ບົດລາຍງານຄາດຄະເນວ່າ: ຈະມີການຂຶ້ນລາຄາສືບຕໍ່ໄປຈົນຮອດລະດູຮ້ອນ ແລະ ຫຼັງຈາກນັ້ນ, ພ້ອມທັງ ຄາດຄະເນວ່າຈຳນວນສິນຄ້າທີ່ໄດ້ຮັບຜົນກະທົບທັງໝົດຕະຫຼອດປີຈະເກີນ 10,000 ລາຍການ ຊຶ່ງຈະເປັນປີທີຫ້າຕິດຕໍ່ກັນທີ່ໂຕເລກລາຍການສິນຄ້າທີ່ຂຶ້ນລາຄາໄດ້ເກີນ 10,000 ລາຍການ ນັບຕັ້ງແຕ່ເລີ່ມຕິດຕາມຂໍ້ມູນໃນປີ 2022.
ເມື່ອແບ່ງຕາມໝວດໝູ່, ເຄື່ອງປຸງ, ລວມທັງເຄື່ອງເທດ ກວມເອົາສ່ວນແບ່ງສ່ວນໃຫຍ່ຂອງການເພີ່ມຂຶ້ນຂອງລາຄາໃນເດືອນມິຖຸນານີ້ ລວມທັງໝົດ 450 ລາຍການ, ຕາມດ້ວຍອາຫານປຸງແຕ່ງເຊັ່ນ: ໝີ່ສຳເລັດຮູບ ອີກ 304 ລາຍການ. ໂດຍຍອດລວມປະຈຳປີ ຊຶ່ງລວມທັງສິນຄ້າທີ່ມີກຳນົດຂຶ້ນລາຄາຈົນຮອດເດືອນຕຸລາ ຢູ່ທີ່ 9,361 ລາຍການແລ້ວ.
ທັງນີ້, ເມື່ອສອບຖາມເຈົ້າຂອງທຸລະກິດຕ່າງໆກ່ຽວກັບປັດໄຈທີ່ຢູ່ເບື້ອງຫຼັງການເພີ່ມຂຶ້ນຂອງລາຄາ, ໂດຍໃຫ້ສາມາດຕອບໄດ້ຫຼາຍຂໍ້ ພົບວ່າ: ສາເຫດຫຼັກຂອງການຂຶ້ນລາຄາແມ່ນຍ້ອນຕົ້ນທຶນວັດຖຸດິບທີ່ສູງຂຶ້ນ (97.7%), ຄ່າຂົນສົ່ງທີ່ສູງຂຶ້ນ (74.1%), ລວມທັງການເພີ່ມຂຶ້ນຂອງຄ່າໃຊ້ຈ່າຍການຫຸ້ມຫໍ່ ແລະ ວັດສະດຸ (73.7%). ໃນຂະນະດຽວກັນ, ຄວາມເຄັ່ງຕຶງໃນຕາເວັນອອກກາງ ຊຶ່ງເພີ່ມເຂົ້າເປັນຕົວເລືອກໃນການສຳຫຼວດຄັ້ງນີ້ ໄດ້ຖືກລະບຸວ່າເປັນສາເຫດຂອງການຂຶ້ນລາຄາ ຂອງຜູ້ຕອບແບບສອບຖາມ 22.7%.
ຄໍາເຫັນ