ລັດຖະບານຍີ່ປຸ່ນໄດ້ເລີ່ມຕົ້ນການປ່ອຍນໍ້າມັນຈາກຄັງສຳຮອງຄັ້ງໃຫຍ່ທີ່ສຸດແບບບໍ່ເຄີຍມີມາກ່ອນໃນກາງເດືອນມີນາເພື່ອຮັກສາສະຖຽນລະພາບການສະໜອງ ຫຼັງຈາກຂໍ້ຂັດແຍ່ງໃນຕາເວັນອອກກາງໄດ້ລະເບີດຂຶ້ນໃນທ້າຍເດືອນກຸມພາ ຊຶ່ງເຮັດໃຫ້ຊ່ອງແຄບຮໍມຸສທີ່ເປັນເສັ້ນທາງການຂົນສົ່ງນໍ້າມັນທີ່ສໍາຄັນໄດ້ຖືກປິດ.
ການປ່ອຍນໍ້າມັນຈຳນວນຫຼວງຫຼາຍຈາກຄັງສຳຮອງແມ່ນເທົ່າກັບຄວາມຕ້ອງການພາຍໃນປະເທດປະມານ 50 ມື້ ແລະ ມາຈາກຄັງສໍາຮອງຂອງລັດ, ພາກເອກະຊົນ ແລະ ບັນດາປະເທດອ່າວເປີເຊຍ ທີ່ເປັນຜູ້ຜະລິດນໍ້າມັນລາຍໃຫຍ່.
ຍີ່ປຸ່ນອາໄສການນໍາເຂົ້ານໍ້າມັນດິບຈາກຕາເວັນອອກກາງຫຼາຍກວ່າ 90% ແລະ ການປິດຊ່ອງແຄບຮໍມຸສໄດ້ເພີ່ມຄ່າໃຊ້ຈ່າຍດ້ານພະລັງງານ ແລະ ຄ່າໃຊ້ຈ່າຍອື່ນໆໃນຍີ່ປຸ່ນສູງຂຶ້ນ.
ຄໍາເຫັນ