ທີ່ສະໂມສອນສມປຊເນື່ອງໃນກອງປະຊຸມສອງສະພາຂອງຈີນທີ່ສໍາເລັດຫວ່າງບໍ່ດົນນີ້. ໂດຍການເຂົ້າຮ່ວມຂອງທ່ານພູວົງອຸ່ນຄໍາແສນຫົວໜ້າສະຖາບັນການເມືອງແລະການປົກຄອງແຫ່ງຊາດ, ທ່ານນາງ ຟາງຫົງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນປະຈໍາລາວ, ພ້ອມດ້ວຍບັນດາແຂກຮັບເຊີນ ແລະ ນັກຮຽນ-ນັກສຶກສາຈາກ ສມປຊ ເຂົ້າຮ່ວມ.
ທ່ານ ພູວົງ ອຸ່ນຄໍາແສນ ໄດ້ກ່າວວ່າ: ກອງປະຊຸມສອງສະພາຂອງຈີນໄດ້ໃຫ້ເຫັນບັນຫາສໍາຄັນຫຼາຍດ້ານ ທີ່ບັນດາປະເທດໃນໂລກສາມາດຖອດຖອນບົດຮຽນດັ່ງກ່າວນໍາໃຊ້ເຂົ້າການພັດທະນາປະເທດຂອງຕົນ. ໜຶ່ງໃນນັ້ນ ສປປ ລາວ ກໍຈະໄດ້ນໍາໃຊ້ບົດຮຽນດັ່ງກ່າວເຂົ້າໃນການສ້າງສາພັດທະນາປະເທດຊາດໂດຍສະເພາະຕໍ່ກັບບັນຫາທີ່ເຄັ່ງຮ້ອນ, ການນໍາໃຊ້ແນວທາງຂອງຈີນ ຢ່າງໜັກແໜ້ນໃນການແກ້ໄຂ ແລະ ຈະເປັນຊ່ອງທາງທີ່ດີທີ່ຂຽນປະຫວັດສາດໃໝ່ໃຫ້ກັບປະເທດທີ່ກຳລັງພັດທະນາໃນໂລກ ຊອກສະແຫວງຫາຄວາມເຂັ້ມແຂງຜ່ານຄວາມສາມັກຄີ.
ທ່ານ ເຊິ້ນຫາຍຊົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນປະທານ CMG ໄດ້ກ່າວຜ່ານວິດີໂອວ່າ: ໃນກອງະຊຸມສອງສະພາປີນີ້ ທ່ານສີຈິ້ນຜິງ ປະທານປະເທດ ຈີນ ໄດ້ກ່າວເນັ້ນວ່າ: ຕ້ອງເປີດປະຕູດ້ານລະບຽບການໃຫ້ກວ້າງອອກຕື່ມອີກ ແລະເປີດກວ້າງຂົງເຂດການຮ່ວມມືສາກົນຢ່າງບໍ່ຢຸດຢັ້ງ. ໃນຖານະເປັນກຸ່ມສື່ມວນຊົນທີ່ມີຂະໜາດໃຫຍ່ທີ່ສຸດ, ມີຮູບແບບສື່ຫຼາຍທີ່ສຸດ ແລະປົກຄຸມຂອບເຂດກວ້າງຂວາງທີ່ສຸດໃນໂລກ, ວິທະຍຸໂທລະພາບສູນກາງຈີນຍິນດີເສີມຂະຫຍາຍທ່າແຮງໃນດ້ານການເຜີຍແຜ່ໂຄສະນາ ແລະການປະດິດສ້າງດ້ານວິທະຍາສາດເຕັກນິກ ເພື່ອຮ່ວມກັບບັນດາເພື່ອນມິດໃນໂລກ ຊົມໃຊ້ໂອກາດພັດທະນາໃນການຫັນເປັນທັນສະໄໝຂອງຈີນ, ຊົມໃຊ້ໂອກາດປະດິດສ້າງໃໝ່ດ້ານວິທະຍາສາດເຕັກນິກຂອງຈີນແລະຖອດຖອນບົດຮຽນວັດທະນະທຳຮ່ວມກັນລະຫວ່າງຈີນກັບປະເທດຕ່າງໆ.
ທ່ານນາງ ຟາງຫົງ ໄດ້ກ່າວອວຍພອນວັນສ້າງຕັ້ງພັກປະຊາຊົນ ປະຕິວັດລາວຄົບຮອບ 70 ປີ ວ່າ:ການແບ່ງປັນເນື້ອໃນຈິດໃຈຂອງກອງປະຊຸມສອງສະພາຂອງຈີນຄື ການພັດທະນາຄຸນນະພາບສູງຕາມຄວາມທັນສະໄໝແບບຈີນ, ນະວັດຕະກຳວິທະຍາສາດເປັນແສງສະຫວ່າງໃນການພັດທະນາຮ່ວມກັນ, ຫຼັກການປະຊາຊົນມາກ່ອນ, ການເປີດກວ້າງລະດັບສູງເພື່ອຂະຫຍາຍພື້ນທີ່ຮ່ວມມືສາກົນແລະການຄຸ້ມຄອງພັກໃຫ້ເຂັ້ມງວດ ແລະ ຈີນຍິນດີຕ້ອນຮັບປະເທດຕ່າງໆ ແບ່ງປັນຜົນປະໂຫຍດຈາກການພັດທະນາຂອງຈີນ. ລາວເປັນສະຫາຍສັງຄົມນິຍົມ ແລະເປັນອ້າຍນ້ອງຂອງພວກເຮົາ, ທັງແມ່ນຄູ່ຮ່ວມມືທີ່ສຳຄັນທີ່ສຸດ. ຝ່າຍຈີນພ້ອມທີ່ຈະສົມທົບກັບຝ່າຍລາວເພື່ອຂະຫຍາຍການຮ່ວມມືທີ່ເປັນປະໂຫຍດ, ສ້າງຄວາມກ້າວໜ້າໃນການພັດທະນາເສັ້ນທາງເສດຖະກິດຈີນ-ລາວ, ສ້າງຄວາມເຂັ້ມແຂງໃຫ້ແກ່ລົດໄຟຈີນ-ລາວ, ເລັ່ງການພັດທະນາແບບຮອບດ້ານຕາມເສັ້ນທາງລົດໄຟ, ຂະຫຍາຍການຮ່ວມມືໃນດ້ານພະລັງງານ, ກະສິກຳ, ການທ່ອງທ່ຽວ, ການຮ່ວມມືດ້ານກົດໝາຍ ແລະການປະສານງານຫຼາຍຝ່າຍເພື່ອຮ່ວມກັນຮັກສາຄວາມສະຫງົບ ແລະການພັດທະນາຂອງພາກພື້ນ.
ຂ່າວ:ພາບ: ບຸນຕອມ
ຄໍາເຫັນ