ໂດຍເປັນປະທານຂອງ ທ່ານ ນາງ ສຸພາພອນ ພະນາວັນ ຮອງຫົວໜ້າພະແນກສາທາລະນະສຸກແຂວງ, ມີຜູ້ຕາງໜ້າຈາກພະແນກການ-ກົມກອງ ອ້ອມຂ້າງແຂວງຫຼວງພະບາງ ແລະນະຄອນຫຼວງພະບາງ ເຂົ້າຮ່ວມ. ທ່ານ ນາງ ສຸພາພອນ ພະນາວັນ ມີຄຳເຫັນວ່າ: ໃນໄລຍະນີ້ເປັນລະດູຝົນ ເຊີ່ງແຕ່ລະປີພະຍາດຫຼາຍທ້ອງຖີ່ນ ຈະມີຄົນເປັນພະຍາດໄຂ້ຍຸງລາຍ ທັງມີຄວາມສ່ຽງຕໍ່ການລະບາດເປັນວົງກວ້າງ, ລັດຖະບານ ກໍຄືທົ່ວຂະແໜງສາທາລະນະສຸກ, ຫຼາຍພາກສ່ວນກ່ຽວຂ້ອງ ໄດ້ມີຄວາມເປັນຫ່ວງເປັນໄຍຕໍ່ສຸຂະພາບ ແລະຊີວິດຂອງປະຊາຊົນ, ຈື່ງໄດ້ຈັດຂະບວນການປຸກລະດົມ ຊຸມຊົນເປັນເຈົ້າການເຮັດອະນາໄມ, ທໍາລາຍແຫຼ່ງເພາະພັນໜອນນໍ້າຍຸງລາຍຢູ່ໃນຊຸມຊົນ, ແນໃສ່ປ້ອງກັນການແຜ່ລະບາດ ຂອງພະຍາດໄຂ້ຍຸງລາຍ ໃຫ້ຫຼຸດໜ້ອຍຖອຍລົງເທື່ອລະກ້າວ, ປັດຈຸບັນ ໄດ້ມີໂຄງການປ່ອຍຍຸງໂວບັກເຄຍ ເພື່ອຫຼຸດການແຜ່ເຊື້ອພະບາດໄຂ້ຍຸງລາຍ ຢູ່ຫຼາຍເຂດບ້ານ ແລະໄລຍະເລີ່ມຕົ້ນອາດຈະເຫັນຈຳນວນຍຸງຫຼາຍຂຶ້ນ ແຕ່ເປັນເລື່ອງປົກກະຕິ. ເຊິ່ງໂວບັກເຄຍ ແມ່ນເຊື້ອຈຸລິນຊີ ທີ່ສມາດພົບເຫັນຕາມທໍາມະຊາດ ປະລິມານ 50-60% ຂອງແມງໄມ້ແຕ່ລະຊະນິດ, ເມື່ອເຊື້ອໂວບັກເຄຍ ຖືກນໍາໄປໃສ່ໃນຍຸງລາຍບ້ານ ຈະສາມາດຫຼຸດຜ່ອນຄວາມສາມາດຂອງຍຸງລາຍ ໃນການສົ່ງເຊື້ອໄວຣັດ ໄຂ້ຍຸງລາຍຈາກຄົນສູ່ຄົນໄດ້. ຈຶ່ງເວົ້າໄດ້ວ່າ: ການເຮັດໃຫ້ຊຸມຊົນມີສ່ວນຮ່ວມຕໍ່ ໂຄງການຫຼຸດຜ່ອນການສົ່ງເຊື້ອພະຍາດໄຂ້ຍຸງລາຍ ໂດຍການນໍາໃຊ້ຍຸງໂວບັກເຄຍ ຈຶ່ງມີຄວາມສຳຄັນຫຼາຍ ເພື່ອເຮັດໃຫ້ທຸກພາກສ່ວນໃນສັງຄົມ ໄດ້ມີຄວາມເຂົ້າໃຈຢ່າງເລິກເຊີ່ງ ທັງໃຫ້ການຮ່ວມມືຈັດຕັ້ງປະຕິບັດຢ່າງເປັນເຈົ້າການ.
ຊຸດອົບຮົມຄັ້ງນີ້ ໄດ້ຮັບການສະໜັບສະໜູນຈາກ ອົງການຊ່ວຍເຫຼືອເດັກແຂວງຫຼວງພະບາງ ຊຶ່ງດຳເນີນເປັນເວລາ 2 ວັນ ເພື່ອຜູ້ເຂົ້າຮ່ວມມີຄວາມເຂົ້າໃຈ ແລະສາມາດອະທິບາຍການເຮັດວຽກ ແບບມີສ່ວນຮ່ວມຂອງຊຸມຊົນ ໃຫ້ກັບຄົນອື່ນໄດ້ເປັນຢ່າງດີ, ປັບປຸງການເຮັດວຽກ ແບບມີສ່ວນຮ່ວມຂອງຊຸມຊົນ ເຂົ້າໃນວຽກງານການເປັນທີ່ປຶກສາຊຸມຊົນ, ເຂົ້າໃຈຄວາມແຕກຕາງລະຫວ່າງບົດບາດ ແລະເພດ, ທີ່ສົ່ງຜົນກະທົບຕໍ່ກັບ ຮູບແບບທີ່ແຕກຕ່າງກັນ, ເຂົ້າໃຈເພີ່ມຕື່ມກ່ຽວກັບບົດບາດຍິງຊາຍ, ອຳນາດ ແລະຄວາມດ້ອຍໂອກາດ, ເຂົ້າໃຈກ່ຽວກັບການເສື່ອມສານ ບົດບາດຍິງ-ຊາຍເຂົ້າ ແລະຄວາມເປັນພິໃນການເຮັດວຽກໃນ ຊຸມຊົນໂດຍສະເພາະວຽກງານການປ່ອຍຍຸງໂວບັກເຄຍ, ທັງມີແຜນໃນການຈັດຕັ້ງປະຕິບັດກິດຈະກຳໃນຊຸມຊົນ.ພາບ-ຂ່າວ: ອາພຸດເດດ ບຸບຜາ
ຄໍາເຫັນ