ສຳນັກຂ່າວສານຊິນຮວາລາຍງານໃນທ້າຍອາທິດຜ່ານມາວ່າ: ສຳນັກງານກວດຄົນເຂົ້າເມືອງຍີ່ປຸ່ນໄດ້ປະກາດຮ່າງຄຳສັ່ງຄະນະລັດຖະມົນຕີເພື່ອເພີ່ມຄ່າທຳນຽມສຳລັບຄົນຕ່າງປະເທດທີ່ຕ້ອງການປ່ຽນ ຫຼື ຕໍ່ອາຍຸສະຖານະພາບການຢູ່ອາໄສຈາກ 6,000 ເຢນ ໃນປັດຈຸບັນ ເປັນ 75,000 ເຢນ. ໂດຍຄ່າທຳນຽມ ໃໝ່ສຳລັບການປ່ຽນແປງສະຖານະພາບການຢູ່ອາໄສຊົ່ວຄາວ ແລະ ການຕໍ່ອາຍຸການຢູ່ອາໄສຈະຢູ່ລະຫວ່າງ 10,000 ຫາ 75,000 ເຢນ ຂຶ້ນກັບໄລຍະເວລາພັກເຊົາ.
ຄ່າທຳນຽມການຕໍ່ອາຍຸໃນປັດຈຸບັນແມ່ນ 6,000 ເຢນ ສຳລັບການສະໝັກດ້ວຍຕົນເອງ, ໂດຍບໍ່ຄຳນຶງເຖິງໄລຍະເວລາພັກເຊົາ. ໃນຂະນະດຽວກັນ, ຄ່າທຳນຽມສຳລັບການສະໝັກຂໍຢູ່ອາໄສຖາວອນຈະເພີ່ມຂຶ້ນຈາກ 10,000 ເຢນ ເປັນ 200,000 ເຢນ.
ສຳນັກງານດັ່ງກ່າວລະບຸວ່າ: ການເພີ່ມຂຶ້ນຂອງຄ່າທຳນຽມຄາດວ່າຈະມີຜົນບັງຄັບໃຊ້ໃນເດືອນຕຸລາຈະມາເຖິງນີ້, ຫຼັງຈາກເປີດໃຫ້ສາທາລະນະຊົນສະແດງຄວາມຄິດເຫັນ ຊຶ່ງເລີ່ມຕັ້ງແຕ່ວັນທີ 3 ກໍລະກົດ ຜ່ານມາ.
ຄໍາເຫັນ