ຜົນການສຳຫຼວດດັ່ງກ່າວດຳເນີນໂດຍສະຖາບັນສົ່ງເສີມເສດຖະກິດດີຈີຕອນ ແລະ ການພັດທະນາຊຸມຊົນຍີ່ປຸ່ນຜ່ານທາງລະບົບອອນລາຍ ໃນກາງເດືອນມັງກອນຜ່ານມາພົບວ່າ: ໃນບັນດາແມ່ຍິງອາຍຸລະຫວ່າງ 60-70 ປີ, ມີເຖິງ 47.8% ທີ່ລະບຸວ່າເລືອກປຶກສາກັບ AI, ໃນຂະນະທີ່ 37.3% ເລືອກປຶກສາກັບມະນຸດ.
ເມື່ອພິຈາລະນາຜົນສຳຫຼວດຂອງຜູ້ຕອບແບບສອບຖາມທັງໝົດ ພົບວ່າ: 45.8% ຍັງເລືອກຂໍຄໍາແນະນໍາຈາກມະນຸດ, ສ່ວນ 36.5% ເລືອກ AI ເມື່ອຕ້ອງການຄໍາແນະນໍາທີ່ເປັນກາງ ແລະ ປາສະຈາກອັກຄະຕິກ່ຽວກັບບັນຫາລະຫວ່າງບຸກຄົນ. ໃນຂະນະທີ່ອີກ 17.7% ລະບຸວ່າບໍ່ແນ່ໃຈ ຫຼື ບໍ່ຕ້ອງການເລືອກທັງສອງທາງ.
ສໍາລັບຜູ້ຊາຍອາຍຸ 60-70 ປີ, ຜົນການສຳຫຼວດພົບວ່າ 57.0% ຍັງມັກປຶກສາກັບມະນຸດ, ໃນຂະນະທີ່ 25.2% ເລືອກໃຊ້ AI.
ທ່ານ ອັດສຶຊິ ນາກາໂກມິ ຮອງສາດສະດາຈານຈາກມະຫາວິທະຍາໄລຊິບະ ຊຶ່ງສຶກສາດ້ານການເຊື່ອມໂຍງລະຫວ່າງ AI ກັບສຸຂະພາບຂອງມະນຸດ ກ່າວວ່າ: ຮູ້ສຶກແປກໃຈທີ່ແມ່ຍິງອາຍຸສູງເປັນກຸ່ມທີ່ມີທ່າອ່ຽງເລືອກ AI ຫຼາຍກວ່າ, ທ່ານໄດ້ອະທິບາຍວ່າ: AI ອາດຈະຊ່ວຍໃຫ້ຄົນຮູ້ສຶກສະບາຍໃຈຫຼາຍຂຶ້ນໃນການສະແດງຄວາມຮູ້ສຶກຂອງເຂົາເຈົ້າ ເພາະວ່າເຂົາເຈົ້າສາມາດຂໍຄໍາແນະນໍາໄດ້ໂດຍບໍ່ຕ້ອງກັງວົນວ່າຈະຖືກຕັດສິນ ຫຼື ເບິ່ງໃນທາງລົບຈາກຄົນອື່ນ.
ທັງນີ້, ການສຳຫຼວດດັ່ງກ່າວໄດ້ລວບລວມຄໍາຕອບທີ່ສົມບູນຈາກ 1,449 ຄົນໃນປະເທດຍີ່ປຸ່ນທີ່ມີອາຍຸລະຫວ່າງ18-79 ປີ.
ຄໍາເຫັນ