 |
ລາຍການທີ່ນໍາມາສະແດງມີທັງໝົດ 26 ລາຍການ ເຊິ່ງປະກອບມີ: ບົດເພງ, ບົດຟ້ອນ ຊຶ່ງສະແດງໂດຍໜ່ວຍສີລະປະສະໝັກຫຼິ້ນກອງພົນທີ 2, ບັນດາກົມກອງອ້ອມຂ້າງກອງພົນທີ 2, ສີລະປະຈາກນັກຮຽນມັດທະຍົມ, ປະຖົມ, ອະນຸບານ ແລະ ສີລະປະຈາກບ້ານພື້ນຖານ: ບ້ານປົ່ງວາງ ແລະ ບ້ານກິ່ວແຄມ, ແຕ່ລະບົດທີ່ນຳມາສະແດງລ້ວນແຕ່ມີເນື້ອໃນສ່ອງແສງເຖິງມູນເຊື້ອການເຕີບໃຫຍ່ຂະຫຍາຍຕົວຂອງກອງທັບ, ຜົນງານການຊີ້ນຳ-ນຳພາອັນສະຫຼາດສ່ອງໃສຂອງຄະນະພັກກອງພົນທີ 2, ຜົນງານການເຄື່ອນໄຫວຂອງພະນັກງານ-ນັກຮົບ ຕະຫຼອດໄລຍະຜ່ານມາ
 |
ໃນການປະກອບສ່ວນສ້າງສາກົມກອງ ແລະ ຍັງໄດ້ສ້າງຄວາມປະທັບໃຈແກ່ຜູ້ຊົມເປັນຢ່າງດີ ທັງເປັນການປະກອບສ່ວນໃຫ້ນາຍ ແລະ ພົນທະຫານ ແລະ ປະຊາຊົນລາວບັນດາເຜົ່າ ໃຫ້ມີຄວາມຫ້າວຫັນໃນການຈັດຕັ້ງປະຕິບັດໜ້າທີ່ວຽກງານ, ພ້ອມນັ້ນຍັງເປັນການອະນຸລັກຮັກສາວັດທະນະທຳຂອງຊາດລາວ ເອົາໄວ້ ແລະ ເສີມຂະຫຍາຍໃຫ້ມີຄວາມຈະເລີນໄປກັບຍຸກສະໄໝ, ເອກອ້າງຄວາມສວຍງາມອັນເປັນເອກະລັກສະເພາະຂອງວັດທະນະທຳລາວ, ການຈັດງານສະແດງໃນຄັ້ງນີ້ ກໍ່ເພື່ອເປັນການຂໍ່ານັບຊົມເຊີຍ ວັນສ້າງຕັ້ງກອງພົນທີ 2 ຄົບຮອບ 45 ປີ ແລະ ມີບັນຍາກາດອັນຄຶກຄືນມ່ວນຊື່ນ.
 |
ຂ່າວ: ຄຳຮັກ ໄຊວັນທອນ
ຄໍາເຫັນ