊຸມໄດ້ຮັບຟັງການສະຫຼຸບລາຍງານຜົນ ຂອງກອງປະຊຸມໂດຍ ສະຫາຍ ສອນທະນູ ທຳມະວົງ, ໄດ້ຕີລາຜົນໄດ້ຮັບໃນເບື້ອງຕົ້ນ ທີ່ນັກວິທະຍາສາດໄດ້ຄົ້ນຄວ້າຢ່າງເລິກເຊິ່ງ ແລະ ຈະແຈ້ງ ກ່ຽວກັບແນວຄິດໄກສອນ ພົມວິຫານກ່ຽວກັບເສັ້ນທາງແຫ່ງການກ້າວຂຶ້ນສັງຄົມນິຍົມ ຢູ່ປະເທດເຮົາ ແລະ ໄດ້ເນັ້ນໜັກວ່າ: ກ່ອນອື່ນໝົດ ແມ່ນຕ້ອງສືບຕໍ່ຢຶດໝັ້ນຈຸດໝາຍສັັງຄົມນິຍົມ ຂອງພັກປະຊາຊົນປະຕິວັດລາວ, ໂດຍການຄົ້ນຄວ້າ, ໝູນໃຊ້ ແລະເສີມຂະຫຍາຍລັດທິມາກ-ເລນິນ ກ່ຽວກັບໄລຍະຂ້າມຜ່ານກ້າວຂຶ້ນສັງຄົມນິຍົມ; ສ້າງບັນດາປະຖົມປັດໄຈເພື່ອກ້າວຂຶ້ນສັງຄົມນິຍົມເທື່ອລະກ້າວ ຕາມແນວຄິດໄກສອນ ພົມວິຫານ.
(ຂ່າວ: ສູນຄົ້ນຄວ້າແນວຄິດໄກສອນພົມວິຫານ, ພາບ: ແສງຈັນ)
ຄໍາເຫັນ