ໄວຣັດດັ່ງກ່າວໄດ້ຖືກລະບຸວ່າເປັນເຊື້ອໄວຣັດໄຂ້ຫວັດສັດປີກ H5N1 ຊະນິດຍ່ອຍ 2.3.4.4b ຊຶ່ງກໍາລັງແຜ່ລະບາດທົ່ວໂລກ ແລະ ຖືກກວດພົບໃນນົກບາງໂຕຕາມແຄມຝັ່ງທະເລອົສຕຣາລີເມື່ອບໍ່ດົນມານີ້.
ຖະແຫຼງການດັ່ງກ່າວຊີ້ໃຫ້ເຫັນວ່າ: ເຊື້ອໄວຣັດໄຂ້ຫວັດສັດປີກ H5 ມີຄວາມສ່ຽງຕໍ່າຕໍ່ສຸຂະພາບຂອງປະຊາຊົນ, ຍ້ອນວ່າມັນບໍ່ຄ່ອຍມີຜົນກະທົບຕໍ່ມະນຸດ ຍົກເວັ້ນການສຳຜັດໂດຍກົງ ແລະ ໃກ້ຊິດກັບນົກທີ່ເຈັບປ່ວຍເປັນຈຳນວນຫຼາຍ. ຖະແຫຼງການດັ່ງກ່າວເນັ້ນໜັກວ່າໄຂ່ ແລະ ຊີ້ນສັດປີກຍັງຄົງປອດໄພສຳລັບການບໍລິໂພກ ແລະ ຮຽກຮ້ອງໃຫ້ປະຊາຊົນຫຼີກລ່ຽງການແຕະຕ້ອງ ຫຼື ຈັບນົກທີ່ເຈັບປ່ວຍ ຫຼື ຕາຍ ແລະ ລາຍງານເຈົ້າໜ້າທີ່ຫາກພົບເຫັນນົກທີ່ຕິດເຊື້ອສາມໂຕ ຫຼື ຫຼາຍກວ່ານັ້ນ.
ໃນຂະນະດຽວກັນ, ອົງການອະນຸລັກນູແວນເຊລັງໄດ້ເລີ່ມສັກຢາວັກຊິນໃຫ້ນົກພໍ່ພັນແມ່ພັນ 300 ໂຕ ຈາກ 5ຊະນິດທີ່ໃກ້ຈະສູນພັນຫຼາຍທີ່ສຸດຂອງປະເທດ ຊຶ່ງລວມທັງນົກກາກາໂປ ແລະ ນົກຕາກາເຮ ເພື່ອກຽມຄວາມພ້ອມ ແລະ ຮັບມືກັບຄວາມສ່ຽງ.
ຄໍາເຫັນ