ງົບປະມານ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນປີຜ່ານມາ

ໂດຍ: ສ.ບຸດປະຊາ 09:58 28/08/2025

ປີຜ່ານມາ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍຸກ ທີ່ກົມພັດທະນາຊົນນະບົດໄດ້ຮັບການອະນຸມັດງົບປະມານໂຄງການທຶນຂອງລັດ ລວມ 196.8 ຕື້ກີບ, ທຶນກູ້ຢືມ 52.45 ກວ່າຕື້ກີບ ແລະ ທຶນຊ່ວຍເຫຼືອ 2.8 ລ້ານຢວນ ຊຶ່ງໄດ້ເປັນເງື່ອນໄຂຊ່ວຍໃຫ້ການຈັດຕັ້ງປະຕິບັດວຽງການດັ່ງກ່າວ ມີຫຼາຍຄາດໝາຍສູ້ຊົນທີ່ສາມາດປະຕິບັດໄດ້ລື່ນແຜນການ ກໍຄືການສ້າງຄອບຄົວພັດທະນາ, ການສ້າງບ້ານໃຫຍ່ເປັນຕົວເມືອງໃນຊົນນະບົດ ແລະ ການສ້າງເມືອງເຂັ້ມແຂງຮອບດ້ານ.

ບົດສະຫຼຸບການຈັດຕັ້ງປະຕິບັດວຽກງານຂອງກົມພັດທະນາຊົນນະບົດປະຈໍາປີ 2024 ແລະ ທິດທາງແຜນການປີ 2025 ໄດ້ໃຫ້ຮູ້ວ່າ: ໃນປີ 2024 ໄດ້ຮັບງົບປະມານການລົງທຶນຂອງລັດ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ຄື: ບ້ວງທຶນດັດສົມສົ່ງເສີມ ແລະ ບໍາລຸງ (ພາກ 63) ຈໍານວນ 10 ໂຄງການ ມູນຄ່າ 1.3 ຕື້ກີບ; ບ້ວງທຶນເກີນແຜນ (ພາກ 65) ປີ 2022 ຈໍານວນ 16 ໂຄງການ ມູນຄ່າ 10 ຕື້ກີບ ແລະ ບ້ວງລົງທຶນຂອງລັດ (ພາກ 67) ຈໍານວນ 593 ໂຄງການ, ມູນຄ່າ 185.5 ຕື້ກີບ (ເປັນທຶນປົກກະຕິ ມູນຄ່າ 160 ຕື້ກີບ, ທຶນອື່ນໆ 25.5 ຕື້ກີບ). ໃນນີ້, ສໍາລັບພູດສູນກາງ (ກົມພັດທະນາຊົນນະບົດ) ຮັບຜິດຊອບຈັດຕັ້ງປະຕິບັດ 95 ໂຄງການ, ມູນຄ່າ 52.78 ຕື້ກີບ ແລະ ພູດກະຊວງແຜນການ ແລະ ການລົງທຶນ (ກົມແຜນການ) ຈັດສັນໃຫ້ທ້ອງຖິ່ນ ຈັດຕັ້ງປະຕິບັດ 498 ໂຄງການ, ມູນຄ່າ 132.72 ຕື້ກີບ.

ຕາມຂໍ້ມູນໃນບົດສະຫຼຸບ, ມາຮອດເດືອນມີນາປີນີ້ ສາມາດຈັດຕັ້ງປະຕິບັດງົບປະມານການລົງທຶນຂອງລັດ ພາກ 63 ສໍາເລັດ 10 ໂຄງການ, ມູນຄ່າ 1.3 ຕື້ກີບ; ບ້ວງທຶນເກີນແຜນ (ພາກ 65) ປີ 2022 ສໍາເລັດ 14 ໂຄງການ, ຍັງ 1 ໂຄງການ ພວມປະກອບເອກະສານ ເພື່ອຂໍການຊໍາລະມູນຄ່າໂຄງການຕາມສັນຍາ (ໂຄງການສ້ອມແປງທາງຊົນນະບົດ ຢູ່ເມືອງກະລຶມ ແຂວງເຊກອງ) ແລະ ອີກ 1 ໂຄງການພວມສຸມໃສ່ຈັດຕັ້ງປະຕິບັດໃຫ້ສໍາເລັດ ແລະ ສາມາດຖອນງົບປະມານ ເພື່ອຊໍາລະມູນຄ່າໂຄງການໃຫ້ທັນກ່ອນວັນທີ 30 ມີນາ 2025 ນີ້ (ໂຄງການສ້ອມແປງຊົນລະປະທານຫ້ວຍຂະ ເມືອງລອງ ແຂວງຫຼວງນໍ້າທາ); ສ່ວນງົບປະມານການລົງທຶນຂອງລັດ ພາກ 67 ບ້ວງທຶນສູນກາງຄຸ້ມຄອງ 95 ໂຄງ ການ ມູນຄ່າ 52.78 ຕື້ກີບ ແມ່ນຈັດຕັ້ງປະຕິບັດສໍາເລັດຕາມການອະນຸມັດທຸກໂຄງການ.

