ພິທີເປີດງານບຸນຊວງເຮືອປະເພນີອອກພັນສາ ປະວໍຮະນາປະຈໍາປີ ພສ 2566 ຄສ 2023 ທີ່ເມືອງປາກຊັນແຂວງບໍລິຄໍາໄຊ ໄດ້ຈັດຂຶ້ນຢ່າງເປັນທາງການ ໃນຕອນເຊົ້າວັນທີ່ 28 ຕຸລາ 2023 ນີ້ ນະທີ່ບໍລິເວນແຄມແມ່ນໍ້າຂອງບ້ານປາກຊັນ ເມືອງປາກຊັນ ແຂວງບໍລິຄໍາໄຊ ໂດຍໃຫ້ກຽດເຂົ້າຮ່ວມໃນພິທີຂອງທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ ພ້ອມດ້ວຍບັນດາການນໍາຂອງແຂວງ ຂອງເມືອງປາກຊັນ ແລະ ແຂກຖືກເຊີນຈາກຈັງຫວັດບຶງການ ຈັດຫວັດໜອງຄາຍ ຣາຊາອານາຈັກໄທ ຊຶ່ງນໍາໂດຍທ່ານ ພິນິດ ຈາຣຸສົມບັດ ປະທານສະພາວັດທະນະທໍາ ເຊື່ອມສໍາພັນມິດຕະພາບໄທ-ຈີນ ແລະ ສົ່ງເສີມຄວາມສໍາພັນແຫ່ງຣາຊາອານາຈັກໄທ , ທ່ານ ບົວສອນ ບຸບຜາວັນ ອາດີດນາຍົກລັດຖະມົນຕີແຫ່ງ ສປປ ລາວ ແລະ ຄະນະຜູ້ແທນຜູ້ແທນຈາກແຂວງຮ່າຕິ່ງ ນະຄອນຮ່າຕິ່ງ ສສ ຫວຽດນາມ ທ່ານນາງ ດັ່ງຖີຮາຍເຕີມ ກົງສູນໃຫ່ຍ ສສ ຫວຽດນາມ ປະຈໍາແຂວງສະຫວັນນະເຂດ ມີບັນດາແຂກຖືກເຊີນຈາກພະແນກການອ້ອມຂ້າງແຂວງ ເມືອງ ແລະ ບໍລິສັດ-ລັດວິສາຫະກິດ ທັງພາກລັດ ແລະ ເອກະຊົນ ພໍ່ແມ່ປະຊາຊົນ ອໍານາດການປົກຄອງບ້ານອ້ອມຂ້າງເຂົ້າຮ່ວມ
ກອ່ນພິທີ່ຈະເລີ່ມຂຶ້ນ ກໍ່ໄດ້ຮັບຊົມສີລະປະວັນນະຄະດີ ຈາກໂຮງຮຽນແຫ່ງຕ່າງພາຍໃນແຂວງ ແລະ ສູນວັດທະນະທໍາເດັດຂອງແຂວງ ຊຶ່ງແຕ່ລະລາຍການໄດ້ສະແດງເຖິງ ການດໍາລົງຊິວິດຂອງປະຊາຊົນບັນດາເຜົ່າ ທີ່ຕິດພັນກັບວັດທະນະທໍາ ຮີດຄອງປະເພມີອັນດີງາມຂອງຊາວລາວ ທີ່ມີມາແຕ່ໂບຮານນະການ ຈາກນັ້ນທ່ານ ວົງສີ ທອງສີອິນທິປັນຍາ ເຈົ້າເມືອງປາກຊັນ ຮອງປະທານກິຕິມະສັກ ຈັດງານບຸນຊວງເຮືອປະເພນີອອກພັນສາ ປະວໍຣະນາ ທີ່ເມືອງປາກຊັນ ປະຈໍາປີ ພສ 2566 ຄສ 2023 ໄດ້ລາຍງານການກະກຽມ ການຈັດງານບຸນໃນຄັ້ງນີ້ ເພື່ອເປັນການອະນຸລັກຮັກສາຂະນົບທໍານຽມ ເສີມຂະຫຍາຍຮີດຄອງປະເພນີອັນດີງາມຂອງຊາດ ໃຫ້ຍືນຍົງ ແລະ ສືບຖອດກັນໄປຊົ່ວລູກ-ຊົ່ວຫຼານ ເພື່ອເປັນການຮັດແໜ້ນຄວາມສາມັກຄີ ຂອງປະຊາຊົນບັນດາເຜົ່າ ໃຫ້ມີຄວາມເບີກບານມ່ວນຊື່ນ ເຕັ້ມໄປດ້ວຍນໍ້າໃຈໄມຕີຈິດ-ມິດຕະພາບ ແລະ ແລກປຽ່ນບົດຮຽນປະສົບການ ວຽກງານກິລາຊວ່ງເຮືອເຊີ່ງກັນ ແລະ ກັນ ໃນງານບຸນຊ່ວງເຮືອປະເພນີອອກພັນສາ ປະວໍຣະນາປີນີ້ ໄດ້ຈັດຂຶ້ນໂດຍຕິດພັນກັບງານວາງສະແດງ ແລະ ຂາຍສິນຄ້າປະເພດຕ່າງໆ ຂອງປະຊາຊົນຈາກບັນດາບ້ານ ບັນດາເມືອງ ຈາກຕ່າງແຂວງ ແລະ ຕ່າງປະເທດ ຈໍານວນໜຶ່ງ ເພື່ອເປັນການໂຄສະນາສົ່ງເສີມ ປີທ່ອງທຽ່ວລາວ-ທອງທຽ່ວແຂວງບໍລິຄໍາໄຊ ໃນປີ 2024 ໃຫ້ມີຄວາມໝາຍຄວາມສໍາຄັນຢ່າງໜັ້ກແໜ້ນ ສໍາລັບເຮືອທີ່ເຂົ້າຮ່ວມການແຂ່ງຂັນໃນຄັ້ງນີ້ມີທັງໝົດ 33 ລໍາ ຊຶ່ງມາຈາກພາກສ່ວນຕ່າງໆຄື ຈາກພະແນກການຂອງແຂວງ ບັນດາບ້ານພາຍໃນເມືອງ 23 ລໍາ ຕ່າງເມືອງ 6 ລໍາ ແລະ ຕ່າງປະເທດ ຈໍານວນ 4 ລໍາ ຊຶ່ງແບ່ງອອກເປັນ 4 ປະເພດແຂ່ງຂັນ ໃນນີ້ເຮືອງຊ່ວງຊາຍປະເພດ 22-25 ສີພາຍທົ່ວໄປ ມີຈໍານວນ 13 ລໍາ ປະເພດ 22-25 ສີພາຍເຮືອກຸນພາຍໃນ ມີ 5 ລໍາ ເຮືອຊວ່ງປະເພດ 22-25 ສິພາຍຍິງຈໍານວນ 8 ລໍາ ແລະ ເຮືອຊວ່ງຊາຍປະເພດ 50-55 ສີພາຍ ມີຈໍານວນ 7 ລໍາ ເຊີ່ງການແຂ່ງຂັນຈະດໍາເນີນໄປເປັນເວລາ 2 ວັນ ພ້ອມນີ້ໃນພິທີທ່ານ ກອງແກ້ວ ໄຊສົງຄາມ ຍັງໄດ້ມອບຂອງຂັວນທີ່ລະລຶກ ໃຫ້ແກ່ຄະນະຜູ້ແທນ ຈາກຣາຊະອານາຈັກໄທ ແລະ ສສ ຫວຽດນາມ ຈາກນັ້ນທ່ານພິນິດ ຈາຣຸສົມພັດ ຍັງໄດ້ມອບເງິນສົດ 3 ແສນບາດ ແລະ ທະນາຄານພັດທະນາລາວສາຂາບໍລິຄໍາໄຊ ມອບເງິນພ້ອມອຸປະກອນ ລວມມູນຄ່າ 93 ລ້ານກວ່າກີບ ເພື່ອຊຸກຍູ້ງານບຸນຄັ້ງນີ້.
ໃນໂອກາດອັນສະຫງ່າລາສີ ທ່ານ ຄໍາແຫວນ ປັນຍານຸວົງ ຮອງເຈົ້າແຂວງບໍລິຄໍາໄຊ ປະທານກິຕິມະສັກ ຈັດງານບຸນຊ່ວງເຮືອປະເພນີອອກພັນສາ ປະວໍຣະນາ ກໍ່ໄດ້ກ່າວເປີດພິທີຢ່າງເປັນທາງການ ແລະ ທ່ານ ກອງແກ້ວ ໄຊສົງຄາມ ໄດ້ໃຫ້ກຽດຕັດແຖບຜ້າ ລັ່ງຄ່ອງ 9 ບາດ ແລະ ປ່ອຍ ປຸ່ມເປົ້າ ເພື່ອບົ່ງບອກການເປີດງານບຸນຊວ່ງເຮືອ ຢູ່ເມືອງປາກຊັນ ແຂວງບໍລິຄໍາໄຊຢ່າງເປັນທາງການ. ຂ່າວ-ພາບ :ພູວົງ
ຄໍາເຫັນ