ຜ່ານມາ ຊຶ່ງເປັນການຈັດງານວາງສະແດງສິນຄ້າໃນຕົວເມືອງທີ່ມີສັກກາຍະພາບ ຂອງ ສປປ ລາວ ທີ່ມີການເຊື່ອມໂຍງການຄົມມະນາຄົມຂົນສົ່ງ ແລະ ໂລຈິສຕິກ ຕາມເສັ້ນທາງລົດໄຟ ລາວ-ຈີນ ເປັນເມືອງເສດຖະກິດທີ່ມີທ່າແຮງດ້ານການທ່ອງທ່ຽວ ແລະ ກະສິກຳ ຊຶ່ງການຈັດງານຄັ້ງນີ້ຈະຊ່ວຍຂະຫຍາຍຕະຫຼາດສິນຄ້າໄທໄປສູ່ຜູ້ບໍລິໂພກຊາວ ສປປ ລາວ ທີ່ອາໄສຢູ່ຕ່າງແຂວງ ໂດຍສະເພາະໃນພື້ນທີ່ ທີ່ປະຊາຊົນມີກຳລັງຊື້ ແລະ ມີຕົວແທນຈຳໜ່າຍສິນຄ້າ ຊຶ່ງຈະເຮັດໃຫ້ຜູ້ບໍລິໂພກຊາວລາວທີ່ຢູ່ໃນຕ່າງແຂວງມີໂອກາດໄດ້ໃຊ້ສິນຄ້າໄທທີ່ມີຄຸນນະພາບ ແລະ ຍັງເປັນການເປີດໂອກາດໃຫ້ສິນຄ້າຈາກປະເທດໄທເຈົ້າໃໝ່ໆ ໄດ້ມີໂອກາດເຈາະຕະຫຼາດ ແລະ ເຂົ້າເຖິງຜູ້ບໍລິໂພກໃນ ລາວ.
ການຈັດງານດັ່ງກ່າວ ຍັງມີກິດຈະກຳອື່ນໆ ທີ່ໜ້າສົນໃຈໄດ້ແກ່: ການສະແດງສິລະປະວັດທະນະທຳ ໄທ-ລາວ, ການສາທິດການປຸງແຕ່ງອາຫານໄທ ແລະ ການສາທິດແກະສະຫຼັກໝາກໄມ້ ແລະ ອື່ນໆ.
ການຈັດງານ Mini Thailand Week 2025 ມີເປົ້າໝາຍເພື່ອໃຫ້ຜູ້ບໍລິໂພກຊາວລາວໃນຕ່າງແຂວງ, ຕົວແທນຈຳໜ່າຍ, ຜູ້ຊື້, ຜູ້ນຳເຂົ້າສິນຄ້າໄທໃນຕ່າງແຂວງ ໄດ້ຮູ້ຈັກສິນຄ້າໄທເພີ່ມຫຼາຍຂຶ້ນ ຕະຫຼອດຮອດການສ້າງພາບລັກ ແລະ ຮັກສາຄວາມນິຍົມໃຫ້ກັບສິນຄ້າໄທຢ່າງຕໍ່ເນື່ອງ.
ຂ່າວ: ຫຼວງພະບາງ
ຄໍາເຫັນ