ເງິນກູ້ຢືມຈາກທະນາຄານໂລກ (ໂຄງການຫຼຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ) ໄດ້ເບີກຈ່າຍເງິນອຸດໜູນໃຫ້ຜູ້ໄດ້ຮັບຜົນປະໂຫຍດທັງໝົດ 52,451,100,000 ກີບ. ໃນນັ້ນ, ມີຜູ້ໄດ້ຮັບ ຜົນປະໂຫຍດທັງໝົດ 30,306 ຄົນ (ແມ່ຍິງຖືພາ 4,436 ຄົນ ແລະ ເດັກນ້ອຍ 25,870 ຄົນ), ຢູ່ໃນ 868 ບ້ານ, 12 ເມືອງ ແລະ 4 ແຂວງ (ແຂວງຊຽງຂວາງ, ແຂວງອຸດົມໄຊ, ແຂວງຜົ້ງສາລີ ແລະ ແຂວງຫົວພັນ).

ເງິນຊ່ວຍເຫຼືອຈາກເຂດປົກຄອງຕົນເອງຊົນເຜົ່າຈວງກວາງຊີ ສປ ຈີນ ຈໍານວນ 2.8 ລ້ານຢວນ ທີ່ຈັດຕັ້ງປະຕິບັດຢູ່ບ້ານທ່າດອກຄໍາ ເມືອງໄຊທານີ ນະຄອນຫຼວງວຽງຈັນ. ໃນປີ 2024, ໄດ້ສຸມໃສ່ການກໍ່ສ້າງເຮືອນຮົ່ມທີ່ທັນສະໄໝ ເພື່ອສ້າງເປັນສູນສາທິດການປູກພືດຜັກ ແລະ ກິດຈະກໍາອື່ນໆທີ່ຕິດພັນ ເປັນຈໍານວນ ເງິນ 1,800,000 ຢວນ.

ສັງລວມແລ້ວ, ບັນດາທຶນງົບປະມານດັ່ງກ່າວ ທີ່ໃຊ້ເຂົ້າໃນການພັດທະນາຊົນນະບົດ ແລະ ແກ້ໄຂຄວາມທຸກຍາກ ຢູ່ ສປປ ລາວ ແມ່ນມີຫຼາຍຮ້ອຍຕື້ ແລະ ໄດ້ປະກອບສ່ວນຊ່ວຍໃຫ້ຫຼາຍຄາດໝາຍສູ້ຊົນຂອງວຽກງານດັ່ງກ່າວ ໃນປີ 2024 ສາມາດປະຕິບັດໄດ້ລື່ນແຜນການ ກໍຄື 3 ຄາດໝາຍ: ການສ້າງຄອບຄົວພັດທະນາ, ສ້າງໄດ້ 46,099 ຄອບຄົວ ກວມ 139,69%; ການສ້າງບ້ານໃຫຍ່ເປັນຕົວເມືອງໃນຊົນນະບົດ, ສ້າງໄດ້ 22 ຈຸດ, ລື່ນຄາດໝາຍວາງໄວ້ (ຄາດໝາຍສູ້ຊົນ 4 ຈຸດ); ການສ້າງເມືອງເຂັ້ມແຂງຮອບດ້ານ, ສ້າງໄດ້ 5 ເມືອງກວມ 125% ຂອງຄາດໝາຍທີ່ກໍານົດໄວ້ (ຄາດໝາຍສູ້ຊົນ 4 ເມືອງ).

