 |
ທ່ານ ສຸລິເດດ ສຸວັນນະຈູມຄໍາ ຮອງຫົວໜ້າພະແນກການເງິນ ນວ ໄດ້ລາຍງານຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ໂດຍເນັ້ນໃສ່ 6 ເປົ້າໝາຍສຳຄັນ ເພື່ອສ້າງຄວາມເຂັ້ມແຂງທາງດ້ານເສດຖະກິດ ການຄຸ້ມຄອງລັດທີ່ມີປະສິດທິພາບ ແລະ ການພັດທະນາສັງຄົມທີ່ຍືນຍົງ.
ສຳລັບການຄຸ້ມຄອງອາກອນມູນຄ່າເພີ່ມ (ອມພ) ແລະ ການນຳໃຊ້ໃບເກັບເງິນເອເລັກໂຕຣນິກ E-Tax Invoice ໃນປີ 2026 ຕາມແຜນການຫັນຫົວໜ່ວຍເຂົ້າລະບົບ ອມພ ທັງໝົດ 1,255 ຫົວໜ່ວຍ ເປົ້າໝາຍການນຳໃຊ້ E-Tax Invoice ກຳນົດໄວ້ 790 ຫົວໜ່ວຍ (ເນັ້ນຂະແໜງໂຮງແຮມ, ຮ້ານອາຫານ ແລະ ຮ້ານມີນີມາກ).
ຜ່ານການປະຕິບັດຕົວຈິງ, ຄະນະຮັບຜິດຊອບຈາກກະຊວງການເງິນ ຜູ້ພັດທະນາ, ຄະນະຮັບຜິດຊອບ ນວ ແລະ ເມືອງໄດ້ລົງເຄື່ອນໄຫວຕິດຕັ້ງນໍາໃຊ້ໃບເກັບເງິນແບບອີເລັກໂຕຣນິກ E-Tax Invoice ແລະ ການເຊື່ອມຕໍ່ລະບົບຂໍ້ມູນການຂາຍສິນຄ້າ-ບໍລິການ POS ໄດ້ເຮັດບົດບັນທຶກທັງໝົດ 51 ຫົວໜ່ວຍ. ໃນນີ້, ໄດ້ຕິດຕັ້ງລະບົບ E-Tax Invoice ສໍາເລັດແລ້ວ 33 ຫົວໜ່ວຍ, ເຊື່ອມຕໍ່ລະບົບສໍາເລັດແລ້ວ 11 ຫົວໜ່ວຍ ແລະ Odoo ນໍາໃຊ້ຕົວຈິງ 2 ຫົວໜ່ວຍ.
 |
ໂອກາດນີ້, ທ່ານ ສັນຕິພາບ ພົມວິຫານ ໄດ້ເນັ້ນໜັກວ່າ: ການນໍາໃຊ້ລະບົບ E-Tax Invoice ບໍ່ພຽງແຕ່ເປັນການຫັນເປັນທັນສະໄໝ ໃນການເກັບລາຍຮັບຂອງລັດເທົ່ານັ້ນ ແຕ່ຍັງເປັນການອຳນວຍຄວາມສະດວກໃຫ້ ຫົວໜ່ວຍທຸລະກິດ ໃຫ້ສາມາດຕິດຕາມກວດກາບັນຊີໄດ້ຢ່າງເປັນລະບົບ ໂປ່ງໃສ ແລະ ຈັດເກັບລາຍຮັບເຂົ້າງົບ ປະມານໄດ້ຢ່າງຄົບຖ້ວນ.
ຂ່າວ: ວຽງຈັນໃໝ່
ຄໍາເຫັນ