ໂດຍ: ສ.ບຸດປະຊາ

ຄໍາເຫັນ

ຂ່າວວັດທະນະທຳ-ສັງຄົມ

ອພສ ຈຳປາສັກ ປາຖະກະຖາທຳ ຢູ່ເມືອງປາກຊ່ອງ ເພື່ອສົ່ງເສີມສິນລະທຳ

30/09/2026 16:33

ວັນທີ 30 ກັນຍານີ້, ອົງການພຸດທະສາສະໜາສຳພັນລາວ (ອພສ) ແຂວງຈຳປາສັກ ໄດ້ເຄື່ອນໄຫວຈັດພິທີປາຖະກະຖາທຳ ທີ່ສະໂມສອນເມືອງປາກຊ່ອງ ແຂວງຈຳປາສັກ. ໂດຍການເປັນປະທານຮ່ວມຂອງພະອາ ຈານໃຫຍ່ ມະຫາ ສຸວັນ ຈັນທະລາດ ປະທານ ອພສ ແຂວງ ພ້ອມຄະນະ, ໂດຍມີທ່ານ ບຸນລິດ ເທບບຸນສູງ ກຳມະການພັກແຂວງ, ເລຂາພັກເມືອງປາກຊ່ອງ, ພະອາຈານ ສຸພົນ ກອງມະນີວັນ ປະທານ ອພສ ເມືອງປາກຊ່ອງ, ມີບັນດາພະນັກງານການນຳຫຼັກແຫຼ່ງເມືອງ, ຄູ-ອາຈານ, ນັກຮຽນ ເຂົ້າຮ່ວມ.

ຄໍາມ່ວນ ວາງແຜນຄຸ້ມຄອງອະນຸລັກ ແລະ ພັດທະນາອຸທິຍານທໍລະນີຫີນບູນ

30/09/2026 13:21

ແຂວງຄໍາມ່ວນໄດ້ຈັດກອງປະຊຸມຄະນະວິທະຍາສາດ ເພື່ອຄົ້ນຄວ້າ, ປະເມີນຜົນ ແລະ ວາງແຜນຄຸ້ມຄອງ-ອະນຸລັກ ພື້ນທີ່ອຸທິຍານທໍລະນີຫີນບູນ (HinbounGeopark) ໃນວັນທີ 29 ກັນຍາຜ່ານມາທີ່ ແຂວງຄຳມ່ວນ, ໂດຍມີທ່ານ ບຸນປັນ ພຸດທະອາມາດ ຫົວໜ້າພະແນກຄຸ້ມຄອງປ່າສະຫງວນ (ຜູ້ຕາງໜ້າຈາກກົມປ່າໄມ້ (ກະຊວງກະສິກໍາ ແລະ ສິ່ງແວດລ້ອມ), ທ່ານ ບຸນປອນ ທອງສຸວັນນະລາດຮອງຫົວໜ້າພະແນກສຶກສາທິການ ແລະ ກິລາແຂວງ,ມີຊ່ຽວຊານ ແລະ ນັກວິທະຍາສາດ ຈາກຫຼາຍສາຂາວິຊາຊີບ ທັງພາຍໃນ ແລະ ຕ່າງປະເທດແລະພາກສ່ວນກ່ຽວຂ້ອງເຂົ້າຮ່ວມ.

ປາກຊ່ອງເຜີຍແຜ່ເຊື່ອມຊຶມກົດລະບຽບຂອງພັກສະໄໝທີXII

30/09/2026 13:18

ເມືອງປາກຊ່ອງແຂວງຈຳປາສັກໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານກົດລະບຽບຂອງພັກປະຊາຊົນປະຕິວັດລາວສະໄໝທີXII ແລະຜັນຂະຫຍາຍຈັດຕັ້ງຮ່ຳຮຽນເອກະສານ5ບົດອົບຮົມສະມາຊິກພັກທົ່ວເມືອງ, ໃນວັນທີ 29 ກັນຍາຜ່ານມາທີ່ ເມືອງປາກຊ່ອງ, ພາຍໃຕ້ການເປັນປະທານຂອງສະຫາຍບຸນລິດເທບບຸນສູງກຳມະການພັກແຂວງເລຂາຄະນະບໍລິຫານງານພັກເມືອງປາກຊ່ອງ, ມີບັນດາສະຫາຍຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງແລະພາກສ່ວນກ່ຽວຂ້ອງເຂົ້າຮ່ວມ.

ຄໍາມ່ວນ ທໍາລາຍຊິ້ນສ່ວນເຄື່ອງໃນໝູນ້ຳໜັກ 28 ໂຕນ

30/09/2026 13:16

ຂະແໜງລ້ຽງສັດ ແລະ ການປະມົງພະແນກກະສິກຳແລະສິ່ງແວດລ້ອມແຂວງຄໍາມ່ວນຮ່ວມກັບພາກສ່ວນກ່ຽວຂ້ອງໄດ້ຈັດພິທີຝັງທໍາລາຍຊິ້ນສ່ວນເຄື່ອງໃນໝູຈໍານວນ 1,400 ແພັກ, ມີນໍ້າໜັກ 28 ໂຕນ, ໃນວັນທີ 29 ກັນຍາຜ່ານມາທີ່ ສະໜາມຖິ້ມຂີ້ເຫຍື້ອ ເມືອງທ່າແຂກ.

ເຜີຍແຜ່ດຳລັດ 112/ລບ ກຳນົດມາດຕະການປັບໄໝຜູ້ລະເມີດລະບຽບຊັບສິນຂອງລັດ

30/09/2026 13:14

ແຂວງອັດຕະປື ຈັດກອງປະຊຸມເຜີຍແຜ່ດຳລັດ ວ່າດ້ວຍການປັບໄໝ ແລະ ການນຳໃຊ້ມາດຕະການອື່ນ ຕໍ່ຜູ້ລະເມີດກົດໝາຍ ແລະ ລະບຽບການ ກ່ຽວກັບຊັບສິນຂອງລັດ, ພ້ອມທັງທາບທາມຮ່າງວິໄສທັດ ຮອດປີ 2040 ແລະ ຮ່າງຍຸດທະສາດການຄຸ້ມຄອງຊັບສິນຂອງລັດ ຮອດປີ 2035 ເພື່ອສ້າງຄວາມເຂົ້າໃຈເປັນອັນດຽວກັນ ແລະ ຍົກສູງປະສິດທິພາບການຄຸ້ມຄອງຊັບສິນແຫ່ງລັດ.

ຄະນະຮັບຜິດຊອບ ລົງຊຸກຍູ້ການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ຢູ່ ວຕຊ ເລກ II ສະຫວັນນະເຂດ

30/09/2026 12:29

ວັນທີ 29 ກັນຍາຜ່ານມາ, ຄະນະຮັບຜິດຊອບເຄື່ອນໄຫວຊຸກຍູ້ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຂັ້ນກົມໃຫຍ່ການເມືອງປ້ອງກັນຄວາມສະຫງົບ ນຳໂດຍ ສະຫາຍ ພັອ ວັນນະເລດ ບຸດຕະວົງ ຄະນະພັກກົມໃຫຍ່ການເມືອງ ຫົວໜ້າຫ້ອງການເມືອງ ກົມໃຫຍ່ການເມືອງ ປກສ, ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ຢູ່ວິທະຍາໄລຕຳຫຼວດປະຊາຊົນ ວຕຊ ເລກ II ສະຫວັນນະເຂດ ໂດຍການຕ້ອນຮັບຂອງສະຫາຍ ພັອ ວີຄຳ ຂຸນສຳນານ ເລຂາຄະນະພັກ ຫົວໜ້າວິທະຍາໄລ ມີຄະນະຮັບຜິດຊອບທັງສອງຝ່າຍ ເຂົ້າຮ່ວມ.

ກອງພັນໃຫຍ່ 497 ປິດຊຸດຝຶກອົບຮົມທະຫານໃໝ່ ປະຈຳປີ 2025

30/09/2026 12:23

ວັນທີ 29 ກັນຍາຜ່ານມາ, ກອງພັນໃຫຍ່ 497 ຈັດພິທີປິດຊຸດຝຶກອົບຮົມທະຫານໃໝ່ ປະຈຳປີ 2025 ໂດຍການເປັນປະທານຂອງສະຫາຍ ພັນເອກ ທອງດຳ ດວງມາລາ ຫົວໜ້າການທະຫານ ກອງພັນໃຫຍ່ 497, ມີຄະນະພັກ-ຄະນະບັນຊາ, ຂະແໜງການກ່ຽວຂ້ອງ, ຄູ-ອາຈານ ແລະ ກໍາລັງທະຫານໃໝ່ ເຂົ້າຮ່ວມ.

ນາຍ ແລະ ພົນຕໍາຫຼວດ ປກສ ເມືອງເງິນ ໄດ້ຮັບຫຼຽນກາລະນຶກ 50 ປີ ວັນສະຖາປະນາ ສປປລາວ

30/09/2026 11:02

ພິທີປະດັບຫຼຽນກາລະນຶກ 50 ປີ ວັນສະຖາປະນາ ສປປລາວ ແລະ ປະກາດເລື່ອນຊັ້ນນາຍ ແລະ ພົນ ຕໍາຫຼວດ ປກສ ເມືອງເງິນ ແຂວງໄຊຍະບູລີ ຈັດຂຶ້ນໃນວັນທີ 30 ກັນຍານີ້, ທີ່ກອງບັນຊາການ ປກສ ເມືອງ ເປັນກຽດເຂົ້າຮ່ວມຂອງສະຫາຍ ທອງພັນ ສຸກສະຫວັດ ກໍາມະການພັກແຂວງ ເລຂາຄະນະບໍລິຫານງານພັກເມືອງ ປະທານປ້ອງກັນຊາດ-ປ້ອງກັນຄວາມສະຫງົບເມືອງ, ມີສະຫາຍ ພັທ ສົມພອນ ພູມມາລີ ກໍາມະການພັກເມືອງ ຫົວໜ້າກອງບັນຊາການ ປກສ ເມືອງ, ມີຄະນະພັກ-ຄະນະບັນຊາ, ນາຍ ແລະ ພົນຕໍາຫຼວດເຂົ້າຮວມ.

ເປີດອົບຮົມກວດສອບເລຂາ, ຮອງເລຂາຄັ້ງທີ I ທົ່ວຄະນະພັກຮາກຖານ ກອງພັນຂົນສົ່ງ 402

30/09/2026 10:42

ພິທີເປີດຊຸດຝຶກອົບຮົມກວດສອບເລຂາ, ຮອງເລຂາຄັ້ງທີ I ທົ່ວຄະນະພັກຮາກຖານ ກອງພັນຂົນສົ່ງ 402 ກອງທັບ ຈັດຂຶ້ນໃນວັນທີ 29 ກັນຍາຜ່ານມາ, ໂດຍການເປັນປະທານຂອງສະຫາຍ ພົນຈັດຕະວາ ຕີເບດ ສີແພງຄູນ ກໍາມະການຄະນະພັກອົງການກົມໃຫຍ່, ຫົວໜ້າຫ້ອງການເມືອງ ກົມໃຫຍ່ພະລາທິການກອງທັບ, ມີຄະນະຊີ້ນໍາລວມ, ອະນຸກຳມະການ, ວິຊາການ ແລະ ນັກກວດສອບເລຂາ-ຮອງເລຂາ ທົ່ວຄະນະພັກຮາກຖານ ກອງພັນຂົນສົ່ງ 402 ກອງທັບ ແລະ ຄະນະໜ່ວຍພັກ ສາງນໍ້າມັນເຊື້ອໄຟເລກ 7 ກອງທັບ ເຂົ້າຮ່ວມ.

ຜ່ານແຜນການຂຽນປະຫວັດສາດມູນເຊື້ອ ຂອງກອງບັນຊາການທະຫານແຂວງອັດຕະປື

30/09/2026 10:28

ວັນທີ 29 ກັນຍາຜ່ານມາ, ຄະນະສະພາວິທະຍາສາດ-ປະຫວັດສາດ (ວສ-ປສ) ການທະຫານຂັ້ນທ້ອງ ຖິ່ນແຂວງອັດຕະປື ໄດ້ເປີດກອງປະຊຸມ ຜ່ານແຜນການຂຽນປະຫວັດສາດມູນເຊື້ອ ຂອງກອງບັນຊາການທະຫານແຂວງອັດຕະປື ແຕ່ປີ 1959-2025, ໂດຍການເປັນປະທານຂອງສະຫາຍ ພັນເອກ ບຸນເຊີຍ ສີປະເສີດ ຫົວໜ້າການທະຫານ ກອງບັນຊາການທະຫານແຂວງ, ປະທານ ສະພາ ວສ-ປສ ການທະຫານຂັ້ນທ້ອງຖິ່ນແຂວງ, ມີສະຫາຍ ພົນຈັດຕະວາ ສີສົມໃຈ ມະໂນລາ ຫົວໜ້າການເມືອງ ກອງບັນຊາການທະຫານແຂວງ ພ້ອມດ້ວຍຄະນະສະພາ ວສ-ປສ ການທະຫານຂັ້ນທ້ອງຖິ່ນເຂົ້າຮ່ວມ.

ເພີ່ມເຕີມ